\c 10
1
እዝራ ልጝን ጃሩዅ ጃብል ኒገሽድ ለቦ ጠለዩዅር ተናዛዙዅር ስሩዅር እⶖጕሲክ፣ ቍራቝርዲ፡ እጝቓቕዲ፡ ቆልዕዲ ኣረርሰውሎም ገሪው ማሕበር እስራኤልዱ ኒል እክብስኑዅ፣ ናውኽር ኒሰና መረርድኖ ስሪኒዅ።
2
ፈደን ዔላምሩልድ ላዅ የሔኤልዱዅር ሸካንያ እዝረት ንሰና ይዅሉ፣ “ይና ላው ሸጝገብል ህምበው ቆምያትልድ፡ ገፍር እጝቓቕ ይና ቱስነድ ይና ጃርድ እምንሰው ኣኽኖ አርስኒ፣ ኒን ኒውክ ኣኾ ዋኑ ናጝር እስራኤልሲ ሳዳ ህምባዅ።
3
ናጝር ይአደራ ኰድጛሰናኽር ትእዳድ ይናጃሩዅሲ ጒኢተው ከውሰናኽር እና እጝቓቕዲ ናቍርዲት ፈስኖ ይና ጃር ጃብል ቆል ሟእኰቱዅ ቱንን፣ እን ፍትሕ ሰናኽር ኣኺን።
4
እና ጋር ኒን ኵክድመት ግን እማ፡ ጕ! ይንጝር ካቢኖካ ግን፣ ተብሮኽር እሲሉ።”
5
እንሲን እዝራ ከዳ ኣወውዲ፡ ሌዋውያንዲ፡ ናትክ እስራኤልዲት እና ጋር ኒሰና እሲድና ሸሪስዅሎም፣ ናውኽር ሸርኑዅ።
6
እዝራኻ ልጝን ጃሩዅ ጃብልድ ጕዅ፡ በና ልጝን ዮሓናን ኤልያሺብዅሪዅሊ ፈሩዅ። ኒል ፈሮኻ እን ሰልብስትኒል ወንተርውድ ዓገብ ሰበትድ ጓሃዩ እርጉዅ እማ፣ ሳንሰዓኽር ቍላ ዓቝር ጅእላ።
7
ኒደምቢ፣ እን ሰልብስትኒልድ ወንተረው ናውክ ዮርሳሌምትል እክብስድኖ፡ ይሁደዲ ዮርሳሌምዲትል ኣዋጅ ኣወጅሱዅ።
8
እን ኣዋጅኻ፡ ሰዃ ኳሪል እንትጋዅ ኣኻ አዳምክ፡ ኣሕሉቅዲ ከው በህሊንዲር ኰድጛ ሰበትድ ኒእራኵ ናውክ ሰልብስትሮ፣ ኒሹትኽር ዕግሎ ሰልብስተውልድ ያዕይስትሮ ኣደዳዅ እርጉዅ።
9
እን ሰዃ ኳረድኻ ናውክ ከው ይሁደሩዲ ብንያምሩዲ ዮርሳሌምትል እክብስኑዅ። ንርኻ እን ሰሰር አርበትልድ ለጘረጝን ግርገትል እርግቲ። ናውክ እን እክ እና ጋር ንድኽር እን ሒለቱዅ ሰወድኽር ረጀፉኑ ልጝን ጃሩዅ ጃብል ህምባዅ ሕዳርሊ ከፍ ይኖ እርግኑዅ።
10
ኒልድ ከዳ እዝራ ጐ ንሰና ይዅሎም፣ “እንትን ዓመጭ እስራኤልዱሲ በጀኽድትኖ፡ ገፍር እኲን እንታ ቱስነድ ዓገብድኑዅ።
11
ናጝኻ ጃር እንታ እክላዅሊ ተናዘዛ፣ ኒምራድስኽር እሳ፡ እክ እና ብሪውልድር ገፍር እኲንልድር ሲራ ይዅሎም።”
12
እንሲን ናውክ እን እክብስኖ እርገው ናቆልሲ ክብሲነ ንሰና ይኖ ወንተስኑዅ፣ “እምን ይሩዅ፡ እን እንቲ ይራክውድሰነና እንሲኖ አስተሀላዅና።
13
ኣኽን ግራ እን ኒል እክብስኖ እርገው እክ ገሪው ግናው፣ እን ወክት ሽቕ ግኒ እማ በራ ደውይኖ ገረስነሊ፣ እና ጋርንድ ገሪዅድክ ዓገብኑዅን እማ፡ እንጋር ላኳሪል ወሪ ለጛ ኳሪል ድⶖስታዅ ኣኽላ።
14
እን እሕሉቕ ይነው እና ዮርሳሌምዱዅ ጋርድ መመዪኒን፣ ኒደምቢ ገብራ እዅና ቱሳዅክ ኒውክ እን እውስታዅሉ ኲሽራ ግርጋድ እን ኒ መንደርታ ዕርዲረሩ መርሓትዲ ፈረደውዲትል እንቶ እን ይስታዅስክ ከለብን፣ ቀጥብ ጃሩዅ እና ጋርንድ ቀሽቀሽሮ ግን።”
15
ዮናታን ዓሳህኤልዅረዲ ያሕዝያ ቲቅዋንዅረዲ ካያ እና ጋርኒስ ተጣረርኑዅሉ፣ መሹላምዲ ሾብታይ ሌዋዊረዲኻ ካቢኒዅሎም።
16
እን ሰልብስተውኻ እን ይስታዅሰነሎም እሲኒዅ፣ ከዳ እዝራኻ ላግርዋ መርሓይ ዕያሉዅ ኣኻዅ ላዅ-ላዅ ዕያልድክ ፍሪሩዅ፣ ናውክር ላዅክ ኒሱⶖድ ከተብሱዅ። ኒልድ ሽከር አርቢል እን ጃበራ ግርገትል እና ጋርኒስ መመይድኖ ከፍ ይኑዅ።
17
እን ጃበራ አርባትል ጃበራ ግርገትልኻ እን ገፍር እኲን ቱሰው ናትክ ከውሲ መመይኖ ዱⶖኑዅ።
18
ከዳታትቍርልድኻ ገፍር እኵን ቱሰው አርስኑዅ፣ እያሱ ዮጻድቅቍርዲ ኒሻንድኻ፡ ማዓሰያዲ ኤሊዔዘርዲ፡ ያሪብዲ ገዳልያዲ፡
19
ነን ናውክ ናእኵንሲ እጝክድኖ ቆል ቱነድ ናንትትሲ ኡኑዅ፣ ዓገበንቲ ኣኽኖኻ፡ ናዓገብድ ላዅክ ድዑል ሰደቝዅ።
20
ኢመርቍርልድኻ፡ ሓናኒንዲ ዝባድያዲ፣
21
ሓሪምቍርልድኻ፡ ማዓስያዲ ኤልያንዲ፡ ሸማዕያዲ የሒኤልዲ፡ ዑዚያዲ።
22
ጳሽሑርቍርልድር፡ ኤል-ዮዔናይዲ፡ ማዕሰያዲ እስማዔልዲ፡ ንታንኤልዲ ዮዛባድዲ፡ ኤልዓሳዲ።
23
ሌዋውያንልድኻ፡ ዮዛባዲ ሺምዓዲ፡ ቄላያን ይስታዅ ቅሊጣዲ፡ ጴታሕያዲ ይሁዳዲ፡ ኤልዔዘርዲ።
24
ዘመረውልድኻ፡ ኤልያሺብ፣ መራብሲ ተከወውልድኻ፡ ሻሎምዲ ጠለምዲ፡ ኡሪንዲ።
25
እስራኤልትልድኻ ፋርዖሽቍርልድ፡ ራምያዲ ዩዝያዲ፡ ማልክያዲ ሚያሚዲ፡ ኤልዓዛርዲ ማልክያዲ፡ በናያዲ።
26
ዔላምቍርልድኻ፡ ማታንያዲ ዘካርያዲ፡ የሒኤልዲ ዓቢዲዲ፡ ይሬሞትዲ ኤልያዲ።
27
ዛቱውቍርኻ፡ ኤልዮዔናይዲ ኤልያሺብዲ፡ ማታንያዲ ይሬሞትዲ፡ ዛባድዲ ዓዚዛዲ።
28
ቤባቍርልድኻ፡ ይሆሓናዲ ሓናንያዲ፡ ዘበይዲ ዓትላይዲ።
29
ባኒቍርልድኻ፡ መሹላምዲ ማሉክዲ፡ ዓዳያዲ ያሹብዲ፡ ሸኣልዲ ይራሞትዲ።
30
ጳሓት-ሞኣብቍርልድኻ፡ ዓድናዲ ክላልዲ፡ በናያዲ ማዓሰያዲ፡ ማታንያዲ ብጻልኤልዲ፡ ቢኑኢዲ ምናሴዲ ግን።
31
ሓሪምቍርልድኻ፡ ኤልዔዘርዲ ዮሺያዲ፡ ማልኪያዲ ሸማዕያዲ፡ ሽምዖዲ፣
32
ቢንያሚንዲ፡ ማሉክዲ ሽማርያዲ ግን።
33
ሑሹምቍርልድኻ፡ መትናይዲ ማታትዲ፡ ዛባድዲ ኤልፈለጥዲ፡ ይሬማይዲ ምናሴዲ፡ ሺምዒዲ ግን።
34
ባኒቍርልድኻ፡ ማዓዳይዲ ዓምራምዲ፡ ኢኤልዲ፣
35
በናይዲ፡ ቤድያዲ ክሉሂዲ፣
36
ዋንያዲ፡ መሬሞትዲ ኤልያሺብዲ፣
37
ማታንያዲ፡ ማትናይዲ የዓሳውዲ፣
38
ባኒንዲ፡ ቢኑኢንዲ ሺምዓዲ፣
39
ሸለምያዲ፡ ናታንዲ ዓዳያዲ፣
40
ማክናድባይዲ፡ ሸሻይዲ ሻራይዲ፣
41
ዓዛሬልዲ፡ ሸለምያዲ ሽማርያዲ፣
42
ሻሎምዲ፡ ኣምራያዲ ዮሴፍዲ ግን።
43
ኔቦቍርልድኻ፡ ዮዒኤልዲ ማቲትያዲ፡ ዛባድዲ ዘቢናዲ፡ ያዳይዲ ዮኤልዲ፡ በናያዲ ግን።
44
ነን ናውክ ገፍር እኵን ዔስኖ እርግኑዅ፣ ናልድር እዃረው እኵን እርጉኑዅ።