1 Bo ingelongelo yafika bosi abaputi abosasongosongo nabalongasi abasongosongo ba bandu bakanda pakumufwima u Yesu pakuti wamukome afwe. 2 Bakamupinya , nukubuka nawe , sona bakamubika munyobe sya Pilati umulaghili. 3 Bo Judasi yuyo akamubika uYesu mubalwani ukuti akaketa ukuti uyesu asuliwa, akalapa nukubanyosekesya isalabasya syabo isyakukwana 30 siliva kubaputi abasongo nabasongo ba chalichi, 4 sona akati, ''Nananga pakumupayika umundu wambula chifukwa, '' loli bakati, '' kwa uswe kulichoni? keta ku wemwene.'' 5 po akisa ataghila isalabasya sya siliva pansi mu chalichi nukufumamo,nukubuka kunsi nukwanda ukwikunga mwene. 6 Abaputi abasongo songo bala bakegha isalabasya sila bakayugha ukuti chitakubaghila uku ichuma ichi tubike kunyabi chifukwa chafumila amalo agha ghakukwibanda lya mundu.'' 7 Bakayughisania ichindu ichi bosi poka , sona bakaghula nindalama silasila umughunda wamundu yuyo akamata isonda ukuti mobasilaghemo abalendo pamo abagheni palam bafwa. 8 Pachifukwa ichi amalo ghala ghakwitisiwa ukuti, '' Malo gha libanda'' numusughu. 9 Pofyosi fyofikayughiwa nu musololi u Yeremiya fyakwanilisiwe, nukuyugha,'' ''bakegha isalabasya syakukwana amasiliva 30, pamutengu ghugho ghukapiwa nabana abanalume ba isilayeli, 10 sona nukumupa yuyo akamata isonda, ukuyana namumo umalafyale Chala akandongosyekesya' une'' 11 12 13 14 po u yesu akimilila pabalaghili sona abalaghili bakamubusikisya bakati, Ka we malafyale wabaYuda ? '' UYesu akamula akati,'' Wayugha wewe.'' Bo asusiwa ngani na nabaputi abasongo naba songo ba chalichi atakabamulapo nachimo. U Pilati akayugha kukwake , '' Ka utakupulika kufyo bakupimila panu uwe? loli pope atakamulapo nachimo nisyu nalyoka lyope atakayughapo po umulongposi yo akalamulila akasyigha ngani. 15 16 Pakabalilo ka lusekelo pakuba umwambo wa mulaghi uusatula yumo weka umupinyiwa yo asaliwa nabandu pachigulu.Pakabaliro kalakala pakabapo umundu yumo umupinyiwa umutamye ingamu yake Barabasi. 17 Mobabungana poka bosi , u Pilati akati kukwabo , '' ka weweni yuyo mukulonda ukuti une mbasatulile? Balabasi pamo yo akwotisiwa ukuti UYesu Kilisitu? 18 Akasimanyaa nukuti bamupereka uYesu kukwangu chifukwa cha kabini. 19 Bo ikile pamupando uwakulonela inongwa, umukasi waken akamutumila isyu kukwake akati,'' Manye umubomnele nachimo umundu wambula chifukwa nachimo.Pakuti natamiwa ngani umusughu chifukwancha njosi pamo ifilota fyo namulotela yuyo.'' 20 Po abaputi abasongosongo nabasongo ba chalichi bakamunyengera ichigulu cha bandu nusuma ukuti bamasatule u Balabasi nukukoma u Yesu. 21 Umulaghili yula akabalalusya, '' pa bandu aba babili weweni yuyo mukulonmda mbasatulile umwe?'' bakamula bakati, '' balabasi.'' 22 Pilati akabalalusya, ''choni cho mubombele uYesu yo yo akwitisiwa ukuti Kilisitu?' bakamula bosi ukuti, '' mukomelele.'' 23 Po akati, '' choni , chibibi chiki cho abombite?'' loli bakakolela ngani ichiwawa , nukuti ''mukomele uyo.'' 24 mo uPilati aketa ukuti atangabomba nachimo , loli ifyongo fyanda ukubombiwa , akegha amisi nukogha munyobe pamaso gha bandu abingi nukughuya ukuti, '' une ndeninongwa nayimo nibanda lya mundu uyu. mukuketa numwe.'' 25 Bosi abandu bakati , '' ibanda lyake libe papitu sona sona nabana bitu,'' 26 po akamufumya u Balabasi abene, loli akamulamula yesu nukubakoleka ukuti akomeliwe. 27 Po abasilikali ba mulaghili yula bakamwegha uYesu nukwingila nawe ku ma ofesi gha boma amakuku nukubungana bosi abasikali. 28 Bakamufula imyenda yake nukufwika nukufwika imuselekesye umukesamu. 29 Bakapanga ichipewa ichamifwa nukumufwika kumuntu nukumukoleka ingomo munyobe yake ya ndyelo. Bakafughama pansi pandasi pake nukwanda pakumunyasya , bakati, '' Mwaghona Malafyalwe wa ba Yuda!'' 30 Bakamfwinila amati,sona bakapoka ingomo, nukumu koma nayo pamutu wake akabaliro akatali. 31 Bobamunyosa, bakamupoka umukanjo nukumufwika umukanjo uwake, nukumulongosya ukuti baye bamukomelere. 32 Bobakufukumamo, bakamwagha umundu yo akafuma ku kelereni ingamu yake akaba wi simoni, yo bakamukakamisya ukuti abuke nawo umwakuti anyamule ichipingika chake. 33 Bakaya bafika pamalo gho bakilisya gologota, chochikung'anamula, ''amalo gho ghayanitebu nu ,mutu wamundu''. 34 Bakamupa uvinyo (ubwalwa bwa mafilu) yo bakonganinya nichikonde. Lori bo aghonja, atakaghwela hangha. 35 Bobakumukomelera, bakayabana umukanjo wake nupanga amanjele, 36 sona bakikala nukumulondela. 37 Pamwanya pa mutu wake bakabika ichifukwa cha nongwa yake(ichikwangwani) chikatingi, ''uyu wi yesu, umalafyale wa bayuda.'' 38 Abiba babili bakakomeleliwa nawe pamupene, yumo kulubafu lwa kanyobe akalyelo yumo kulubafu lwa nyome yakusyomi. 39 Bosi bo kapuluniya palapala baka mutuka, bakapukunya imitu yabo 40 bakatingi, ''we ukatingi ukwisa ukupongola ichaliki nukuseka sona amasiku matatu, ipoka wimwene! pala we mwana wa chala, ika ufumepo pachipingika.'' 41 Musila yiyiyi sona abaputi abosongosongo bakamunyosa, pamupene nabamanya ndaghilo, nabalongosi, nukuti, 42 Akapoka banine, loli atangipoka mwene. wi malafyale wa izilayele, muleke ike ukufuma pa chipingika, potise tusubile mumwake. 43 Akusubila mwa chala, po uchala amupoke losi ulu, pala uchal ighanite ukumusatula, sona ukuyugha ukuti, 'nemwana wa chala'''. 44 musila yiyiyi sona nabiba bobakakomeleliwa nawe pamupene bope bakamutuka. 45 Ukufuma pakabalilo ka 6 ukufika pakabalilo ka 9 ichisi chikawa pa chisu chosi cha pasi. 46 Bokakwana akabalilo ka 9, uyesu akakuta namasyu amakulu akati, ''Eloyi, Eloyi, Lama sabakatani?'' chochikung`anamula ukuti, ''chala wangu, chala wangu choni chowandeka une?'' 47 Bo bamu bo bakimilila palapala bapulika, bakati, ''Akumutisya u Eliya''. 48 Palapala na palapala yumo akakinda nukwegha ichipyelelo, nukutwibika mwa vinyo yo akubaba nukuchisomeka kulutete,nukumupa ukuti ang`wele. 49 Abanine bosi wakati, ''muleke mwene.Tukete pala u Eliya akwisa pakumupoka.'' 50 Po uyesu akalila sona namasyu gha pamwamya nupeleka umbepo wake. 51 Papapo na papapo, uumwenda gho ghukasighila muchalichi ghukisa wanyepuka, uikufuma pamwanya mupaka pasi, nichisu chikayikangana, amabwe ghaka lepunganagha. 52 Amapumba ghakighukagha, nimibili ya wandu abikemo bokaghona kutulo bakasyuka. 53 Bakafumamo mu mapumba bo umwene asyukite, ukwingila akaya akikemo nukubabonekela abingi. 54 Bo usongo wa basilikali nabosi babo bakamulondela uyesu baketa akaseng`ende nafyosi fyo fikabombikawa, bakoghopa nukuyuka ukuti, ''Naloli uyu ali mwana wa Chala.'' 55 Abakolo abangi wo bakamukongoka ukufuma ku Galileya ukumusungilila wakaketelela bobimilile pa bulaliko. 56 Pakati pawo pakawa pakawa umanya Magadalena, umaliya ung`ina wa Yakobo nu Yosefe, sona nu mayi wa bana wa Zebediya. 57 Bo ichanamasuba chikafika, kukafika umundu umukabi yo akafumila ku Alimateya, ingamu yake akaba we Yosefe, akaba mumanyili wa Yesu. 58 Akaya kwa Pilati ukuti amusume umufimba wa Yesu. Po u pilati akitikisya ukuti amupe umufimba. 59 U Yosefe akegha umufimba, nukughunyembetera nimyenda, akisa nu kughusila mwipumba ipya ilyake lyo akakumba pakati pibwe, 60 akisa akupikilapo nibwe ilikulu pa mulyango wa lipumba nukufumapo. 61 U Maliya Magadalena nabo maliya abanine bakabapo palapala, bakikala nukuketana nipumba. 62 Isiku ilyabubili, lyolikaba lisiku ilyakwitendendekesya, abaputi abosongosongo na bafalisayi bakaba nulukomano nu pilati. 63 Bakati, ''mughindikiwa, tukukumbuka ukuti bo umumyasi yula mumi, akati boghakinda amasiku matatu ngwisapakusyuka sona." 64 Po ulamulile ipumba ukuti liwe ilyakusighililiwa ukufuma isiku lybutatu,lumo abamanyiliwa bake bangamwiba nukuyugha kubandu, ukuti 'ukuti asyukite ukufuma kubufwe', ubu bukwisa pakuba ubumyasi ububibi ukila ubwapabwandilo''. 65 U pilati akati kukwabo, Egha abasilikali. Buka muye musighighilireukuyana namomumanyilile''. 66 Po bakabuka nukuti baye basighilile ipumba, bakabasya nibwe sona bakabika naba londa.