¹ И выґия́ царё́стыр Артаксерксо́стыр ла́в со мануша́ лэ́на тэˍплоскирэ́н нало́ґо сарэ́ ко́н дживэ́л пэ лэ́скири пху́в, и машки́р паня́. ² И сарэ́ лэ́скирэ ры́нды и лэ́скири зо́р, и саво́ баро́ исы́с Мардохе́ё, савэ́с ґадыя́ ца́рё, – чи адалэ́ сарэ́ ры́нды нанэ́ зачиндэ́ дэ лыла́ савэ́ лыджя́наспэ до джиипэ́н царе́нґирэ пи́р Ми́дия и Пе́рсия? ³ Со адава́ иуде́ё Мардохе́ё исы́с авиртонэ́са манушэ́са па́л царё́стэ Артаксерксо́са, барэдырэ́са машки́р иудее́ндэ, и лэ́с полэ́нас сарэ́ иуде́и, ёв кэрэ́лас, со́б джиипэ́н сарэ́нґэ иудее́нґэ тэˍавэ́л ми́рно и лачё́.