1 Nomba ukulingana nizyansita, yanji, musi nachimwi ichakulondwa ukuti chonsi chilembwe kuli mwemwe. 2 Pano mwemwe kwene mumanyile ningo sana ukuti uwanda wakwe Leza wukwiza ngati umupupu uwusiku. 3 Ndiyakuti, ''Umutende nu kuchinjililwa,'' Achino umwakwiwuchizya uwononyi wuliza pali woliwo. Chilaya ngati uwulumilwa wa mphapoya mwanachi wa ndilwa. Kutalaya inzila yili yonsi iyakulewuchila. 4 Kweni mwemwe, yanji, musi mumfinzi achino tukuti uwanda wutalawachila ngati umupupu. 5 Pakuti mwensi mweyana yakuswepa nupya mweyana yamusanya. Sisweyana yawusiku pamwi ayamfinzi. 6 Achino, tutakasula ndivino yamwi yakuchita. Nkhandi, izini tuye sweyakulolechesya nukunthakoleka. 7 Pano yano yakakasula yakawomba vikwene uwusiku, nayano yakakoleka yakachita vii uwusiku. 8 Kweni pano sweyamusanya tukwikala ukwawula ukukoleka nukuyika penepo itayilo nulukundo ngati imbale yapamayele, nisuwilo lyakulindilila ichipewa chitu. 9 Pakuti Leza atatusozile mukusoka, kweni ukuti tuzane ukupusuka ukupitila muli Mwene witu Yesu Kilisitu. 10 Uweliwe watufwilile ukuti ndituli amanso, pamwi ndituli umutulo, pamwi tungikala apalipamwi nawe. 11 Achino sechelesyanini nukuzengana ndivino mukawomba na mphiti. 12 Tukuwalenga umwisuwilo, yanji, ukuchindika yano yakawomba apakasi pali mwemwe nayano yali papela pali mwemwe muli Mwene nayano yakawawonvya. 13 Naswekwene tukuwalenga ukuwayika papela umulukundo pamulandu wamilimo yawo. muye pamutende pakasi pinu. 14 Tukuwalenga, yanji: chenjezyini yano ayakasu, chinchizyini ayachisila. Yavwini ayafoke, nupya mwayisya kuli wonsi. 15 Lolechesyini ukuti pasi wino akuwezya uwuyipe pa wuyipe kuli wumwi. Kwene chitini chino ichisuma kuli wenga na muze na wonsi. 16 Sankhananji lyonsi. 17 Pepanji ukwawula ukuleka. 18 Muli vyonsi mwasalifya. Pano kuu ukulonda kwakwe Leza muli Kilisitu Yesu winu. 19 Mutalesya umupasi. 20 Mutasusya amawulumbilili. 21 Yezyanji ivinthu vyonsi. Lemasyini kuli vino ivisuma. 22 Talukini kuluko lonsi lwawuyipe. 23 Lekini Leza wamutende awachinjilile umwakukwana. Lekini umupasi winu wonsi, umuzimu, nu mwili ukuti wusungwe ukwawula ukutukwa pakwiza kwakwe Mwene witu Yesu Kilisitu. 24 Uwachumi awino akawama, wino aliwomba nupya. 25 Yanji, nupepelanji na sweswe kwene. 26 Lamukini ayanji wonsi na moni wa lukundo. 27 Nkuwakomelezya numwenzo wonsi ukuti kalata wii awelengeke kuwanji wonsi. 28 Uwuchindame wakwe Mwene Yesu Kilisitu wuye namwe.