¹ Molya hitile litangua lyaSapalalo, Malia Mandalena, na Malia vayina ya Tiango naSalome valandele vihemba nguavo linga vaka vuavuethe muvila ua Yesu. ² Chimenemene ku litangua lya kulivanga muchivike, vayile kumbumbo mulya tumbukile litangua. ³ Keho valihuile nguavo, "Yiya a katu thindumuina livue ku chikolo cha mbumbo?" ⁴ Vuno muva hetukile va muene livue vana li thindumuna ko, mukonda lya puile lya kama navua. ⁵ Mo va kovelele mu mbumbo vamuene munike ua lyala na dhala vya kutoka, na tumama ku chilyo, keho vovuile lyova. ⁶ Yikeye ua handekele navo nguendi, "Keti muvue lyova. Eni muthetela Yesu uaku Nazaleta, ou uovana ka kulikile. Yikeye na shituka! Uahimo muno. Taleni hamuhela uova naka mulangekele. ⁷ Vuno yemuyeni muka leke vandonge vendi na Petulu ngueni, 'Aya kulutue lueni Kungalileya. Kuakeko komu ka mu mona, ngue mua mi lekele. ⁸ Vashatukile kutunda ku mbumbo, va komokele naku jaja. Kuva kavyambuluile ku nkala umo mukonda vakele na lyova. ⁹ Ku chimene mene cha litangua lya kulivanga, Yesu mua shitukile, haku livanga ua yombolokele kuli Maliya Mandalena , uye ya tundithile vimpundhi vitanu na vivali vya kuvihya. ¹⁰ Ua yile a ka, hantcimbu yiye vene tee vali na vuthiua vuakama na kulila. ¹¹ Keho mu vovuile nguavo Yesu ali namuono, endi lalo tee Maliya Mandalena namu mono, kova vi tavele. ¹² Munima yevi Yesu uali yombuelele ku vandonge vendi vavali mu vifua vyavingi muye muvendele vaye hanja lya chifuti. ¹³ Vayile vaka lekethele vandonge va kuavo vaye va thalele. ¹⁴ Kunima Yesu uali yomboluelele kulyavaye vandonge likumi na umo va tumamene kumetha na kulya, uava vyanene mukonda lya vimpata vyavo naku kola kua dhimbunge dhavo muku yeneka kutcelela. ¹⁵ Ua valekele nguendi, '' Yeni mu vifuti vyoshe, na kuambulula mudhimbu kumi shovo yoshe. ¹⁶ Uye uoshe atcelela naku mubuitika a kovoka, uoshe uye katcelela aka uema. ¹⁷ Vileketho evi viya kulya vaye vakaku mutcelela; mu lidhina lyange vaka tunditha vimpundhi vya kuvihya. vaka handeka dhindaka dhya dhihya. ¹⁸ Vaka kuata manoka na mavoko avo, nambe nga vakanua vyuma vya vushungu, kuvi kava lingi navimo vyahi. Vaka kambeka mavoko avo hali vaka ku vavala, vaka kanguka.'' ¹⁹ Mukemo muene Yesu ua manethele ku longetha, va mutualele muilu, ua tumamene kuchilyo chalivoko lya Kalunga. ²⁰ Mukemo vandonge va hilukile na kuambulula kumihela yoshe, na muene ua pangele hamo navo naku hetethamo majui kumo na vileketho vyova yile navyo.