¹ Pọ́ọ́lù, ẹnití Krístì Jésù pè láti jẹ́ Àpọ́stẹ́lì nípa ìfẹ́ Ọlọ́run, àti Sọ́sténì arákùnrin wa. ² sí ìjọ Ọlọ́run tí ó wà ní Kọ́ríntí, sí àwọn tí ati sọ di mímọ́ nínú Krístì Jésù, àwọn tí a ti pè láti jẹ́ ènìyàn mímọ́. Àwá sì ń kọ ìwé yìí pẹ̀lú sí àwọn tí ó ń pe orúkọ Olúwa wa Jésù Krístì ní ibi gbogbo. Olúwa wọn àti Olúwa wa. ³ Kí oore-ọ̀fẹ́ àti àlááfìa wà pẹ̀lú yín láti ọ̀dọ̀ Ọlọ́run Baba àti Jésù Krístì Olúwa. ⁴ Èmi sì ń fi ìgbà gbogbo dúpẹ́ lọwọ Ọlọ́run fún un yín nítorí oore-ọ̀fẹ́ Ọlọ́run ti Jésù Krístì fi fún un yín ⁵ Òun si ti sọ yin di ọlọ́rọ̀ ní gbogbo ọ̀nà, ní ọ̀rọ̀ àti ìmọ̀ gbogbo, ⁶ gẹ́gẹ́ bí a ti fi òdodo ẹ̀rí nípa Krístì múlẹ̀ láàrin yín. ⁷ Nítorínà ẹ̀yin kò se aláìní ẹ̀bùn ẹ̀mí bi ẹ̀yin ti fi ìtara dúró fún ìfihàn Olúwa wa Jésù Krístì. ⁸ Òun pẹ̀lú yó fún un yin ni ókun títí dé òpin, kí ẹ̀yin kí ó le wà láì l'àbàwọ́n ní ọjọ́ Olúwa wa Jésù Krístì. ⁹ Olóòótọ́ ni Ọlọ́run, Ẹnití Ó pèyín sínú ìdàpọ̀ ti Ọmọ rẹ̀ Jésù Krístì Olúwa wa. ¹⁰ Nísinsìnyí èmí bẹ̀ yín, ará, ní orúkọ Olúwa wa Jésù Krístì , wípé kí gbogbo yín fi ohùn sọ̀kan, àti wípé kí ìyapa kí ó máse sí láàrin yín. Èmí bẹ̀ yín kí ẹ darapọ̀ ní inú kan àti ìdí kan. ¹¹ Nítorípé a jẹ́ kí ó yé mi, ẹ̀yin ará mi, láti ọ̀dọ̀ àwọn ará ilé Kílóè pé ìyapa wà láàrin yín. ¹² Èyí túmọ̀sí, olúkúlùkù yín wípé, "èmi dúró pẹ̀lú Pọ́ọ́lù" tàbí "èmi dúró pẹ̀lú Àpólò" tàbí "èmi dúró pẹ̀lú Kefa" tàbí "èmi dúró pẹ̀lú Krístì." ¹³ Ǹjẹ́ ìpinyà wà nínú Krístì bí? Ǹjẹ́ Pọ́ọ́lù ni a kànmọ́ àgbélèbú fún un yín bí? Tàbí ní orúkọ Pọ́ọ́lù ni a se ìtẹ̀bomi fún un yin bí? ¹⁴ Mo dúpẹ́ lọ́wọ́ Ọlọ́run nítorípé émi kò se ìtẹ̀bọmi fún ẹnikẹ́ni yín, bíkòṣe Krispu àti Gaiu. ¹⁵ Èyí sẹlẹ̀ kí ẹnikẹ́ni kí ó másọ wípé mo se ìtẹ̀bọmi fún un yín ni orúkọ ara mi ¹⁶ (Mo sì tún ṣe ìtẹ̀bọmi fun ìdílé Stífánì. Lẹ́yìn èyí, èmi kò mọ bí mo ṣe ìtẹ̀bọmi fún ẹlòmíràn.) ¹⁷ Nítorípé Krístì kò rán mi láti ṣe ìtẹ̀bọmi bíkòṣe láti wàásù ìhìnrere. Òun kò rán mi láti wàásù pẹ̀lú ọ̀rọ̀ ọgbọ́n ti ènìyàn. Kí agbára àgbélèbú Krístì máṣe di asán. ¹⁸ Nítorí ọ̀rọ̀ àgbélèbú jẹ́ ọ̀rọ̀ asiwèrè fún àwọn tí ń ṣègbé. Ṣùgbọ́n láàrin àwọn tí Ọlọ́run ń gbàlà, ó jẹ́ agbára Ọlọ́run. ¹⁹ Nítorí a ti kọ ọ́ pé, "Èmi yóò pa ọgbọ́n àwọn ọlọgbọ́n run. Èmi yóò sì sọ òye àwọn olóye di asán." ²⁰ Níbo ni ọlọgbọ́n náà wà? Ńíbo ni ọ̀mọ̀wé náà wà? Níbo ni òjiyàn ayé yìí náà wà? Ọlọ́run kò a ti sọ ọgbọ́n ayé yìí di wèrè bí? ²¹ Níwọ̀n bí aráyé kò ti mọ Ọlọ́run nínú ọgbọ́n Rẹ̀. Ó wu Ọlọ́run nipa wèrè ìwàásù láti gba àwọn tí ó gbàgbọ́ là. ²² Nítorípé àwọn Júù ń bèrè fún àmì àti àwọn Helenì ń wá ọgbọ́n. ²³ Ṣùgbọ́n àwa ń wàásù Krístí tí a kàn mọ́ àgbélèbú. Òkúta ìkọ̀sẹ̀ fún àwọn Júù àti wèrè sí àwọn Helenì. ²⁴ Ṣùgbọ́n fún àwọn tí Ọlọ́run ti pè, Júù àti Helenì, àwa ń wàásù Krístí tí ṣe agbára Ọlọ́un àti ọgbọ́n Ọlọ́un. ²⁵ Nítorípé wèrè Ọlọ́run gbọ́n ju ènìyaǹ lọ, àti àìlera Ọlọ́un lágbára ju ènìyàn lọ. ²⁶ Ẹ wo ìpè yín, ará. Kìí se ọ̀pọ̀ yín ni o jẹ ọlọgbọ́n bí o ti wà nínú ayé. Kìí ṣe ọ̀pọ̀ yín ni ó jẹ́ alágbára. Kìí ṣe ọ̀pọ̀ yín ni a bí ní ilé ọ́lá. ²⁷ Ṣùgbón Ọlọ́run yàn àwọn ohun asiwèrè ayé yìí láti dójúti àwọn ọlọgbọ́n. Ọlọ́run yan àwọn ohun aláìlera láti dójúti àwọn ohun tó lágbára. ²⁸ Ọlọ́run yan àwọn ohun tí a rẹ̀ sílẹ̀ àti tí a kẹ́gàn ní ayé yìí. Òun sì yan àwọn ohun tí a kàsí asán, láti sọ dí asán àwọn ohun tí ó ṣe iyebíye. ²⁹ Òun ṣe èyí kí ẹnikẹ́ni mába ní ìdí láti ṣògo níwáju Rẹ̀. ³⁰ Nítorí ohun tí Ọlọ́run ti ṣe, nísinsìnyì ẹ̀yin wà nínú Krístì Jésù, Ẹnití Ó jẹ́ ọgbọ́n Ọlọ́run fún wa. Òun di òdodo, ìwà mímọ́ àti ìràpadá wa. ³¹ Fún ìdí èyí, gégé bì ìwé mímọ́ ti wí, "Jẹ́kí enití ń ṣògo, máa ṣògo nínú Olúwa."