¹ Ganmɛn na ye ɖe gbe be mi do tɔji hun do sɔn Itali wi ɔ, yeyi Pɔlu gɔ do eganmɛn nɔtɔ bu ye bu yi do ɔlɔmɛn na ahwanga kena yenɔ ylɔ be Yulio, elɛle ahwan kpakena ye nɔ ylɔbe Agusto e ahwan kpamɛn. ² Mido Adramito etɔjihun kena kahɔ̀n, boka zɔn Azi ehung lixue ye. Aristarko kena lɛle tɛsalonika le Masedoni edo etɔjihun ɔn gɔdomi. ³ Ken awan gban ɔ̀, mi jɛ Sidɔn wɛ yulio kena le wanu enu zantan na Pɔlu ɔ, na egbe Pɔlu besɔn kpɔn we hwannyi, na ehudonu ye. ⁴ Kena milɛ le eflin ɔ̀n, mikpa ehun ɔn, do zɔn Kipro etɔmɛn kpɛne axaji, ɖo ehun ɔ̀le kpenu jɔhɔn. ⁵ Kena mi zɔn kilikia gɔdo Pafilia exuji ɔ, miba jɛ eto ken yenɔ ylɔbe Mira mɛn, le likia ewanzan ji. ⁶ Le eflin ɔ̀n ahwanga kpɔn Alɛsandri etɔjihun kena le sɔnnu tali ɔ, ebona gbe mi biɛ emɛn. ⁷ Mizɔnblɛo, awangbigban susu, esiɛn ŋutɔ gbɔ xue mi knido de kena jɔhɔn ŋu namɔn mi na mi ado ɔŋukɔn le a da de ɔ oà, mi zɔn Kreta etɔmɛn kpɛnkpa, le Salomɔn elɔji. ⁸ Mijɛ agbagba ŋutɔ, do kun tɔjihun ɔn zɔn exu ɔji, doba jɛ efi kena yenɔ ylɔbe ehun glixue ele Azi eto ɔ de. ⁹ Migu ganmɛn su sule exu ɔji, etɔji zinzɔn ganxiɔn mɛn nyi, ɔfɔku gboɖe do ɔnubibla eganmɛnnɔ bayi eyɔ utu Pɔlu de aɖaŋu na ehun kuntɔ be: ¹⁰ Xohwan nyi ye, ŋukpɔn bena mijɛ etɔji le ganxiɔ mɛn Sibɛɔ, mia jɛ ɔfɔku gbo ɖe, ŋubo nyi agbem kena le hun ɔ̀n mɛn gɔ ɖo ehun ɖoɖo mɛnka guò, vɔ miye ŋutɔ mie gbɛ can. ¹¹ Ahwanga le ɖenu eji do exo kena ehun kuntɔ gɔdo ehuntɔ lelɔnu u hugan exo kena a Pɔlu le lɔnu ɔ̀. ^{12 13} Kena ehun glixue xiɔ ŋu nyɔ na yea nɔ le ɔvivɔ ganmɛn o a emɛn susu ye gbe be yea lɛ, na mia tɛn kpɔn, na mi kpeji miasɔn foenike kena nyi kreta ehun glixue ɔ, na mia nɔ eflin le ɔvivɔ ganmɛn, do eto xiɔ jɔŋukɔn exuto ehwezɛ xue. Kena exujɔhɔn fifa lexonu ɔ̀, ye bube ye kpeji awa enu kena yejlo ɔ ye do abaɖa, zɔnkreta kpa. ¹⁴ Vɔ, jɔnɔn kena yenɔ ylɔ be adau jɔhɔn jɛ xixojile étɔmɛn kpɛn ye etamɛn. ¹⁵ Jɔhun kɔ ehun ɔn bo dɔnɛn ɖobɛmɔn, kena yeŋu kpéji akun ehun ɔ do kpe jɔhɔn o ɔ̀, mi jo mie ɖe do na jɔhɔn. ¹⁶ Mibazɔn etɔ cɛncɛn awan viɖe ye edamɛn ye nɔ ylɔbe kaka ada edamɛn. Mijɛ agbagba ŋutɔ gboxue mielɔ dokpe akloe ɔji. ¹⁷ Mikɔɛ do etɔji hun ɔn mɛn miyi ekan do ezɔn ehun ɔn gbɔn, doblɛ, kena mile vɔnnu be ehun ɔn aba sɔn gbale sirta, le Libia exuta, mi abada à, mijo mie ɖe do kesin, jɔhɔnbo dɔn akloe ɔ̀ do bɛ emɔn gɔdo ehun ɔn. ¹⁸ Kena jɔhɔn sinsiɛn kpɔtɔ le dangban nu mi kaka awan do gban ɔn, yejɛ agban ye bɛkɔn do etɔmɛnji. ¹⁹ Awangban ɔtɔ gɔ gbe ɔ, ehun kuntɔye ŋutɔ yiyelɔ dobɛ agbankpinkpɛn kena le ehunɔ̀ mɛn ye kungbe do exu ɔmɛn. ²⁰ Awangbingban ɛnɛnwe ɖe wɛ xe, miŋu gɔkpɔn ehwe gɔdo esunkpɔn ó jɔhɔn sinsiɛn kpɔtɔ le xonu kpoe, mi ŋu le ɔkunsin ɖonu be mia ganò. ²¹ Mi nɔ enu maɖu na azanɖinɖɛndé Pɔlu cite le emɛnye mɛn, bolɔna ye be: Mie tɔnye, na mi do sexogbe, mi ŋu dolɛle reta ɔ̀, miŋu kaba kpe ɔfɔku xi ɔ ò, kaka mie nuye ado guo. ²² Kpɔn la sibɛ o, mi gɔka vɔnó emɛnti ŋuka ŋun egbɛle mimɛn ó ehun ɔn kpowɛ agba. ²³ Ɖo Mawú etɔn na ŋunyi ɔn, kena ŋulé sɛnnu ɔ̀ ewɛnzan gun ɖeye ba xo de azanmɛn. ²⁴ Elɔna ŋu be: Pɔlu, kavɔn ó, ɖo ɔɖoasɔn Rɔma gagbo ɔ̀ de dandan, ɔyɔwe utu ɔ, Mawu a na egbɛ emɛn kena le etɔji gɔdo ɔ tɛtɛ. ²⁵ Eyɔ utu ɔ, eji ni demi xotɔn ye, ɖo ŋu kado Mawu ji be exokena elɔna ŋu ɔ̀n, kpowɛ ajɔ. ²⁶ Vɔ, mi ehun ɔ̀n agba do etɔ cɛncɛnwan ɖe ji. ²⁷ Awangban siɛnɛngɔgbe ezanmɛn, ɔ̀n, jɔhɔn sisiɛn ɔ̀ kpɔtɔ le xonu ledangban nu ehun ɔ̀n, le exo kena yenɔ ylɔbe Adri ji. Ɖikɛn azan gan siɔwɛ dɔgbe ɔ, ehukuntɔye lekpɔnnu be mi gogo awanzan ɖe ji. ²⁸ Kena ye dlan etɔ jlɛan ɔ̀, ye kpɔn be exu ɔsiso abɔ ewi kena mi gɔsɔn ɔŋu kɔnviɖe ɔ, ye gɔ dlantɔ jlɛkán ké, ye kpɔn abɔsiatɔ́n. ²⁹ Kena yele vɔnnu be ehun ɔn a ba gba do akpan ɖéji ɔ̀, yedo egɛ le ehugbɔn. Ye kan be awan ni gban kaba. ³⁰ Vɔ, kena ehun kuntɔ jlobe yea Sile ehun ɔn ɖe ɔ, ye ɖiɖi akloe ɔ do esin ɔji, yewa ɖikɛn emɛn kena ka do egɛ do ehunda dɔngbe. ³¹ Pɔlu lɔna ahwanga gɔdosɔ ja ye be: na emɛnxiɔ ye nu nɔ̀n ehun ɔnmɛn o ɔ̀, miye can miŋu ka gan ò. ³² Sɔja ye gbo ekanna akloe ɔ̀, bojoe do, esiɔn dɔnɛn do lɛ. ³³ Lefifɔn mɛn ɔ̀n, Pɔlu lɔnaye emɛn tɛtɛ be ye ni ɖunu elɔnaye be: awangban ɛnɛnwɛnyi egbe, mici joejoe, le emɔn kpikpɔn mɛn enu madu. ³⁴ Eyɔ utun ɔ̀, ŋule ɖenu kuku na mi be ni ɖu énù ɖo exiɔn levivɛɖe na mie gigan ŋu gɔ le lɔnu namibe eɖa lokpoŋu ka flɛle eta mie mɛnti ò. ³⁵ Kena Pɔlu lɔ kesin ɔ̀n, eyi kpɔnnɔn edokpɛna Mawu do eta, le emɛn tɛtɛ eɔkusinmɛn ekɛn, etɔɛ ɖuɖu. ³⁶ Ena hunhlɔn uye mɛn tɛtɛ, yé can yeɖu enú. ³⁷ Mie, gbɛtɔ fɔɖe kanɖe gbanvɔ atlokpo wɛ nɔn ehun ɔn mɛn. ³⁸ Kena miɖunu, ju ɔdɔ̀ jɔhu ɛnɔ̀, mibɛ yɔvo lɔku Saki kena le ehun ɔn mɛn ye dlan do exu ɔ mɛn na ehun ɔn ado wù. ³⁹ Kena awangbanɔ ehun kuntɔ ŋunyɔ efi kena ye leò vɔ, yekpɔn edɔn de gɔdoe xuta ɖoxwlan, ye jlobe ye tɛnkpɔn, yea kpɔn be yea kpeji agba ehun ɔn do eflìn jà. ⁴⁰ Ye gbo egɛ ye, bojo ye exu ɔmɛn, ye hu ɔtiɖo kan ye kena yedo abaa jɛjɔhɔnji ɔ̀, ye wli xutamɔn. ⁴¹ Ehun ɔn ba glido aga, bo janci ekɔmɛn amlin ye gba ehun gbɔ̀n ⁴² Sɔja jlo be yea hu eganmɛn nɔtɔ kena le ehun ɔn mɛn yetɛtɛ, na ye mɛti ŋuka nyitɔ, asi o. ⁴³ Vɔ, ahwangá, ŋu nuɔn naye o, ɖo ejlo kahwlɛn Pɔlugan ena gbebe emɛn kena nyɔ etɔ nyi nyi yeni jɛ exu ɔ mɛn ɔŋukɔn, na yea nyitɔ jɛ aga. ⁴⁴ Emɛn na kpɔtɔye ni kin do ɔxlɔkpeú, alo ehun fifɛn ɖe u na yea jɛ ye gbɔ dosɔn aga kesin wɛ ye gan ɖo xɛn.