¹ Mitɔè ji le lonlon me yi mia bi le enu nana le gbɔgbɔ me, ne mia gblɔ enya de na me dji. ² Ameke le hɔnu le égbémea nle honu na amewo, voa élé honu na mawu.Amedekpekpe mu la se wo enu ke nti ele tsv enya wo tsɔ le be le gbɔgbɔ me. ³ Voa yi amede le gblɔ enya de nè amewo yi mia liké yi mia do housin wo ⁴ Ameke le do egbéa la liké ntɔ, voa ameke le gblɔ enya dea letu gbedohɔ ⁵ Fifia nle gblv be amesiame ndo egbe dekpékpé. Voa le kuma wo n'kɔa nyagblɔdè.Nyabglɔtɔ egangan wu ameke le do egbe vovo yi amede lede egomé nè eha tutu le gbedohɔme. ⁶ Nɔvi nyin wo ku dida nyin wo, yi n'va le honu nami le egbe nyin mè, nuka yi wɔna mi? Nye matehun o, matehu gblɔè kude dedefiɔ, enunyanya wo nu ho wo, alo enya gblɔ, alo enu fiɔfiɔ. ⁷ Yi omu lépo évibéblé wo énua o, lémo ola nya mɔ bé olé blévi? ⁸ Ye nyi ékpin vovo ké olé kua, léma anya mɔn bé gamé su né woa yi wɔ ahɔa ⁹ Elé miagbɔ tcha. Yi milé énya gɔmè masé masé, lémon amewo lasé égɔmé mɔ? Mila léhɔnu voa amewo masé égomè wo. ¹⁰ Tchakatchaka sugbɔ va égbéwo mè lé hihéamè.Voa olé tchaka gɔmè djédjé nè énua wo. ¹¹ Voa yi nyemu sé égbéa wo, yi amékélé honua tcha trɔzu amedjro na n'nye tcha. ¹² Odo dika sigbé miatcha nènè. Milé tchidji nè mawu wo gbongbon, mibi né mia liké gbé dohɔ. ¹³ Amekélé dogbeda lé yiwo gbénè, élé dogbeda bé ya vadé égɔmè. ¹⁴ Yi n'lé dogbéda lé agbé nye mè, gbɔgbɔ tcha lé dogbéda, voa énu nya lananyi gbalo. ¹⁵ Lémɔa awɔ mɔ? Madogbeda kude gbɔgbɔ kude énu nya. Madiha kude gbɔgbɔ kude enu nya. ¹⁶ yi milé kafu mawu tété kude gbɔgbɔ, lémɔ amékéwo mulé séa wo lagblɔ mɔ: "Amen" oma nya énuké milé gblɔ wo? ¹⁷ Olé kafu mawu, voa éha mu liké nawo. ¹⁸ N'lé biɔ amenuvévé tcho mawu mè, enuké n'tia n'lé dogbé vovo sugbɔ wu mi, ¹⁹ Voa lé gbédohɔmè n'le dji bé ma gblɔ enya amatɔ ké gɔmè dédé lén'tia yi mia doho liké, yi mia gblɔbé égbé kotoku amewo. ²⁰ Dida wo kude nɔvi wo, mimu gbé nyi dévio voa minɔ sigbé dévio sigbé énuké nyi gbégbléa. Voa lé miawo susu wo me, mi nyi ametchitchiwo. ²¹ Elé ésé mè:"agbetɔ wo égbé vovowo kude agbétɔ wo énu vovo wo, ma gblɔnya na édukɔ, fifimè wo madoto mu wo", Yesu yi gblɔè. ²² Lé kpɔdéhu égbé wo onyi djési kému nyi hɔsétɔwo, voa hɔsé tɔwo tɔyi. ²³ Ye nyi nènèa gbédohɔ labɔ yi olaléhonu tcho woa wo égbéwo n'ti, amekélé éhihé kude ameké wo mu hɔsé olahi; oma gblɔ milé djédɔwo? ²⁴ Voa enya gblɔdèwo kude amekélé éhihé wo alo améké wo mu hɔsé wo la dɔmé, oladu wadjilé enyaké oséa mè, ola bufon wo le enya ké wo sé kpatamè, ²⁵ Oladé woa djimè nya fiɔ, élédja nyi le n'kumè nè yi élasubɔ mawu yi élagblɔ bé mawu yi onyi lé miadomè. ²⁶ Fofo kude dida wo, lémɔ mia wɔmɔ?Gakémé milébɔa, ame sia medɔ mawu wo nya gblɔdè,enu fiɔfiɔ, dedefiɔ, égbéwo alo ényadédé gɔmè.Miwɔ yi mia liké gbédohɔ. ²⁷ Yi amedé léhonu le yiwo gbémè, woasu amévé alo amétɔ déka déka lé énuhɔmé, amédé lavadé énya wo gomé. ²⁸ Yi amede mulé gbédohɔmè yi nédé énya wo gomè woa bɔnu, womu gbéhonuna mawu. ²⁹ Enyagblɔdé amévé alo amétɔ oléhonu nè amékpɔtiawo yi olésé yi ogblɔ bé. ³⁰ Ameké nanyi légamu wo okpɔ dédéa, amékélé honua élava nɔté énuhoho. ³¹ Amesiame laté kaka enyalé yi wo gamé yi mia kpɔ dédé yi miado housin wo, ³² Nyagblvdewo gbɔgbɔ ébubɔ nɔ na ényagblɔla wo ³³ Voa mawu munyi yaka wo mawu, voa n'ti fafa sigbé gbédohɔmè kɔkɔé. ³⁴ Le gbédohɔme nyon nu wo mahonu o, émɔdédé mulé bé woa honuwo, olado bubu sigbé léké éséa gblɔwa. ³⁵ Yi ohian bé woahɔ n'dékpékpé, woa biɔ woa tchu wo lahomè.N'do bubu nyɔnu n'ti bé néhonu lé gbédohomè. ³⁶ Mawu wonya tcho miagbɔa? mia dédé wo gbɔ élava? ³⁷ Yi amedé nyi enyagblɔla, alo gbɔgbɔ, yi onye be énuké n'lé yron Yesu wo atchè kpakpa. ³⁸ Yi amedé mu nye, nénɔ yiwo numanya dji. ³⁹ Nɔviwo, ényagblɔla bé migbé défu ne amedé lé énuhohomè le woa gbémè. ⁴⁰ Voa énua nayilé dodo nyoin mè.