¹ Abram tiña noventa e nove anos de idade, cando Iahveh se lle apareceu e díxolle: Eu son o Todopoderoso, camiña diante de min e sé íntegro. ² E farei unha alianza contigo e multiplicarei a túa descendencia grandemente. ³ Abram caeu rostro en terra e Deus faloulle dicindo: ⁴ en canto a min, este é o pacto que fago contigo, ti serás pai de multitude de pobos. ⁵ Xa non te chamarás máis Abram, senón que o teu nome agora será Abraham, porque eu fágote pai de multitude de pobos. ⁶ Fareite extraordinariamente fecundo, de ti xurdirán nacións e reis sairán de ti. ⁷ Establezo a miña alianza contigo e a túa descendencia, por todas as xeracións. Será unha alianza perpetua, para ser o teu Deus e o da túa descendencia. ⁸ E dareiche a ti e a túa descendencia despois de ti, a terra na que moras, toda a terra de Canaán en posesión perpetua, e serei o Deus deles. ⁹ E Deus díxolle ademais a Abraham: Ti, porén, gardarás o meu pacto, ti e a túa descendencia despois de ti e todas xeracións vindeiras. ¹⁰ Este é o meu pacto, que gardaredes entre Eu e vós e a túa descendecia despois de ti: Será circuncidado todo varón de entre vós. ¹¹ E circuncidaredes a carne do voso prepucio, e será por sinal do pacto entre Eu e vós. ¹² Cada varón de oito días será circuncidado de entre vós nas vindeiras xeracións, o nado na casa, e o mercado por cartos a calquera estranxeiro que non fose da túa liñaxe. ¹³ Ten que ser circuncidado o nado na túa casa e o mercadp polos teus cartos, e estará o meu pacto na vosa carne por pacto perpetuo. ¹⁴ E o varón incircunciso, o que non tivese circuncidado a carne do seu prepucio, esa persoa será extirpada do seu pobo, quebrou o meu pacto. ¹⁵ E dixo Deus a Abraham: A Sarai a túa muller non a chamarás Sarai, senón que Sara será o seu nome. ¹⁶ E bendicireina, e tamén che darei un fillo por medio dela, e será nai de nacións, reis de pobos sairán dela. ¹⁷ Entón Abraham caeu rostro en terra e riu, e dixo no seu corazón: A un home de cen anos halle nacer un fillo? E ha concibir Sara xa de noventa anos? ¹⁸ E dixo Abraham a Deus: Que Ismael viva diante de ti! ¹⁹ Respondeu Deus: en verdade Sara, a túa muller, daráche un fillo, e chamarás o seu nome Isaac, e establecerei o meu pacto con el como pacto perpetuo para os seus descendentes despois del. ²⁰ En canto a Ismael, tamén te escoitei, heino bendicir e fareino frutificar e fareino e heino multiplicar en gran maneira; enxendrará doce príncipes e farei del unha gran nación. ²¹ Mais Eu establecerei o meu pacto con Isaac, o que Sara che dará por este tempo o ano que vén. ²² E cando rematou de falar con el, Deus ascendeu por riba de Abraham. ²³ Entón tomou Abraham a Ismael, o seu fillo, e a todos os servos nados na súa casa, e todos os mercardos cos seus cartos, a todo varón entre os os homes da casa de Abraham, e circuncidou a carne do seu prepucio naquel mesmo día, como Deus lle dixera. ²⁴ Abraham tiña noventa e nove anos de idade cando circuncidou a carne do seu prepucio. ²⁵ Ismael tiña trece anos de idade cando foi circuncidada a carne do seu prepucio. ²⁶ No mesmo día foron circuncidados Abraham e Ismael o seu fillo . ²⁷ Todos os varóns da súa casa foron circuncidados xuntamente con el, incluídos aqueles nados na súa casa e os mercados a alguén estranxeiro por cartos.