¹ Bo isiku lya Sabata lyamala, bobwanda ukwila ubusiku mwa lisiku ilyakwanda ilya mwasabata, Mary Magadalena sona nuyungi u Mary bakisa pakuketa ipumba. ² Nakalinga kukisa akasenyenda akakulu ngani, po abangelo ba ba Malafyale bakanda pakwika ukufuma kumwanya nukubungunia ibwe n ukwikala papo. ³ Akabonekele kake kakaba ngati kalabi kafula, imyenda yake yikaba miswepu ngati wekabefu. ⁴ Abamalonda bakatetema nukoghopa bakaba ngati bandu bafwe. ⁵ Po abangelo bakababula abamama sona bakayugha kukwabo, Manye moghope , pakuti tumenye ukuti mulonda u Yesu yo akomeliwe . ⁶ Atalimo muno ,loli asyukite kubufwe ngati isamumo akayughila. Isakuno mukete mumo um Malafyale aghonite. ⁷ Bukagha lubilo kababule abamanyili bake, Asyukite kubufwe. Keta akwenda mundasi mwinu akuya ku Galileya. Kula koko tiye mumubone umwene; Keta, Ingababula umwe.'' ⁸ Po abamama mwalubilo bakafumapo pipumba nubogha sona nubuhobofu ngani, sona bakakinda pakuya pakubabula abamanyili ba Yesu. ⁹ Po UYesu akakomana nabo nukubalamuka, Po umama yumo akisa , nukumukola ifinama nukumulambila u Yesu. ¹⁰ Po uYesu akayugha akati manye moghopeghe. Bukagha iye mubabule abamukulu wangu ukuti bafumeko ku Galileya. kulakula koko tiye bambone une.'' ¹¹ Abane loli bamo abamama bobakubuka , pobamo abalindilili bakabuka mukaya nukubabula abaputi abasongosongo fyosi fyofyabombiwa. ¹² Bo umuputi akomana nabasongo ba chalichi bakanda ukuyughisania fimo nabo, bakabapa indalama inyingi ngani abasilikali sona kababula abene, '' ¹³ kayughe nakubangi, Abamanyili ba Yesu bisile pabusiku nukwiba umubili wa Yesu bo uswe tughonite.' ¹⁴ Pala ubutenga ubu bwamwagha umulongosi wa chisu, titukaye tumupepeke umwene nukuti syosi isya bogha sikafumemo mumwako,'' ¹⁵ po abasilikali bakegha indalama sila nukubomba ngati isamumo baka babulkila. amasyu agha ghakenda akaya kosi muba Yuda ghakubukilila numusughu ¹⁶ Loli bamo eleveni abamanyili bakabuka ku Galileya , kwighamba lyo uYesu akamulongosya ukuti babukeko abene. ¹⁷ Bobamubona umwene bakandanda pakumulambila umwene loli bamo bakakayikilagha. ¹⁸ UYesu akisa kukwabo nukuyugha kukwabo, amazaza ghosi imbeghiwe kumwanya na pansi. ¹⁹ Bukagha muye mubapele abandu ukuba bamanyili ichisu chosi. Mubosye bosi mungamu ya Tata niyan mwana, niya mbepo mwikemo. ²⁰ Bamanyisye bosi ukuti bakongeghe fyosi fyo ngababula umwe. keta , ndinumwe akabalilo kosi, mpaka pabumaliro bwa chisu,''