¹ Nɛ nyi bé mu dona amɛgbetɔwo xo gbe kudé mawudɔla tɔa, nɛ nyɛ mu ɖo lɔlɔn oa, ɳle sigbe gakokoé alo agban gbɛjɛ kewo ɖinɔ gbe a nɛnɛ. ² Nɛ nyi bé enyagblɔnɖi xo enunana le asi nye, yi ɳsenɔ nuwawlawo kpata gomɛ yi sijeje blibo sun asinyɛ, yi ɳɖo xɔse ke lateɳ kiké etowo jii, vɔa nɛ lɔlɔn mu le asi nyɛ o a, nyɛ mu nyi nu ɖékpékpé o. ³ Nɛ mu cɔ kesinɔnu nyɛwo na wɔmɛnɔwo, yi ɳcɔ nutilan nyɛ nan bé wo atɔɛ zo, nɛ nyɛ mu ɖo lɔlɔn o a, mu nyi enu gbalo. ⁴ Lɔlɔn gbɔna ji ɖɛ, lɔlɔn nyi dɔmɛnyɔɛtɔ, lɔlɔn mu biana ɳku ɖe amɛ ɖé xonu jio, lɔlɔn mu dana o, mu kikɛnɔ é ɖéke ɖé ji o, ⁵ mu tanafu amɛo, mu ji na yi ɖéke tɔ, mu binɔji o, mu bunɔ tamɛ co amɛ ɳti o, ⁶ mu kpɔnɔ jijɔ le enu majɔmajɔ wɔwɔ ɳti o, vɔa é kpɔnɔ jijɔ le nyatoxo ɳti. ⁷ Lɔlɔn cɔnɔ enu ɖékpékpé kena amɛ, é kana ɖé enu ɖékpékpé ji, é kpɔna emɔ na enu ɖékpékpé, é donɔ ji le enu ɖékpékpé mɛ. ⁸ Lɔlɔn mu vɔnɔ gbeɖe o. Nyagblɔɖɛwo nu lava yi, egbe yeyéwo dodo nu lava yi. Sijejewo nu llava yi. ⁹ ɖe enu ke ɳtia, mi djesi nu afan ku afan, yi mi gblɔnɔ nyaɖɛ afan ku afan. ¹⁰ Gake mɛ enu ke sɔgbé a lava, enu ke mu sɔgbé o a la jemɔn. ¹¹ Gakemɛ ɳle vi mɛa, ɳxɔnɔ nu sigbe bé ɖevivi nɛnɛ, ɳbunɔ susu sigbe be ɖevivi nɛnɛ, ɳdenɔ aɖaɳ sigbe be ɖevivi nɛnɛ. Ke ɳva ci a, ɳcɔ ɖevi xo nuwo daɖo akpa ɖeka. ¹² Fifia mi le kpɔnu sigbe bé, le apupui mɛ nɛnɛ, vɔa gakuma mɛa miakpɔ nu ɳkumɛ ku ɳkumɛ. Fifia ɳjesi enu afan ku afan, vɔa le gakuma mɛa majesinu sigbe aléke wo jesi nyɛɳtɔa nɛnɛ. ¹³ Fifia enu amɛtɔn kiya wo yi le: xɔsé, mɔkpɔkpɔ, kude lɔlɔn, vɔa, éke gangan wu le wo domɛ a yi nyi lɔlɔn.