1 . وفي تياك اليلة ، ماقدرش الملك يرقد . وأمرهم يدوا له كتاب الاخبار حق المملكة ويقروه له .. 2 . ولقيوا مكتوب فيه انهو به أثنين من المعاونين حق الملك وهم 《 بغثانا ، وترش 》الحراس حق باب الملك ، وانهم تأمروا علميد يقتلوا الملك حشوير ، وإن مردخاي هو اللي فضح هاذي المؤامرة 3 . . وقال الملك : ايش اللي قد فعلناه لمردخاي انا اشتي اكرمه ونرفع قدره على اللي فعله علميدي ؟` وقال خادم الملك : ولا شيء ! ' .. 4 . وقال الملك : من به في القاعه ؟ وكان هامان قد جا ودخل القاعه الخارجيه في القصر ، علميد يطلب من الملك يشنقوا مردخاي في المشنقة اللي سبرها له .. 5 . وقال خادم الملك : هامان مراعيلك في القاعه . وأمرهم الملك يدخلوه .. 6 . ولاما دخل هامان قله الملك : أيش نفعل برجال يشتي الملك يكرمه قوي ؟ ` وقال هامان بينه وبين نفسه : منهو الرجال اللي الملك يشتي يكرمه اكثر مني؟`.. 7 . وبعدها قال للملك : الرجال اللي الملك يشتي يكرمه .. . يدوا له لدة ولبس ملكي من اللي بيلبسه الملك ، وفرس من اللي بيركب فوقهن الملك ، ويفعلوا له فوق راس الفرس زينة ملكية .. 8 . ويشل اللدة واحد من أعظم وأكبر شخص للملك ، ويديله اللدة والفرس ، ويلبس الرجال اللي يشتي الملك يكرمه ، ويركبوه فوق الفرس في ساحةالمدينة ، وحاكيهم يداعوه لا قدامه : الرجال اللي يشتي الملك يكرمه، ونفعل هاذا معه !` ... 9 . وقال الملك لهامان : سير فيسع وشل اللدة والفرس وافعل سعما قلت ، وافعل كل ذيه لمردخاي اليهودي اللي بيشتغل عند باب الملك . وانتبه تهمل اي حاجة من اللي قلتها .. 11 . وبعدما فعلوا لمردخاي اللي أمرهم به الملك، قام مردخاي ورجع لشغله عند باب الملك. ليكن هامان سار بيته وهو ضابح وكان يغطي راسه من الخزى .. 10 وشل هامان اللدة والفرس ، ولبس مردخاي وركبه فوق الفرس في ساحة المدينة، وقام يداعي قدامه : الرجال اللي الملك يشتي يكرمه بنفعل معه هكذا ! ` . 12 . وقام هامان يحاكي مرته زرش وكل أصحابه باللي وقع به . وقالت له مرته والمستشارين حقه : شكلك قد بدئت تهتزم قدام مردخاي. وطالما هو يهودي ، فما عتقدرش تفوز عليه ، مابلا عتهتزم لو طرحت راسك براسه ! ` ... 13 . ولاما كانوا جالسين بيجابروه ، جا الخدم حق الملك ، وشلوا هامان بسرعة للعزومة اللي فعلتها أستير ... 14 ولما هم بيجابروة ، وصل خدام الملك ، وبزو هامان بسرعة للعزومة اللي فعلتها استير .