¹ Le gan xɛn mɛ pɛ, enukplavie ba Yesu de ewɛ ye lɔ be: mɛ nɛn wɛ nyi ɛmɛn hɔn le ɔji hwle exɔluxwe? ² Yesu yɔ viyɛvi ɖe ewɛ eyiɖo ye dodo mɛ. ³ Ewe elɔ be: Le xonugbomɛ, ƴle lɔnu nami, nɛ mi luɔ edɛn, ewɛ mi ƴle ɖi viyeviye kesɛn, mi ma tɛnxun le emɔn ɖekpekpenu abiɔ ɔjihwle be ɔxɔluxwe o. ⁴ Exɛn utu, ɛmen ɖekpekpe na eze eɖe hwe ɖikɛn viyɛ xɛn, emɛ xɛntɔ xwɛ nyi mɛ hɔn le ɔjihwle ɔxɔluxwe o. ⁵ Ewɛ ɛmɛn ɖe kpekpe yi lo kpo le viyɛ ye mɛ do xo nyikɔmɛ, emlɔn wɛ eyi. ⁶ Vɔ ɛmɛ ɖe kpekpe gbɛ lo kpo le viyɛ xɛn ye ke nɛn xɔse emlɔn e wa nuvuɛn, ejɛ be ya zi ekpɛn gboɖe ekɔnɛn ewɛ ya yi dangbe do xumɛ. ⁷ Kaba na egbɛɔ ɖo ganmɛ sisiɛn xetɔ xu. Ɖo ele vivɛɖe be enuxeye ajɔ, vɔ baba ɛmɛn kenɛ ji enuxɛntɔye azɔn. ⁸ Nɛ enyi be xue fɔ a lɔ xue ɔlɔ anyi ɔfɔ klɛn nu nɔn, suiƴlɛ ewɛ adrtɛndo ɔzɔga le xwede. Anyyɔn nɔn be abiɛ ɔjihwle exɔluxwe kɔdo ɔlɔgbigbo alo ɔfɔ gbigbo, hugan be yadrɔndo ezo mavɔmɛ kɔdo ɔlɔ we, ɔfɔ we ye. ⁹ Nɛ enyi be xue ɔƴkusi wɛ anyi ɔfɔ klɛn nu nɔn, suiƴlɛ ewɛ adrɛndo ɔzɔgale xwede. A nyɔn nɔnbe abiɔ ɔjihwle exɔluxwee kɔdo ɔƴkusi lokpo hugan be yadrɔndo ezo mavɔmɛ kɔdo ɔƴkusi ɔwe ye. ¹⁰ Miɖa miɖe, na mi ma do wa funyan funyan kɔdo lo kpo le viyɛviye mɛ o. ¹¹ Ɖo ƴle lɔ nu nami, le ɔjihwle, ye hwɛnzangun ye le xotɔ ke nɛn le ɔjihwle ekusimɛ. Ɖo ɛgbɛtɔ evi eba be ya hwɛn enu kenɛ buɔ gan. ¹² Naɖe mi buiɖo? Na ɛmɛnde ɖo ɛlɛngbɔ kɔnwewiewɛ lokpo bu, ɖe xun matɛn jɔ kɔnwe siatɔn vɛnɛn kpede ye do ɔsoji ason kan lɔ kpo kenɛ bu ɔ? ¹³ Ewɛ nɛn ekpuɛn le, le xonugbomɛ, ƴlɔ nami, eji gɔ nɔn juɛ do ewu hugan kɔnwe siatɔn vɛnɛn ¹⁴ kpede kena ƴbuye. Kpedo ewuɔ, ƴle xotɔ kenɛn le ɔjihwle ejlomɛ be lɔ kpo le viyɛ yemɛ acrɔno. ¹⁵ Ne xwe nɔvi nusun jɔgɔdoɔ, sɔn, ɖe egɔ jijɛ xlɛ le ɔgɔde domɛ. nɛ eɖe ɔtoɔ, ɔɖule eji. ¹⁶ Vɔ, na ƴɖo ɔtoɔ, kplan nɔvi nusu lɔ kpo alo ɔwedo asi na be do zɔn emɛn ɔwe alo ɔtɔn ekunuɖiɖe xonugbo ana awan. ¹⁷ Na egbɛ ɔtoɖiɖo yeɔ, yiexɔɔ do sɔn ehamɛ, naegbɛ be yema ɖo ɔto eha, ye nɛn yiɖikɛn ɖikɛn xixe mɛntɔ alo takwɛ jɔtɔ kesɛn. ¹⁸ Le xonugbomɛ, ƴle lɔnu na mi: nusianu kena mia bla le awan zanji anyi bibla le ɔji hwle, ewɛ nusianu kena mia tru le awanzanji, anyi trutru le ɔɔjiwle . ¹⁹ Lokpoke ƴle lɔnu nami: nɛ ɛmɛ ɔwe le miemɛ ɖo gbe kpo le awanzanji do biɔ ƴde, xotɔ kenɛ le ɔjiwle ananye. ²⁰ Ɖo fi kenan, ɛmɛ ɔwe alɔ ɔtɔn bɔ le xonyɛn kɔmɛ, ƴle yedomɛ. ²¹ Le eflɛn, Piyɛ ba ewɛ lɔna Yesu, ɔxwetɔ, jɛnɛwe mayi kɛ xo nɔnvigan mɛ na ajɔgɔle xoji? Kaka do sɔn jaciowe? ²² Yesu lɔnɛbe: mɔn lɔ na mi be jaciowe, vɔ kaka dosɔn kande ɔsiɔsi donu aciowe. ²³ Le eflɛn, ɔjihwle exɔluxwe, ele ɖikɛn ɔxɔlu kenɛ kabiɔ ɔkɔnta ezanwatɔye. ²⁴ Kena etɔ ɔkɔnta jiɔ, ye kplan zanwatɔ lokpo banɛ kena du kotokun ɔsiɔsi. ²⁵ Vɔ kena ƴɖo nuena aɖosuɔxɔwa, exwetɔ ɖegbe be ya sa eyɔ kɔdo esi, edɛkɛye kɔdo enu kenɛeɖo kɛkɛye na ado su ɔxɔ nɛ le kɔnɛye. ²⁶ Zanwatɔ, jɔ klo le ɔƴkɔn nɛ ewɛ elɔbe: ɔxwetɔ yi jiogbɔnɖɛ do hlan xode ewɛ ma su tɛtɛ. ²⁷ Le eflɛn, zanwatɔ be ɔxwetɔ, kuƴzizinɛn, ejoedo ewɛ eyi ɔxɔyikɛ. ²⁸ Vɔ zanwetɔ xentɔ tɔn ewɛ ekpɔn zanwatɔ ewegɔ kenadu bi ye jɛn doe. Ewli ɛveɛnɛn ewɛ elɔbe: su ɔxɔ kenan ɔɖu do uƴ na. ²⁹ Vɔ ewegɔ zanwatɔ jɔ klo ewɛ ede kuku le lɔ nube: yi jigbɔndɛ ɖo xowu ewɛ ma ba suɔwɔ. ³⁰ Vɔ zanwatɔ tantɛn ɔn gbɛ, esɔn sui do gankpamɛ kaka jɛ ganmɛ ma asu ɔxɔ kena eɖuɔ. ³¹ Kena yetɔn zan watɔ zanwatɔ kpede ye kpɔn enunɛjɔ ye. Awa enuzizinaye, yeba sɔn jɛ ehwɛ na ye xwetɔ, enu tetɛ kena jɔ ye. ³² Le eflɛn, ɔxwetɔ yɔ zanwatɔ ewɛ lo nɛ be: ɔyɔ, zanwatɔ vuɛnɖi ƴyi ɔxɔye yi kɛ xɔ, ɖo ɔɖe kuku nam. ³³ Ɖe ƴkpewu akuƴzizina xwe wegɔ zanwatɔ dikɛn kena mlɔn ƴku ƴzizinɔn dɔgbe ɔ? ³⁴ Kenan ɔxwetɔ bi ji ɔ, eyiɖoasin soja ye, kaka jɛ ganmɛ nan esu ɔxɔye tɛtɛ kenan eɖuye. ³⁵ Kesɛn wɛ xotɔ kena le ɔjihwle awa kɔdo, mi yɛ xɛn, na ɛmɛ de ƴle miɛn mɛ ƴyi ɔgɔ yi kɛ enɔnvi sɔn ejimɛo.