¹ Kena Yesu lɔ exo jɔ wen, elɛle Galilea, ewɛ esɔn judea tɔmɛ le Jordan tɔgodo. ² Ɛmɛ susu jɛ ɔgbɔn mɛ nɛ ewɛ edɔ zɔn na ye. ³ Farisinuye gogoede, ye le donui kpɔn le lɔnu nɛn be: emɔn ɖide le esɛn mɛ be nusun agbɛ esi do enuɖe utu? ⁴ Yesu ɖo ewu, ewɛ elɔbe: mi xlɛ kpɔn be ɛmɛnɛn wa ye sɔn ɔgbɔn mɛjijɛ, ewa ye ɔsu kɔdo ɔsiɔ? ⁵ Ewɛ elɔ can be: ɛhwɛ jijɔ xen wutu, nusu alɛ le etɔ kɔdo enɔnde ewɛ atɛdo esiwu, ewɛ ye mɛ ɔweye ya lɛzun elan lo kpo. ⁶ Le kesɛn, yeƴkɔ nyi ɔwe, vɔ elan lo kpo. Ewutu, enu ke na Mawu ca, ɛmɛde ƴka klan edomɛ o. ⁷ Ye lɔnɛ be: nukɔ wutu Mɔnse degbe nami be mi an hwlan emɛ gbigbɛ exwuema ewɛ a nyan nyɔnu. ⁸ Ele lɔnu na ye: ɖo mieji si siɛn wutu wɛ, Mɔnse ɖemɔnami be mian gbɛ miesi, vɔ kesen mɛ le sɔn ɔgbɔn mɛ ji jɛ o. ⁹ Ƴle lɔnu na mi: Na ɛmɛ ɖe gbɛ esi tɔnvo na xo jui wiwa, ewɛ eɖe ɛmɛbu ɔ, ewa ahasi. Ewɛ nusun kena de nyɔnu kena ye gbɛɔ ewa ahasi. ¹⁰ Enukplavie lɔ na Yesu be: Na ele kesɛn le nusun kɔdo nyɔnu domɛ, ƴjɛ be ya hwli ɔlɔ o. ¹¹ Vɔ Yesu lɔ na ye be: ƴnyi ɛmɛn tɛtɛ wɛ a tɛn yi gbe na enukpikpla kesen tɔn, vɔ ɛmɛn ye kena ye ɖe emɔna be ya yi gbena. ¹² Ɖo ɛmɛ kena ye sa le ɔdomɛ na ye nɔnye. Ewɛ nusun ɖe ye le ɛgbɛtɔ ye wɛ sa ye, ewɛ sisa ɖe ye le yeyi ye de dowa ɛmɛn sisa ɖo ɔjihwle exɔluɖu wutu. Na ɛmɛn na atɛn kpewu ayi nukpikpla xetɔ, nɛn yihen. ¹³ Le eflɛn, ye kplan viyɛ ɖeye ba nɛn na ado ɖɔ lɔ yeji ewɛ axo ɖɛ na ye, vɔ enukplavie gbɛ na ye. ¹⁴ Vɔ Yesu lɔbe: mi ɖe emɔn na viyɛ ye, ewɛ mi ka gbɛ na ye be ye ƴka ba xo de o. Ɖo ɔjihwle exɔlu xwe enyi ɛmɛn nɛn leɖi kɛn ye ke sɛntɔn. ¹⁵ Eɖo ɔlɔ ji ewɛ, ego, elɛ le flɛn. ¹⁶ Kpɔnfi, nusun ɖe ba Yesu de ewɛ lɔbe: ɔxwetɔ, ezan nyuɛn nɔwe ma wa ma doɖo ɛgbɛ mavɔ? ¹⁷ Yesu lɔ nɛ be: nukɔwu ɔle kanu enunyuɛn se? Ɛmɛn lokpo wɛ nyɔn, vɔ na ɔle kanu abiɛ ɛgbɛ mɛ hɛn sɛɛn ye wu. ¹⁸ Nusun lɔ nɛ be: Esɛn nɔwe ye wɛ? Yesu lɔ be: ka huɛmɛn o, ka wa ahasio, ka ja jo, kaɖu ɛloɖase, ¹⁹ Dobubu xuetɔ kɔdo xue nɔn. Ewɛ aɖo lilɔn na xuenɔnvi ɖikɛn ɔyɔƴtɔ kesɛn. ²⁰ Ɖekajɛviɔ lɔ nɛ be: Ƴse ɔtonu na exɛn tetɛ. Ƴkɔ ƴgɔ hian? ²¹ Yesu lɔ nɛ be: na ɔjrɔ anyiɛmɛn jijɔ, le eflɛn, sa enukena le xuesi ewɛ ayi na wa mɛ nɔn ye ewɛ aɖo ɔdɔkun le sɛxwe, egodo, ba jɛ xogbɔn. ²² Vɔ kena ɖekajɛ ɔ se exo kena Yesu lɔ, elɛ sɔn le ƴzizimɛ, ɖo eɖo ɔdokun susu. ²³ Yesu lɔ na enukplavie: le xonugbomɛ, ƴle lɔnu nami, esiɛn na ɔhotɔ adobiɛ ɔjiwle exɔluxwe. ²⁴ Lokpoke ƴle lɔnu na mi, ele fifa ɖe na esɔ ado zɔn wɛn nyɛn domɛ wugan be nusu ɔxotɔ ado biɛ Mawu exɔluxwe. ²⁵ Kena enukplavie se kesɛn, ekpa ca ye, ewɛ ye lɔ be: emɛ nɛn wɛ akpɔn hwlɛngan? ²⁶ Yesu ɖe kɔ kpɔn ye ewɛ elɔ: Exiɔtɔ ɛgbɛ tɔ ye, ƴkpe ji o, vɔ kɔdo Mawu enuxɛn tɔ ye ya kpeji. ²⁷ Le eflɛn Piyɛ ɖo ewu ewɛ elɔbe: kpɔn, mijo enutɛtɛ do, bo do jɛ wegbon. Nu kɔ mia ba ɖoo? ²⁸ Yesu lɔ na ye be: le xonugbo mɛ, ƴle lɔnu na mi be, mi ɛmɛ na kplan xodo, exwe na ba ye mɛ, gan mɛ ɛgbɛtɔ evi aba sen nɔn ekafu zikpe ji, miye ca mia ba sɛn nɔn azikpe siɔwe ye ji, adoɖo kojona izraɛlu ekɔta siɔwe ya. ²⁹ Ɛmɛ ɖe kpekpe kena jo eweye do, enɔnvi nusun, nɔnvi nyɔnu, e tɔ, e nɔn, e ɖɛkɛye, ewanzan do xo nyi kɔmɛ, ayi do kɔn we wiji ewɛ ɛgbɛ ma vɔ asu esi. ³⁰ Vɔ ɛmɛn susu le ɛmɛn tantɛn yemɛ ke na ya ba zun ɛmɛn kpede ye. Ɛmɛn susu le ɛmɛn kpede yemɛ ya ba lɛ zun ɛmɛn tantɛn ye.