¹ Ŋ gɔ kpɔn lɛngbɔvi ɔ, Etɔte do zinɔn e eso ɔ ji. Emɛn (144000) Kenanye e ŋkɔnnu ye wlan eyɔŋtɔ e nyinkɔ gɔdo etɔ ɔ enyinkɔ doɔ, bɔdo ewu. ² Eyɔwɛ ŋ se egbe de di le ɔjuhlue, dikɛn etɔ susu egbe dide kesin, dikɛn ɔji e egbe dide gbode kesin. Egbe kenan ŋse ɔ le dikɛn ekpɛn kenan ekpɛn kŋ tɔye le kŋnu egbe dide kesin. ³ Yele jinu ehan yɔyɔde le egazikpe ɔ gɔdo enu ɛgbɛ ɛgbɛ ɛnɛnɔnye gɔdo mɛnhɔnye ye ekusimɛn. Mɛntin ŋkpeji kpla ehann ɔ o, nan ŋnyi ɛmɛn(144000)kenanye nyinn awanzan ji e ɛmsn kikɔnye ɔ. ⁴ Ye nyi ɛmɛn kenanyeŋ xojui ye ede ye kpɔn o gɔdo nyɔnnu agalɛtɔye o, dobe yele egbe ji. Ye ewɛ nyi ɛmɛn kenan enɔnnɔn lɛngbɔvi ɔ e gbɔnmɛn, donɔn sɔn fidekpekpe kenan ebe sɔnnuɔ. Ye etawɛ ye su ɔxɔdo, le ɛgbɛtɔye e cicɛnmɛn, dikɛn nukŋ tantɛn kenanye yeyi nan Manwu gɔdo lɛngbɔviɔ kesin. ⁵ Elɛlo ŋtɔn le kemɛn nanye kpɔn o, yeŋkpɔn nuwayido de le yewu kpɔn o. Wɛnzangŋ ɔtɔn ye. ⁶ Egodo ɔ, ŋkpɔn wɛnzangŋ bu kenan ele zrɔnnu zɔn ɔjuhlue ecicɛnmɛn tututuɔ. Wɛndegbe mamkpo mankpo de le e si, nan adoe nan ɛmɛn kenan ele awanzan ji ye ɔ, togŋ dekpekpe, ɔkɔtaye tɛtɛ, egbeye tɛtɛ, gɔdo etoye tɛtɛ. ⁷ Manwu e wɛnzangŋ dabobo be: Mi vɔn Manwu eyɔ wɛ mi nin gigo, dobe, ganmɛn su nan ado kojo nan ɛgbɛtɔye. Mi sɛn ɛmɛn kenan edo ɔjuhlue gɔdo awanzan, exu gɔdo ɛsinjɔxueye. ⁸ Wɛnzangŋ ɔwegɔ jɛ tantɛn ɔ gɔn bo lelɔnu be: Emu loo! Babɛl gboɔ mu loo! Eto kenan eto tɛtɛ nu e agalilɛ evɛn ɔ, gba tɛtɛ! ⁹ Wɛnzangŋ, bu kenan ele nyinnu ɔtɔngɔ ɔ jɛ ɔgbɔnmɛn nanye, le lɔnu gɔdo abobo be: Nan ɛmɛnde sɛn elan ɔn gɔdo edide ɔ, eyɔwɛ ebo yi e jesindo do ɔŋkɔnu ɔn, alo do ɔlɔtinnu ɔ, ¹⁰ eyɔ ean anu Manwu e jikukpikpɔn kenan a sinɛn dikɛn evɛn ɛsin mantɔ kesin. Ye a kɔnɛndo e xomɛnsin e koŋgo mɛn. Eyɔwɛ ye a do aya ni le ezo gɔdo ezokpɛnye mɛn le wɛnzangŋye gɔdo lɛngbɔviɔ e kusimɛn. ¹¹ Ye e e aya do nan ɛmɛn e ɔzizɔ ale tŋnŋ sɔn ɔjihlue, bɛle manvɔ do sɔn manvɔ mɛn. Eyɔwɛ ɛmɛn kenanye nɔn sɛn elan ɔn gɔdo ɛmɛn dekpekpe kenan eyi elan ɔn e nyikɔ e jesindo ɔ, ŋman kpɔn ɔgɔ le kle gɔdo azan o. ¹² Ganxiɔwɛn wɛ ɛdɛsan kenan ye hɛn Manwu e esɛn ɔn ye do asi, eyɔwɛ ye bo yi Jesus jise ye ɔ, do a do viwɛnu. ¹³ Egodo ɔ, ŋ se egbe de lɛ le ɔjuhlue bo le lɔnu be:<< Lɔ dawanbe >> bɛ le siɛɔ ale kɛdɛ wɛ enyin nan ɛmɛnye lewanu tɔhonɔn e ezan kɛngbɔxue do ku ye ɔ! E, gbigbɔ lɔ be ye le gbɔjɔnu le ye e zan wiwa mɛn! Do ye ezanye ajɛ yegbɔn.>> ¹⁴ Eyɔwe ŋkpɔ lili ye de, eyɔwɛ ɛmɛn de nɔn liliɔ ji dikɛn ɛgbɛtɔ evi kesin. Sika e jɛgba le eta nin, e hɛn ɔgɔn dida do asi. ¹⁵ Wɛnzangŋ bu tɔn le Manwuxɔ ɔmɛn, eyɔwɛ eda abobo dowlan ɛmɛn kenan e xinanwan do liliɔ ji ɔ be: Enuku yiya eganmɛn ba! Dran we ɔgɔn ɔ nan ye a ya nukuɔye, dobe awanzan enuku ye nɔn sin ! ¹⁶ Eyɔwɛ ɛmɛn kenan exinɔn awan do liliɔ ji dran e ɔgɔn ɔ do awanzan ji, eyɔwɛ e bo ya awanzan ji e nuku ɔn ye. ¹⁷ Ŋkpɔn wɛnzangŋ bu tɔn le Manwuxɔ kenan ele ɔjuhlue ɔ mɛn. Dgɔn dida de le eyɔ can si. ¹⁸ Eyɔwɛ wɛnzangŋ bu, can kenan edo hihlɔn do ezo jiɔ tɔn le ɔvɔ sa xɔmɛn. Edo abobo dewlan ɛmɛn kenan ehɛn ɔgɔ dida do ɔlɔmɛn ɔn be: Dran we ɔgɔn dida ɔ, nan ye a gbo evɛn kpoɔye le awanzan e vɛn gleye mɛn, dobe e vɛnkusisɛn ye nɔn bia. ¹⁹ Eyɔwɛ wɛnzangŋ ɔ dran e ɔgɔn ɔ do awanzan ji, eyɔwɛ egbo evɛn kusisɛnye e kpoɔ le awanzanji. Eyɔ wɛ ebɛye kɔndo Manwu e vɛnfiɔnu gbo tɔ mɛn. ²⁰ Ye kutu vɛnkusisɛn ɔn ye gɔdo ɔfɔ le etoɔgodo, eyɔwɛ ɔhŋ tɔn le evɛnfiɔnuɔ mɛn, bo juɔ kaka ba biɛ esɔye e enumɛnganye wu. E sra kaka sɔn dikɛn