¹ Ɖe kena Yesu kɔdo enukplaviye le gogonu Jeruzalɛmu ewɛ ye jɛ Betfaje étomɛ kona gogo Oliva seso. ² Egodo, Yesu zon enukplavi ɔxwe ele lɔnu naye be: mi son eto kena mian gogo ɔ mɛ, mia kpɔn esɔ́ enɔn kɔdo evi ye do ekan wuye. Mitru ye ewɛ mian hɛn ye ba nam. ³ Vɔ na ɛmɛ ɖe lɔ exo ɖe na mi ɔn, mian ɖo exu nɛ be: ɔxwetɔ ɖo ehian na ye, ewɛ emɛ xɛntɔn aɖe emɔn na mi kɔdo esɔ ye. ⁴ Le eflɛn, eba emɛ be, enu kona exɔ lɔ ɖo awantɔ lɔ eba emɛ elɔ be. ⁵ Lɔna sion tugbejɛ be: kpɔnfi, we, ɔxɔlu le gbonnu xwedo, kenan eze eɖe hwe ewɛ exɛ esɔvi ji. ⁶ Le eflɛn, enukplavi ye jɛ emɔn ewɛ ye wa do Yesu lɔna ye ji. ⁷ Yo hɛn esɔ enɔn kɔdo evi ɔ ba. Ye do yebe awu do nɛ ewɛ sinɔn awan do awu ye ji. ⁸ Ɛmɛ gbogbo tɔye tɛ ye wu ye do emɔnji ewɛ ɛmɛɖe ye tɛ ama gbigbo emɔnji. ⁹ Ɛmɛ ye kena jɛ ɔnkɔn na Yesu kɔdo kena kplɛndo ye, le awa donu: "Ozana na David evi, enu nyɔna non wɛ nyi ɛmɛ kena ba le ɔxwetɔ ekɔnta mɛ: Ozana na ɛmɛn kena le ɔjihwle. ¹⁰ Gan emɛna Yesu biɛ Jeruzalɛmu, eto ɔ tɛtɛ le jijuɛ mɛ, ewɛ elɔbe: ɛmɛ nɔn we wɛ? ¹¹ Ɛmɛ ye ɖo ewube: ɛmɛ ye ɖo ewu be: ɛmɛ xiɔtɔ wɛ nyi Yesu Nazareti exɔ lɔɖo awantɔ le Galilea. ¹² Egodo, Yesu biɛ Mawu xuemɛ e nyan enu enu xɔtɔye kɔdo esatɔ ye le Mawu xuemɛ, e lu ɔ ɔho cɛjitɔye ekplɔn kongbe kɔdo ɔhɔnmɛ satɔye yezikpe. ¹³ Elɔ na yebe, ye xwlan be: o we mɛ ya yuɛbe ɛɖɛ xixɔ xwe, vɔ mi yi do wa ajotɔ ye enɔn xwe. ¹⁴ Le eflɛn, ɔŋkusi gbigba nɔn ye kɔdo sɛku nɔnye ba ede, ewɛ edɔ ɔzɔn na ye. ¹⁵ Vɔ, gan kemɛ nan, ɔvɔsatɔ gbo ye kɔdo Skribuye kpon enu nyuɛn kena ewa ye, ewɛ yese ɖɛkɛvi ye le abobo donu le Mawu xuemɛ, ewɛ ye lɔ: " Ozana na David evi ye kpon jiku gboɖe. ¹⁶ Ye lɔ nɛ be: ɖe ɔle gbeɖe be: do zɔn ɖɛkɛvi ye kɔdo evi le ɔnɔn nuye ekemɛ wɛ Mawu nɔn kan ehan ji kafu le ɔ? ¹⁷ Egodo, Yesu lɛ lo ye ɖe ewɛ etɔn le eto ɔmɛ ewɛ ebo sɔnɖɔ Betama etɔmɛ. ¹⁸ Le eflɛn, Kɛklɛ ɔ, kena elɛkɔba toxo mɛ, xovɛ ci. ¹⁹ Ekpɔn figi eti le emɔntomɛ, eson ɔtion gbɔn, ewɛ ama vɔvɔ wɛ le eji elɔn na figiti ɔn be ŋɔ a sɛn gbe ɖe o." Zinɔn kpe figiti ɔn fiɔ. ²⁰ Gan mɛna enukplavi ye kpɔn kesi, ekpa ca ye ewɛ ye ewɛ ye lɔ: "naɖe figiti ɔn fiɔ trolo." ²¹ Yesu ɖo ewu naye: "le xonu gbomɛ, ŋle lɔ nuna mi, na miɖo xɔse, ewɛ mi xo kpɔn, mia wa, ŋyi enu kena jɔ do figiti xiɔtoji, vɔ mia lɔna ɔso xintɔ: " Lɛle eflɛn ewɛ sɔn jɛ xumɛ", ewɛ anyi wiwa. ²² Enu sianu kena mia biɔ le kuefanmɛ kɔdo xɔse, mi an yi. ²³ Gan mɛna Yesu biɛ kuefan xɔmɛ, ɔvɔsatɔ gaye gɔdo eto mɛxo ye ba ede gan kemɛnan ele enukplanu ɛmɛ, ewɛ ye lɔbe: "do zɔn acɛ kpikpa nɔn wemɛ ɔlewanu enu xɛntɔ ye ewɛ mɛnnɛn wɛ nɔn acɛ xɛntɔ? ²⁴ Yesu ɖɔ ewu naye: ma kan exɔ lokpo mise, na ɖo ewu ɔ, ma lɔ acɛ kpikpa kena mɛ ŋle wanu enu xɛntɔ ye na mi. ²⁵ Esin dota Jan tɔn, finɔn we etɔn le? Ɔji hwle alo ɛtɔye ye tɔn? Ye le enu ɖɔn nu le ye ɖe mɛ be: na milɔ be: ɔjihwle elɛ le, aba lɔnami be: nukuwu mi xɔse? ²⁶ Vɔ na mi lɔ be: ɛgbɛtɔ yede elɛle, mí le vɔn nu etogun, do etogun tetɛ nɔnɖo bubu na Jan ɖi exo lɔ ɖo awanji. Le eflɛn, ye ɖo ewu na Yesu be mimɔn nu jɛwu o. ²⁷ Elɔ na ye can be: mɔn man lɔ acɛ kpikpa kena mɛ ŋle wanu enu xɛntɔ ye na mi o. ²⁸ Vɔ na ɖe mi bʋiɖo? Nusu ɖe, ɖo evi ɔwe: esonɛmɛ tantɛn ɖe ewɛ elɔ, evi son na awa zan le ɛglemɛ egbe. ²⁹ Evi ɔ, ɖo ewu lɔ be: mɔn ma wɛ o. Vɔ egodo, elu ɔ esusu ewɛ eson. ³⁰ Ewɛ nusu ɔn son evi ɔwegɔ de ewɛ elɔ exo lokpo ɔ. Evi xɛntɔ ɖo ewi be: ma son da hwue, vɔ ŋsɔn o. ³¹ Mɛ nɛn wa etɔ ejro le ye mɛ? Ye ɖo ewu be: ɛmɛ tantɛn ɔn. Yesu lɔna ye be: le xonu gbomɛ, ŋle lɔnu na mi, ata kuɛ jɔtɔ kɔdo ahasiwatɔ ye yabiɛ Mawu exɔluxwe jɔnkon nami. ³² Ɖo Jan ba mide le emɔn jijɔ ji, vɔ mi xɔ ejise o, gan kemɛnan atakuɛ jɔtɔ kɔdo ahasi watɔyé xɔse ebe xo. Vɔ mi ye ya, gan mɛ nan mikpɔn enu xɛn le gbɔn nu, miba lɛvɔ jɔ can na miando xɔse. ³³ Miɖo ɔlo didobu: nusun ɖe le, ɛgletɔ lokpo.Elɛ vɛngle, etɔ ekpa lɛ doe, eɖe edo kemɛ nan ya bɛ ɔtikusi sɛn ye kondo, etun ɛgle diatɔ exɔ ewɛ exaya ɛgle ɔ na evɛntɔ ye. Exɛn tɔ mɛn ɔn, eson eto bu mɛ. ³⁴ Kena gan mɛ su na ya gbɛn ɔtinkun sin sɛn ye gogo ɔ, ezɔn ezan wavi ɖeye ɖo hlan evɛntɔye de be yayi ɔtinku sisɛn ye ba. ³⁵ Vɔ evɛntɔ yé hwli ezan waviye, ye xɔ lokpo, ye hu ɛmɛ lokpo bu, ewɛ ye via ekpin mɛn lokpo ke. ³⁶ Ɛgletɔ kɔ zon ezan wavi su hugan tantɛn ye, vɔ evɛntɔ ye gɔwa enulɔkpo ɔ gɔdo ye can. ³⁷ Exɛn godo, ɛgletɔ zɔn eyɔŋtɔ evi ɖohlan yé de lɔ nu be: ya bu ye vi. ³⁸ Vɔ kena evɛn toye kpɔn eviɔ, ye lɔ le ye ɖe mɛ be: cinɔn ɖutɔ yɛxe: miba, mian hwi, ewɛ mian yi cinɔn. ³⁹ Le eflɛn, ye hwli, ɖe tɔn le ɛgle ɔmɛ, ewɛ ye hwi. ⁴⁰ Sibɛ ɔ, gan mɛ nan evɛngletɔ ɔ aba ɔ, nukɔ awa nan evɛn tɔye? ⁴¹ Ye lɔ nɛn be: a gble do mɛ na ye kadi, le egodo ɔ axaya egle ɔ na evɛntɔ bu ye, emɛ kena anɛn ɛglenu kun yé na egan mɛ su ɔ. ⁴² Yesu lɔna ye be: mi xlɛ gbeɖe le xwin xwlan ye mɛ be ekpin kena exɔ tun tɔye gbɛ, elɛ zun ɛkpin le taji. Exɛntɔ lɛle ɔxwetɔ de ewɛ enyɔnkpɔn le ɔŋkusi mɛ nami? ⁴³ Ewutu ŋlɔ nami, yaba yi Mawu exɔluxwe le misi ewɛ yaba yina etobu kena nɔnsɛn ɔku sɛnsɛn. ⁴⁴ Ɛmɛ ɖe kpekpe kena flɛ jɛ ɛkpin xɛnji akikan han yan. Vɔ ɛmɛ ji na ɛ kpin a jɛ ɛmɛ ɔn ali wɔ. ⁴⁵ Kena avɔsatɔ gaye kɔdo Farisinuye se ebe ɔlodido ye ye se egbɔn mɛ be ye xo wɛ ele lɔnu. ⁴⁶ Ye jro be ya wli, ye le vɔnu na togun ɔŋ ɖo ɛmɛ ye le kpɔn nui ɖikɛn exolɔ do awantɔ kesi.