¹ a̧u̧nu̧ o'ca'a 'cuäopina̧'a̧, Amon ötahuiyä ru̧hua̧ 'corujuo'ächinö̧, ja̧hua̧nö̧ ja̧'a̧ttö̧ i̧tti̧ Hanúntä̧ ruhuo 'cha'achi'inö̧ jä'o hueä'ijome. ² David pä'inö̧: "Hanún'ru̧mä̧ surojönä̧mä̧ jȩpo̧cö̧ chä̧cua̧sä̧, Nahas i̧tti̧, ja̧u̧ jä'o'inä̧ ttörömä̧ surojönä̧mä̧ jȩpo̧cö̧ pinö̧." Ja̧hua̧nö̧ ja̧'a̧ttö̧ Davidmä̧ hue'inö̧ tottäja pä'ö Hanún'ru̧ jä'ó ötöcö. Umuhuäyotömä̧ dodepinä̧tö̧ Amón ttö̧ja̧ tti̧rȩjä̧ra̧'a̧cu̧. ³ Ja̧hua̧nö̧ ja̧'a̧nä̧ Amon ötahuiyä ttö̧ja̧ttö̧ ucuo isotömä̧ pä'inä̧tö̧ ttu̧ru̧hua̧ Hanun'ru̧. "¿Iso päi'önä̧ ucumä̧ amucuädöjä Davidmä̧ chä'orö ucuotö umuhuäyotörö tottäja pä'ö hue'äji pä'ö? ¿Ja̧hua̧nö̧mä̧cö̧, Davidmä̧ umuhuäyotörömä̧ hue'äji ötahuiyä ya̧huä̧'inä̧ totta pä'ö, ja̧hua̧nö̧ topö si'epö tticunä̧ hueapä'ö?" ⁴ Ja̧'hua̧nö̧ ja̧'a̧ttö̧ Hanúnmä̧ David u̧mö̧huäyotörö 'chu'ädö ttä'cähuiyä'chemä kä'co'chebutä ttö̧'ca̧tä̧huä̧ti̧yu̧tä̧ ttubu'cabu päi'önä̧ 'cui'ö icuinö ja̧'hua̧nö̧ jȩpö̧ oto hue'ö icuinä̧u̧. ⁵ Ja̧u̧ 'cuäopäji jahuätö jittähuäcu Davidmä, jahuätörö topö tti̧'chö̧nä̧ hue'inö̧ ja̧'hua̧nö̧ ja̧'a̧ jahuätö u̧mö̧tö̧mä̧ rö̧ȩnä̧ dä'äri̧ji̧nä̧u̧. Ru̧hua̧mä̧ pä'inö̧: Jericó ötahuiyänä̧tä̧ ka̧cui̧'ä̧tu̧cui̧, cuä'cähuiyä'chetucu pä'äjita'anö bahuia'anä, ja̧'hua̧nö̧ bahui'ö o'ca'atä ppa̧cuä̧chä̧tu̧cua̧." ⁶ Amón ttö̧ja̧mä̧ David amisurunä̧tä̧ juoächäja'a topinä̧tö̧, Amón ttö̧ja̧mä̧ huȩnȩ ȩcuä̧ ttö̧ja̧rö̧ hue'inä̧tö, hue'ö känömä esecuinä̧tö̧ Bet Rehob pättomȩ ka̧cuä̧tö̧ Arameosrö'i̧nä̧, Soba pättome ka̧cuä̧tö̧ Arameosrö'i̧nä̧, veinte milnö̧ jo̧mȩnä̧ huotö su̧ro̧da̧u̧ rȩjȩnä̧ 'chä̧tö̧rö̧, ja̧'hua̧ta̧'a̧nö̧ ru̧hua̧ Maaca u̧mö̧huäyotöttömä̧ milnö jo̧mȩnä̧ huotörö jua'atäcu Tob u̧mö̧huäyotöttömä̧ doce milnö̧ jo̧mȩnä̧ huotörö. ⁷ David ja̧u̧ tö'cö ä̧ju̧cu̧mä̧ Joabrö'i̧nä̧ ja̧'hua̧ta̧'a̧nö̧ o'catoi'önä̧ su̧ro̧da̧u̧ curä rohuähuätörö'i̧nä̧ hue'inö̧. ⁸ Amón ttö̧ja̧mä̧ rä'opinä̧tö̧, rä'opömä̧ curä tturohuähua pä'ö i̧sä̧mä̧nä̧ ttidepiyöcu doächäcuähuome ka̧cuä̧minätö̧, ja̧'hua̧nö̧ ttö̧ja̧cuä̧ma̧'a̧nä̧ Soba pättome ka̧cuä̧tö̧ Arameosmä̧ ja̧'hua̧ta̧'a̧nö̧ Bet Rehob pättomȩ ka̧cuä̧tö̧ Arameosmä jua'atäcu Tob umöhuäyotö'i̧nä̧, Maaca umöhuäyotö'i̧nä̧ mȩje'ca huäjuaränä ka̧cui̧nä̧tö̧. ¹³ Ja̧hua̧nö̧ ja̧'a̧, Joab'inä̧ umö̧huäyotö su̧ro̧do̧u̧cu̧ 'chi̧nä̧tö̧ arameo ttö̧ja̧cu̧ ttörohuähua pä'ö, jahuätömä̧ töipächinä̧tö̧ Israel su̧ro̧do̧u̧ tä'ca jo̧mettö̧. ¹⁴ Amon su̧ro̧do̧u̧ topinä̧tö̧ aramero ttö̧ja̧ töttipächa'a, jitötä'inä̧ tö'ipächinä̧tö̧ Abisaittö, ja̧hua̧nö̧tä̧ pa̧'a̧chinä̧tö̧ ötahuiyära̧'a̧. Ja̧u̧nu̧ o'ca'a Joab'inä̧ ppa̧'a̧chi̧nö̧ Amon ötahuiyära̧'a̧cu̧, Ja̧hua̧nö̧tä̧ pä'äji ta'anö̧ pa̧'a̧chi̧nö̧ Jersalenra̧'a̧. ¹⁵ Arameo ttö̧ja̧mä̧ iso päi'önä̧ Israel tö̧jä̧ rohuäu kä'ö tti̧cuä̧u̧jä̧ pä'ömä̧, pä'äjita'anö̧ ji̧nä̧ jo̧metȩ ca̧ca̧cui̧nä̧tö̧. ¹⁶ Ja̧u̧nu̧ o'ca'a Hadad Ezer hue'inö arameas suro̧do̧u̧ Eufrates Aje yabonä̧ ka̧cuä̧tö̧rö̧. Jahuätö ppa̧'a̧chi̧nä̧tö̧ Helam'ra̧'a̧cu̧ Sobac'inä̧, Hadad Ezer su̧ro̧do̧u̧ ttu̧ru̧hua̧ ä'canä̧ oipa'anä̧. ¹⁷ Ja̧hua̧'ja̧'a̧ David pi̧yȩ huȩnȩ jitähuäcu ä̧ju̧cu̧, umu̧huäyotörö Israel ttöja̧rö̧o'catoinärö ca̧ca̧ti̧pi̧nö , Jordán ttijähuapö'ö jahua'anö jȩpu̧ rȩbȩhui̧nä̧tö̧ Helamra̧'a̧mä. ¹⁸ Jahuata̧'anö Arameosmä ji̧nä̧ yo̧mȩtȩ ca̧ca̧hui̧pi̧nä̧tö David umu̧huäyotucu curä ttörohuahuapäö.Jahua'anö ja̧'a̧nä̧ Arameosmä döehuächina̧utö Israel ttä'catömä̧. David u̧mu̧huäyotömä̧ cuä'ö ihuinä̧tö setecientos huotörö Arameosttö̧ caruquiyänä rohuähuätörömä jahuata'anötä̧ cuarenta milnö huotörö caballonä rohuähuätörö'inä Sobacmä, curä̧ ttörohua'anä̧ oi'huä i̧sa̧ päjimä taö ttihuinä̧cu̧ juhuorötä 'corujuoächinö. ¹⁹ Hadad Ezer uruhuonä̧ hueomȩtö̧ o'catoinä̧ ruhuotömä̧ topinä̧tö̧ Israel ttöja̧tä̧ k isó huo'tepa'a, jahua'anö jä̧u̧ Israel ttöja̧cu̧utä̧ esehuinä̧tö̧ jahua'anö ja̧'atö jahuätö huetta'anätä ko̧huinätö. Jahua'anö ja̧'a̧tö Arameosmä ye'ecu juhua'a yabocumä̧ ppä'ädocotö pinätö Amon ttöja̧römä .