¹ Egodo ɔ ŋkpɔn elan de le etɔnule exuɔmɛn ebodo azo ɔsiɔsi gɔdo eta acowe, eyɔwɛ ega gba le ezo ɔsiɔsi ye ji, eyɔwɛ enudran lilɔ enyinkɔ le étaye wu. ² Elan kenan ŋkpɔn ɔ le dikin egbe kpɔkesin, é ɔfɔye le dikɛn sisiblisi kesin, eyɔwɛ é ɔnukpa le dikɛn janta kesin. Ehɔn drigban nan é hin hlɔnwui, gɔdo e ga zikpe, gɔdo. ³ Eyɔwɛ ŋkpɔn éta lokpo le étayemɛn dikɛn ɔfɔkɔ ékutɔn, vɔ eɔfɔku ekutɔn kuni. Eyɔwɛ awanzan ɔ tɛtɛ le ɔgbɔnmɛn elan ɔ bo le sɛn nui. ⁴ Eyɔwɛ ye le sɛn nu ehɔn drigba dobe enan acɛ kpikpa u elan ɔ, eyɔwɛ ye bo le sɛn nu elan ɔ, bo le lɔnu be:Mɛnnɛn wɛ di elan ɔ, eyɔwɛ abokpeji afu ahuan gɔde o? ⁵ Yede mɔn ni be anɔn kan adan eyɔwɛ agɔ nɔn lɔ exo nyinnylanye eyɔwɛ ye bo nɛn hinhlɔn be ado wasi exiɔye nan eɔŋ kande ɔwé. ⁶ Eyɔwɛ ebo nan hŋ enukpa donɔn lɔ exo nyinyl anye do Mawu wu, ado gble enyinkɔ, gɔdo manwu e nɔnxué, gɔdo ɛmɛn kenan enɔn nɔn ɔjuhlue ɔ ye wu. ⁷ Yegɔ demɔn nin nan ado wa ahuan gɔdo. Emɛn minmɛn ye eyɔwɛ abo du le yeji. Yegɔ nɛn acɛ do ɔkɔta ye tɛtɛji, togŋ tɛtɛ ji, egbe tɛtɛji, gɔdo ɛgbɛ ɔ tɛtɛ ji. ⁸ Eyɔ wɛ awan zanjitɔ ye tɛtɛ ye a nɔn sɛn, ɛmɛn kenan ye enyin kɔ ŋnyin winwlan le ɛgbɛ weman lɛngbɔvi kenan ye wu ɔ eweman mɛn sin ɛgbɛɔ ebibɛgbiɔ. ⁹ Emɛn kenan si ɔto senu le ɔ, nin se! ¹⁰ Nan ejɛbe ye a kplan ɛmɛn do ahuan mɛn ɔ, ye a kplɛn, nan ejɛbɛ be ye ahu ɛmɛnde gɔdo jiviɔ, ye ni hui gɔdo jivi. Vivɛ dido nan enu gɔdo ɛmɛn kikɔn ye e yise. ¹¹ Egodo ɔ ŋgɔ kpɔn e lan bu, kenan tɔnle awanzangbɔn. Azo ɔwe le etanin dikɛn lɛngbɔ tɔn kesin, vɔ e le exo lɔ nu dikɛn ehɔn drigba ɔ kesin. ¹² Yeyi hinhlɔn ke nan e le elan tantɛn ɔ si nin, eyɔwɛ ewa ezanye le enyinkɔmɛn. Ezin awanzan gɔdo ɔjuhlue nɔn tɔye ji, be ye a sɛn elan tantɛn ɔn, kenan ye gbɔ ekubi ɔ nan ɔ. ¹³ Elan ɔwegɔ xiɔ wa enu dabla gbogboye. Enan ezo flɛ le ɔjihlue bajɛ awanzanji le ɛmɛn tɛtɛ ekusi mɛn. ¹⁴ Eflu awan zanji nɔntɔye do zɔn enu dablaye kenan ye de emɔn be awa le e lan tantɛn ɔn enyɛnkɔ mɛn ji. Enan be ɛmɛ nye. Ye ni wasi elan kenan wu ye yi fivi dodo eku bi wu ɔ,vɔ ebo le ɛgbɛ. ¹⁵ We nan hinhlɔn elan ɔwegɔ be nin nan ɛgbe egbigbɔ elan tantɛn ɔn dide kenan ye wasi ɔ, nan dide ɔ ado kpeji alɔ exo, nan ahu ɛmɛn tɛtɛ kenan yeŋ le sɛn nui wo a. ¹⁶ Elan xiɔ zin ɛmɛn tɛtɛ ji, viɛvŋye gɔdo mɛnhɔnye, ɔdɔkumɔnye gɔdo wamɛnnɔnye, kluviye gɔ do ablɔdemɛnviye ji be ye a do jesindo yeɔ lɔ dusi, alo ɔŋkɔnnu. ¹⁷ Nan ɛmɛn de a xɔ enu, alo asa enu dekpekpe ɔ, e do ado elan ɔ e jesindo kenan enyin enyinkɔ, alo enyinkɔ e xixlɛmɛn ɔ. ¹⁸ Ganxiɔ mɛn wɛ enunyinnyɔn hian. Emɛnɛn etɔnjɛ enu mɛn ɔn, ni bu elan xiɔ e xixlɛmɛn e jesindo ɔ kpɔn, dobe enyin jesindo kenan esɔgbe gɔdo ɛgbɛtɔ e xixlɛmɛn ɔ. Xixlɛmɛn ɔn nyi kande siatɔn vɔ lokpo tɛnxwe lɔkpo kinnɛ atrokpo(666)