¹ Yesu gɔdo ɔlobu na ye ke . ² Ɔji hwle exɔ xwe ye le ɖe kɛn ɔxɔlu de kena le xwanu tito xwe ɖuɖu na evi elɔ wliwli . ³ Ezɔn ebe zan xwa vi ye do hlan ɛmɛ kpikpe ye na ɔlɔ wliwli vɔ ye ŋle kan nu aba o. ⁴ Ɔxɔlu kɔ zɔn ebe zan xqa vi bu ye le lɔnu be mi lɔ na ɛmɛ na ye kpe ye mi kpɔn ŋɖa nu ɖuɖu xo enyi ye xo enyi v da mi yé je kena ye hu kɔdo enu tɛtɛ le gbe si sɔ mi ba ɔlɔ wli xwe. ⁵ Vɔ ɛmɛ ye ŋkando eji o ɛmɛ ɖe ye sɔn ɛgle mɛ ɛɖe sɔn ye zan gbe. ⁶ Ɛmɛ kpe de ye wli ɔxɔlu ezanwavi ye ye do aya na ye ye hu ye. ⁷ Ɔxɔlu do ɔdɔmɛze ezan ehvan xwatɔ ye do hlan nɛn ya hu ekunylantɔ ye ewɛ ya tɔ ezo ye eto ye. ⁸ Bɔ de xwu elɔ na ezan xwavi ye ɔlɔ wliwli ɔ sɔgbe vɔ ɛmɛ kena ŋkpe ba yi ye ŋjɛ . ⁹ Ele kesi mɛ mi sɔn emɔn zɛ xwue ye ewɛ mi kpe emɛ susu kena mian kpɔn nan ɔlɔ wliwli xwe ɖuɖu. ¹⁰ Ezan waviye sɔn emɔn ye ji ewɛ ye bɔ emɛ kena ye kpɔn enyuɛn ye gbigble ye ke si ɔlɔwliwli xɔ juɔ kɔdo ɛmɛ kpikpe ye. ¹¹ Vɔ gan mɛ nan ɔxɔlu biɛ exɔmɛ na ado kpɔn ɛmɛ kpikpe ye ɔ e kpɔn nusu ɖe le flɛn ŋdo exwe ɖuɖu ewu o. ¹² Ɔxɔlu kanse wi be hwan nyi na de ɔzɔn do biɛ efi exwe ɖuɖu ewu man do. ewɛ exo lilɔ glo nunuɔ. ¹³ Le eflɛn ɔxɔlu lɔ nan ezan wavi ye be mi bla ɔlɔ kɔdo ɔfɔ na nusu xɛntɔ ewɛ mian ze dangbe do ɔzuvlu ye mɛ le efi kena avi kɔdo adu kluiklui ɖuɖu le . ¹⁴ O susu xwɛ ye yɔ vɔ vi ɖe xwɛ ye can . ¹⁵ Kplin do Farisinuye ya bla gbe naɖe ya wa a do ɖo emɔn titrɛ na yesu do zon exo gbe mɛ . ¹⁶ Ye zɔn ye nukplavie do hlɛn le ekpɔɛ ninɔ mɛ kɔdo Erodu ye ye lɔ na yesu enu kpla mɛtɔ mi nyuɛn be ɔnɔn lɔ exonugbo ewɛ ɔnɔn kplanu emɛ do Mawu emɔn ji le xonu gbomɛ ŋnɔn yi emɛde tɔn do nɔn wa zan o alo nɔn kpɔnde mɛ nan ɛmɛ yeo. ¹⁷ Le eflɛn lɔ na mi na ɖe ɔbui ɖo ele ji jɔ mɛ be ya su ata kuɛ na sezaro alɔ o. ¹⁸ Vɔ ɔ yesu mɔ nu jɛ ku nyi nyran wu ewɛ elɔ aye mɛ nu wa tɔ ye nu kɔ xwu mi le tɛn nu kpɔn . ¹⁹ Xlɛ ɔho lokpo tɔn ye de ɔɔxo lokpo tɔn nɛ. ²⁰ Yesu lɔ naye mɛ nɛ enutita kɔdo enyikɔ wɛ le eji. ²¹ Ye ɖo ewu nɛ sezaru tɔn wɛ le eflɛn yesu lɔ na ye mi yi e nu ke na nyi se zaru na sezaru ewɛ Mawu tɔn na Mawu. ²² Kena ye se kesi e kpa ca ye ewɛ ye jo e do ewe ye wli ye nɔn. ²³ Le azan xɛn tɔ gbe sadu setɔye kena nɔn lɔ be fɔn sɔn ku ŋle ye ba ede ye le kan se be. ²⁴ Enu kpla emɛtɔ Mɔse lɔ be na nusun de ku evi mado enɔnvi ɖo ade esi na ado ji vi nɛn. ²⁵ Nɔnvi nusun aciowe ɛwɛ tantɛn wli ɔlɔ ewɛ eku evi maɖo e jo esi do na enɔnvi . ²⁶ Nɔnvi ɔwe gɔ xwa enu lɔ kpoɔ ɛmɛ ɔtɔngɔke kaka do jɛ ɛmɛ acjowe gɔji. ²⁷ Ye godoɔ nyɔn nu can ku. ²⁸ Sibɛ lɔ nan mi le fɔn sɔn ku godo mɛ nɛn tɔn wɛ nyɔn nu anyin le ye mɛ ama cowe do mɛ do ye mɛ tɛtɛ wuɛ ɖe. ²⁹ Vɔ yesu ɖo ewu ewɛ e lɔ na ye mi le dida mɛ do mi mɔn nu jɛ win wlan ye kɔdo Mawu hinhlɔn wuo. ³⁰ Do le finfɔn su eku egodo ɔlɔ wliwli ŋgɔleo ewɛ ɛmɛ zɔn do ɔlɔ wliwli ŋgɔ anan wan o. bo hun ya nɔn ɖi ewɛn zan gu ye dɔ gbe le sɛxwe ɔjihwle. ³¹ Vɔ kena kan ɛmɛkuku ye efɔn sɔnku ɔ de mi ŋxlɛ nu ke nan Mawu lɔ na mi ɔn . ³² Emlɔn xwuɛ nyi Abraxame Mawu Izaki e Mawu kɔdo Jakɔbue e Mawu . Mawu ŋnyi ɛmɛ kuku ye Mawu o vɔ ɛmɛ le ɛgbɛ ye tɔn. ³³ Kena etogun se exetɔ ekpaca ye do zɔn e nu kpla ɛmɛ wu. ³⁴ Kena Farisinuye se be yesu bɔ ɔwɔn nu do na saduseye ye bɔ yeɖe. ³⁵ Lokpo le ye mɛ esɛn kplamɛntɔ ɖɔkita do e kpɔn le exo kan se mɛ . ³⁶ Enu ɛmɛtɔ egbe ɖiɖe nɔn wue gla le esɛn ye mɛ. ³⁷ Yesu do ewu nɛ lɔn ɔxwetɔ xwe Mawu kɔdo xwe ji tɛtɛ kɔdo xwe kla kodo xwe ta mɛ susutɛtɛ. ³⁸ Exetɔ wɛ nyi egbotɔ kɔdo egbe dide tan tɛn esɛn. ³⁹ Egbe ɖiɖe esɛn ɔwegɔ e sɔ kɔde lɔnxwe wegɔ di kɛn ɔyɔŋtɔ esɛn . ⁴⁰ Do zɔn egbe ɖiɖe ɔwe ye mɛ wɛ esɛn kɔdo lɔ do awan tɔ ye wa zan le. ⁴¹ Kena be Farisinuye kpɔtɔ le bibɔ yesu kan xo ye se. ⁴² Elɔ be nu kɔ mi bu do kristo wuo Emɛ nɛ evimɛ enyin ye ɖo ewunɛ be Davidi evi wuɛ. ⁴³ Yesu lɔ na ye na ɖe Davidi kena gbigbɔ kikɔn juɔ enɔn yɔɛ be ɔxwetɔ gan mɛ nan e lɔ . ⁴⁴ Ɔxwetɔ lɔ nan o xwetɔ sɛn nɔn awan do xolɔ ɔɖusimɛ kaka jɛ gan ke mɛ nan ma yi xwe kɛntɔ ye do xwa xwe ɔfɔ ɖo nu. ⁴⁵ Le eflɛn na Davidi le yɔnu kristo ɔxwetɔ naɖe we enyi evi Davidi tɔn ɖo. ⁴⁶ Ɛmɛ ti ŋkpe ji kɛbɛ o Ewɛ son gbe xɛntɔ gbe emɛn ɖe ŋgɔ kan xo ti se wio .