¹ Po ulu mu chalichi ku Antiyoko, mukabamo abaghonela na bamanyisi bamo. Bakaba u Balanaba, Simiyoni (yo bakamwitizyanga Nigeli), Lusiyasi wa ku Kileni, Maneni (umukulu uwa Helodi wakwitiziwa tetilachi), nu Sauli. ² Bo bali pakwiputa kwa Chala nu kusita kulya, u Muzimu Umuswepu ghukati, ''Mugabileko u Balanaba nu Sauli, ukubomba imbombo yo nkhabitizizya.'' ³ Bo bikala ukusita kulya, bakiputa, nukubika inyobe pa banthu aba, nukubatuma. ⁴ Po u Balanaba nu Sauli bakachindika u Muzimu Umuswepu sona nukubuka ukughulumuka ku Selesya; ukufuma kula bakendela ku Sayipulasi. ⁵ Bo bali mu kaya ka Salamisi, bakalumbilila amazyu gha Chala mu ma Sinagogi gha ba Bayuda. Bakaba sona nu Yohani Maliko ngati wakubavwilizya. ⁶ Loli bo bakuchilingania bakuya mukaya ka Pafosi, bakamwagha umunthu yumo uwa mayele, umughonela wa bayuda umumyansi, yo izina lyache akaba we Bala Yesu. ⁷ U munthu wamayele uyu akivwananga nu Polokonso, Selejiyasi Pabulasi, yo akaba munthu wa mahala. U munthu uyu akakunga u Balanaba nu Sauli, pakuti akalondanga ukwivwa kwa Chala. ⁸ Loli u Elemasi ''uwa mayele'' (momo izina lyache likang'anamulilanga) akabasusyanga; akayezyanga ukumung'anamula u Polokonso ukufuma ku lusubilo. ⁹ Loli u Sauli, yo sona akwtiziwa Pabuli akizuziwa nu Muzimu Umuswepu, akamulingisyanga mwakatontho ¹⁰ sona nukuti, uwe mwana wa satana, uwakwizula nu bumyansi nu bukata. We mulwani wa bo bali nu buswepu. Utakwiza ukuleka pakunyongania inzila izigholosu izya Mwene, ka inthi ube? ¹¹ Po ulu linga, inyobe ya Chala yili papako, sona inthi ube we mufwa maso. Te wize ulilinge izuba pakabalilo.'' Pakabalilo akafupi vikamuwila u Elemasi utumesya ni chisi; akanda pa kwendendeka ukulalusya abanthu abakuti bangamutangilila pakumukola pa nyobe. ¹² Bo u mulindilila akaya alinga vyo vikabombiwanga, akasubila chifukwa akaswigha nu bumanyisi ubwa vya Chala. ¹³ Ulu u Pabuli na na banyabo bakanyamuka ukufuma ku Pafosi sona nukwiza ku Peja ku Pamufiliya. Loli u Yohani akabaleka nukunyokela ku Yelusalemu. ¹⁴ U Pabulo akenda ukufuma ku Peja nukwiza ku Antiyoki waku Pisidya. Ukufuma pala bakaya ku sunagogi pisiku lya Sabata nukwikala pansi. ¹⁵ Bo babelenga indaghilo na baghonela, abasongo ba mu sinagogi bakabatumila inthumi, nukuti, ''Ba wamwitu, nanthi muli ni nthumi yimo iyakughomya abanthu pano, nenani.'' ¹⁶ Po u Pabulo akimilila nukunenela mu nyobe zyache, ''Banthu ba ku Izilayeli namwebonsi mwe mukumukwezya u Chala, ivwani. ¹⁷ U Chala wa bina Izilayeli akaseba abatata bithu nukupanga abanthu ukunyana po bakikalanga mu Ijiputi, sona nukukwezya inyobe ukuti bafumemo. ¹⁸ Bo penda imyaka fayivi akababika mu nkholongo. ¹⁹ Bo bananga utwaya seveni munsi ya Kenani, akabapa abanthu bitu insi ukuba ya mpyana. ²⁰ Ivinthu vyonsi ivi vikasenda imyakaukupululila folo handiledi pamwanya fifite. Pisinda pa ivinthu vyonsi, u Chala akabalonga mpaka u Samueli umughonela. ²¹ Loli abanthu bakalalusya ivya bumwene, po u Chala akabapa u Sauli umwana wa Kishi, umunthu ukufuma ku luko lwa Benjamin, ukuba we mwene ku myaka fote. ²² Bo u Chala amufumya mu bumwene ,akamwimika u Devedi ukuba we mwene. Vikaba vya Devedi vyo u Chala akanena, 'Namwagha u Devedi umwana wa Jesse ukuba munthu pa moyo wane , yo akabomba vyonsi vyo nkhalondanga.' ²³ Ukufuma mu luko lwa munthu uyu u Chala amupa u Izilayeli, umupoki, u Yesu, ukuba mo akalaghizizya ukubombwa. ²⁴ Bo u Yesu atizite, u Yohani akalumbilila izya lozyo nu bupoki ku banthu bonsi aba ku Izilayeli. ²⁵ Bo u Yohani akumalizya imbimbo yache,akati,' Ka mukwinong'ona ukuti une ne wenu? Tenene. Loli mwivwisye, yumo akwiza mwisinda mumwane, nthakasatula nu tukungilo twa nsapato zyache.' ²⁶ Bawamwitu, bana ba muluko lwa Abulahamu, sona na bonsi mukasi mumwinu bo bakumoghopa u Chala, chili kukwitu ukuti inthumi ya bupoki yatumiwa ku kwitu. ²⁷ Ku bo bakwikala mu Yelusalamu, na batangilili, batakamumanyanga, sona bakabulkilila ukunena ivya baghonela bo bakubatangilila i Sabata yonsi bakamususyanga. ²⁸ Napo batakachagha nachimo ichifukwa chakumukomela, bakamulalusya u Pilato ukuti akomiwe. ²⁹ Bo bamalizya vyonsi ivinthu vyo vikasimbiwa ivya kukwache, bakamwisya ukufuma mwikomo nukumubika mwi pumpa. ³⁰ Loli u Chala akamuzusya ukufuma ku bufwe. ³¹ Akabonekela amasiku aminji na bonsi bo bakafumanga ku Galileya ukuya ku Yelusalemu. Abanthu aba bakaba bakaboni ku banthu. ³² Po uswe tukubabuzya umwe amazwi gha Chala gho ghakalaghiziwa ku batata bitu ³³ akakwanilisiwa ku kwitu, abana babo, ukumuzusya u Yesu. Ngati mo visimbiwile mu Masalimo wa bubili: we mwana wane, ilelo naba ne ghuso.' ³⁴ Imfundo yakuti akazusiwa ku bufwe pakuti umubili wache te ghukabole, u Chala akunena mu nzila yinonyene: 'Nkwiza ukukupa umuzimu sona ichisayo cha bwanaloli ku lufingo lwa Devedi.' ³⁵ Cho chobene akanena sona pa masimbo aghanji gha Masalimo, ' Mutakitikizye Umugholosu Winu alinge ivyakubola.' ³⁶ Bo u Devedi abomba vyo u Chala akamunyoyezwanga mu mpapo yache, akafwa; akasiliwa papipi na ba wise sona umubili wache ghukabola. ³⁷ Loli yo umwenecho u Chala akamuzusya ghutakabolapo. ³⁸ Po muleke ivi vimanyikwe kukwinu, ba wamwitu, ukuti ukwizila mu munthu uyu weyo akubaghobokela imbibi zinu. ³⁹ Mwa yuyo mwene yo akwitika mo muli ubwanaloli ukufuma mu vinthu vyonsi vyo vili mu ndaghilo zya Mozesi zyo zitakubitikizya. ⁴⁰ Po loli muchebe pakuti vitakabaghe vyo abaghonela bakanenanga vitakabombiwe papinu: ⁴¹ Mulinge, mwe mukughapepula, umwe muswighe sona musumbiwe; Pakuti nkhubomba imbombo mu masiku ghinu, imbombo yakuti te mwize musubile, napo yumo anenele mu mwinu.''' ⁴² Bo u Pabulo nu Balanaba bakufumapo, abanthu bakabalenga ukuti bangabanenesya sona amazyu ghalanyene pisiku lya Sabata yo akwiza. ⁴³ Bo ulukomano lwa sinagogi lwamala, aba Yuda abinji nabo bakasusyanga bakakonkha u Pabulo nu Balanaba, bo bakababuzya nukubalenga ukuti babukilile ukuba mu chisa cha Chala. ⁴⁴ Pa Sabata uyunji, abanthu abinji akaya konsi bakabungana pakwivwisya amazyu gha Chala. ⁴⁵ Bo aba Yuda balinga ubumba, bakizula ni nkwini navyo u Pabulo akanenanga nu kumutuka. ⁴⁶ Loli u Pabulo nu Balanaba banena mubujinmvu bakati, ''Chali akiza pakuti amazyu gha Chala ghaneniwenge kukwinu. Polelo mukughakana nu kwisenda mwebene ukusita kubaghiliwa ku bumi bwa bwilebwile, lolela, tukwiza ukuba bakunzi. ⁴⁷ Po mo vibelile u Chala akutughaghila, nukuti, ' Nabasala ukuba bwelu bwa ba kunzi, ukuti mubike ubupoki pa chonsi icha pansi. ⁴⁸ Bo abanthu bakunzi bivwa ivi, bakahoboka nu kwiputa amazyu gha Chala. Ukuti abinji bo bakasaliwa ku bumi bwa bwilebwile bakasubila. ⁴⁹ Amazyu gha Chala ghakaneniwa munsi yonsi. ⁵⁰ Loli aba Yuda bakabuziwa nu bapuvya abanakazi abapamwanya sona na banthu ba mu chikaya. Bakabika mu nthamyo u Balanaba nu Pabulo nukubabinga mu chikaya. ⁵¹ Loli u Pabulo nu Balanaba bakabakung'unthila ulufumbi ku matamba ghabo. Po bakabuka mu chikaya cha Ikoniamu. ⁵² Sona abamanyili bakizula nubuhobosu nu Muzimu Umuswepu.