¹ Le exɛn tɛtɛmɛ, Solu kemɛn na ɔfɔ klɛn nu kɔdo ɛmɛn huhu le gbɔnu le é mɛ do kpanta Yésu be enukplavi yé, sɔn kpɔn ɔvɔsatɔ gbɔ, ² ewɛ ebyɔ xwema winwlan do Jwifu yé be ɛɖɛ xo xwe kená le Damasi wu, do bé na ékpɔn enu kpikpla yɔyɔ be ɛmɛn yé ɔ, nunsunn nyɔ́nu ɔ, a ɖo ekan wu yé do ba Jéruzalɛmu. ³ Kená enyi be ele mɔnji le sɔn nwɔ́n, ewɛ ebo lé gogo nu Damasi ha lokpo ezoɖé lɛle ɔji hwle bo lɛ doe. ⁴ Ezrɔn ja wan do kɔmɛ, ewɛ e se egbeɖe le ɖinu do ɔtomɛ nɛn kená le lɔnubé: Solu, Solu, nu kɔ wutu ɔle donu funyan funyan nan wuŋ? ⁵ Eɖo ewu: mɛnɛn wɛ ɔnyi ɔxwétɔ? Ewɛ ɔxwétɔ lɔ bé: uŋ nyi Yésu kena ɔle funyan funyan do nu na, a siɛn do ɔ be adrɔnkɔn godo win nyɛn. ⁶ Kɔdo ɔvivɔ́n, bo le hunhun nu e lɔ be: ɔxwétɔ nukɔ ɔjro be ma wa? Ewɛ ɔxwétɔ lɔnɛn be: cité, byɛ toxo ɔmɛ, ewɛ ya lɔ enu kena awa. ⁷ Ekpaca ɛmɛn yé kená kplan édo yé yé se egbe ɔ bo lé ɖi nu vɔ ye uŋbole ɛmɛnti kpɔn nwo. ⁸ Solu fɔn le awanzan mɛ, kená ebé ɔŋkusi gɔle hunhun uŋtɔ cán, uŋle enu uŋtitɔ́ kpɔn nwo, yé hɛn ɔlɔ nɛn bo do kplɛn do sɔn Damasi. ⁹ Enɔn enu ma kpɔn na awan gbigbán ɔtɔ̀n, enu maɖu, ɛsin manu. ¹⁰ Acéé, le Damasi, nunsun ɖé le ye nɔ́n yɔbé Ananiasi, ɔxwétɔ xɔ drɔ wi: Ananiasi, e ɖo ewu: emlɔ̀n lɛ xé ɔxwétɔ! ¹¹ Ewɛ ɔxwétɔ lɔnɛn bé: cité, sɔn emɔ́n kená ye yɔ be aɖusi ji, le Judasi be ɔxwémɛn, kán ɛmɛ kená ye nɔn yɔ be Solu kená lɛ le Tase tase. ¹² Ɖo e xo ɖɛ, bo le drɔmɛ nunsun ɖé kená ye yɔ bé Ananiasi, kena le byɛ nu ɔxweɔ mɛ, ewɛ ebole ye ɖonu eji, na ɔŋkusin ye ado hun nɛ. Ananiasi do ewu. ¹³ Ɔxwétɔ, uŋse le ɛmɛn susu nukpa enu gbigble ye tɛtɛ kená ewa kɔdo xe ɛmɛn kikɔn kena le Jéruzalɛmu ye. ¹⁴ Ewɛ ebo ɖo acɛ ye le efi do zɔn ɔvɔsatɔ gbo ye be ɔkɔ́ntamɛ na a do bla do ekan mɛ ɛmɛn kená nɔn yɔ xwe nyikɔ yé. ¹⁵ Vɔ ɔxwétɔ lɔ nɛn be: sɔn, ɖo nunsun xɛn tɔ enu zizan wɛ enyi nám um bo cián na ado kɔ xo nyikɔ le etoyé be ɔŋkɔn, le ɔxulu ye kɔdo zraɛlivi yé be ɔŋkɔn. ¹⁶ Ewɛ má ɖe xlɛ aya tɛtɛ kená a ɖu le xo nyikɔ mɛ. ¹⁷ Ananiasi tɔ́n, ewɛ kená e jɛ ɔxwé ɔ mɛ, e ɖo ebe ɔlɔ ɔwe ye do Solu ji bo do le lɔ nu bé: Solu xo nɔnvi, ɔxwétɔ Yesu, kena ze do xwé ji gán mɛ nán ɔle mɔ́n ji le gbɔn nwɔn, e zɔn do hlan, ná ɔŋkusi a hún nɔn, be ná ajwɔ gɔdo gbigbɔ kikɔn. ¹⁸ Zi nɔn kpé, enu ye flɛ le ɔŋkusi ji nɛ, ewɛ e tɔ enu kpikpɔn, e fɔn cité ewɛ e lɛ Mawu sín. ¹⁹ Ewɛ , kená e ɖu enu be godo ɔ, hihlɔn ye ba nɛ. Solu nɔn eto ɔ mɛ na awangbigban viɖe kɔdo enukplavi ye kená le Damasi. ²⁰ Ewɛ le ble ŋmɛ e lɔ Mawu xo le Jwifu ye be ɛɖɛ xo xɔmɛ do le lɔ nu be Yésu nyi Mawu be vi. ²¹ Ekpaca ɛmɛn tɛtɛ kená le ɔto ɖo nu wi ye, ye bo lɔ bé: ɖé uŋnyi ɛmɛn kená nɔndo funyán funyán ná ɛmɛ kená nɔ́n yɔ Yésu be nyikɔ le Jéruzalɛmu mɛn xɛn ɔn, ɖé uŋgba efi be ya do bla ye do ekán mɛ do sɔn yi nán ɔvɔsatɔ gbo ye ɔ? ²² Ele esin co Solu le eganɖido donu lánmɛn na eɖe ke éji éji, ewɛ e le hlunu (ca ka nu) Jifu kena le Damasi ye be do mɛn, do nɔn ɖe xlɛ be Yesu wɛ nyi Kristo. ²³ Azan ɖe ba yi, Jwifu ye wa tito le ye ɖe mɛn be ya do hwi. ²⁴ Ewɛ ye sin bla jɛ ɔtomɛn na Solu ɛmɛn ɖiatɔ ye nɔn le ehɔnji nɛn klé kɔdo azan, be ya do hwi. ²⁵ Gbe lokpo be azanmɛ, enukplavi ye kɔ Solu do ajaxwimɛ dofla glikpa. ²⁶ Kená esɔn Jeruzalɛmu, Solu ze gbeta ado nɔn ekpwɛ kɔdo yé vɔ ye mɛn tɛtɛ le vɔn nu nɛn, ɖo nye uŋle xɔ nuse be enukplavi lokpo wɛ ényi o. ²⁷ Le eflɛn Banabasi dwɛn do ɔ wu, bo kplɛn do sɔn apotruye de, ewɛ e kán a se uŋ na ye do zɔn naɖe solu dogo ɔxwétɔ le mɔnji ɖo ebo lɔ xo nɛn, naɖe elɔ Mawu xo le Damasi ayimɛ vu le Yesu be nyikɔmɛ. ²⁸ Enɔ́n sɔ̀n, bo nɔn gbɔ́n kɔdo yé ba Jéruzalɛmu, bodo nɔn lɔ xo kɔdo kánɖéji le ɔxwétɔ be nyikɔmɛ. ²⁹ Enɔn lɔ xo can ewɛ dɔn nu kɔdo Hélénu ye (hélé be ɛmɛn ye), vɔ emɛn xetɔ ye, le emɔ̀n kán nu ya do hwi. ³⁰ Nɔnvi ye, kená ye se exo ɔ, ye kplán Solu do sɔn Sézaré, ewɛ ye do ehun nɛn na ado sɔn Tasé. ³¹ Ehamɛ le fifa mɛn le Judea, Galilea kɔdo Samarya to ɔ tɛtɛ mɛn le egándido mɛn, ewɛ nɔ zɔnle Mawu be vivɔ́n mɛ, kɔdo gbigbɔ kikɔn be ɔlɔdo mɛ eha le kɛkɛ nuta. ³² Le Piyɛ be esa ɖiɖi do zɔn ɛmɛn kikɔn ye ji, e sɔn kpɔn ɛmɛn kená le Lide ye de cán. ³³ Ekpɔn nunsun ɖé kená ye yɔ be ené, sɔ́n exwé atitɔn yɛ xe ele awan hihlɔn le ezanji, ebo kplibɔ. ³⁴ Piyɛ lɔ nɛn be: Ené Yesu Kristo dɔ ɔzɔn nɔn, cité, flɔn xwé zan, ewɛ zi nɔn kpe e bo cite. ³⁵ Lidé kɔdo Sarɔnu to vi ye tɛtɛ kpwɛn , ewɛ ye yi ɛbɛ yina ɔxwetɔ. ³⁶ Le enukplavi ye be do mɛn, le jopé, nyɔ́nu ɖé le, ye nɔ́n yɔ bé Tabita, kená egbɔn mɛn ɖiɖe nyi Dɔkasi, e nɔn wa ezan nywɛn kɔdo enuni nán susu ye. ³⁷ Gan xɛn tɔ mɛn ejɔ ɔzɔn, ewɛ ébo ku kená ye lɛ sín nɛ, egodo e kwɛ sɔn yi ɖo ɔji hwlebe xɔmɛn. ³⁸ Ɖe kená Lidé gogo Jopé ɔ, kená enukplavi ye se be Piyɛ le eflɛn ɔ́n, ye zɔn nunsun ɔmɔ we dohlɛn, le kuku ɖiɖe mɛn be nɛn ba ye de le madɛn maɖɛn mɛn. ³⁹ Piyɛ cite jɛ emɔn kɔdo ebe ɛmɛn ye kená ye ba ɔ, ye kplɛn do sɔ́n exɔ kená le ɔji ɔ mɛ. Ɔsukusi ye tɛtɛ le avivinu, bo lɛ doé, ewɛ ye le xlɛ ni awu kɔdo ɔvɔ kená Dɔkasi nɔn lɔn ye wi, gan mɛ ná éle ɛgbɛ do ɔ kɔdo ye. ⁴⁰ Piyɛ ná yé ɖe ɛmɛn tɛtɛ tɔn, ewɛ e jɔ klo, bo xo ɖɛ, ebo lilɛ kpán ta ɛmɛn kuku ɔ̀, é lɔ be: Tabita, cité e hun uŋkusín, kena e bo kpɔn Piyɛ ɔ e sinɔ̀n awan. ⁴¹ E ná así wi (ɔlɔwi), ewɛ ekwɛ cite, egɔdo, eyɔ ɛmɛn kikɔn kɔdo ɔsuku si ye, ewɛ e yi xlɛ ye ɛgbɛgbɛ. ⁴² Jopé tɛtɛ bo se, ewɛ ɛmɛn susu yi se ná ɔxwétɔ. ⁴³ Piyɛ nɔn Jopé eto ɔmɛ na azán viɖé, le Simɔn ɔfɔkpa watɔ de.