¹ Agvipa yi exo ina Pɔlu e nà gbe wuɔ ɔdo exodé alɔ nà aɖé weɖe tɔnlé ɛxwɛmɛ pɔlu kɔ ɔlɔ doɔji éɖé ɛxwɛ jijɔnɔ nyinyi xlɛ: ² Oh ɔxɔlu agvipa jijwɛ wɛ nyi nahun ŋdo yi exo ado d'éxoɖé le ɛlɛlɔ exoɖo ɛmɛ na jwifu lɔ do xota egbetɔ. ³ Ɔmɔn nu jɛ wu ganji kena enyi enuwiwa kɔdo yénu ɖiɖɔn yé ŋɖékuku mi ɖɔtó nà asé xoxò kɔdo sulu ɖiɖo. ⁴ Xo tomɛ tɔ ye tɛtɛ nyɔɛn kena ŋzan xogbɛ ɖo le ɖé kajɛmɛɔ le fi jevuzalɛmu xo tómɛtɔɔ ye mɛ. ⁵ Ye nɔnyɔ xoxo ɛmɛ kɔ lé ye mɛ yabo ɖekunun mlɔn ŋ zan xogbɛdi kɛna sisɛn kena falizenu tɔye jlo ɖo dɔgbé. ⁶ Nan enyi be sibɛɔ yedɔn ŋ dɔn ŋ do kɔjo gun mɛ enutiŋtɔ wutu mɛ mɔn jɔgbe nan Mawu fian nan mye etɔgboe yeɔ efɔjiwɛ ŋlé. ⁷ Ɔxwedo siɔ we 12 iziraɛli tɔn ye tɛtɛ do ejlo ado kpɔn jɔgboé ecicɛ bo le sisɛn ɔvɔsanu eklé kɔdo azan vɔ yekpɔn. ɛn exin wu wɛ yele ɛxwɛdonudoŋn ɔxɔlu xotɔn jwifu wɛ. ⁸ E le kesin co! minyɔɛnbe Mawuɔ kpeji afɔn ɛmɛ nɛku ye doba ɛgbɛ ɔ? ⁹ Mlɔn can le ɔgbɔn mɛjijɛ ŋfun awan kɔdo ye ŋtɔ do ɛmɛtin ŋdo aylɔ yesu nazɛrɛtitɔn enyikɔo. ¹⁰ Ezan kena ŋwa le Jeruzalɛmu lɛ xɛn yekɔŋjlan do egan kpa mɛ vɔ mɛxo ɔvɔsatɔ ye égà wɛ nan y wema ŋdo nɔn wliyé kenan ébyɔ be yado egan ŋnɔnɖo éku e kɔjo nan yé ebo nɔnyihuhu. ¹¹ J nɔ zɔn si na gɔgu nɛ le kɔpe kɔpe ye mɛ bo nɔn wiwli nɔxoye bo nɔn zɔn ye nɔn lɔ exò gbiglé do Mawu wu. ŋnɔn sɔn étò nɛ nyi mɛjlo tɔn ye mɛ bo nɔn do ye kan . ¹² Kesin wɛ le gbelɔkpoɔ ŋyi wema le ɔvɔsatɔ ye égasi acɛ xɛn wɛ le hosi mando sɔn wli ye le damasi. ¹³ Emɔn ji wɛ ŋlé bo sɔnu le egan siɔ we e xixo mɛ kpɔŋ mɛwɛ olɔxɔlué ŋkpɔn enuɔn kiki in nyan ɖélé tejɛ nu ɖikɛn ɔlinzɔn ɖɔgbé éba jɛté do miji bo tlɔdo mi mlɔn kɔdo ɛmɛ na élé ɛxwɛn zɛnuyé. ¹⁴ Myé ɛmɛtɛtɛ mi zlɔn jɛawan un sé egbé ɖé hebremɛ le lɔɔ nu nà un sɔlu sɔlu nikɔ aya wɛ ɔ le sanunan o? e asiɛn nɔ ado kpe ta wu wɛnnyɛn cɔncɔnɔ cɔ ɛn. ¹⁵ Un le kannu esé be: ɔyɔ ɛmɛ nɛ wɛ ya xohwetɔ e ɖo ewu nɛ be mlɔn Yesu wɛ ɔlé aya sa nu nà. ¹⁶ Vɔ cité do we ɔfɔyeji un baɖee xoɖe xlɛ nan ado nyi xo ɛmɛsɛntɔ abo ɖé kun nun na un ɛgbɛ tɔ ye ɖé abo lɔ na yebe yekpɔn kɔdo ezà kena un yɔ nà yée. ¹⁷ Uŋcaɔn le na etovi xe tɔcɛn cɛnmɛ kɔdo ma xɔsetɔ ye domɛ ke de uŋzɔn dohlan . ¹⁸ Do be a huŋ ye ɔŋkusi ye nayé nà ya do tɔ̀n le ɔzuvlumɛ do ba zogbɛ nukpa (kiklɛn nukpa do tɔn le ɛlɛgba be hihlɔn gbɔ̀n do ba Mawu de do zɔn xɔse na le xomɛ ji ma ya do yi ɛhwɛ do kɛmɛ, kɔdo ɛmɛ kikɔn yé (ɛmɛ wiwe) ecinɔn. ¹⁹ Ejɛ egodo ɔxɔlu Agripa mlɔn ŋsiɛn ta mɛ do gbigbɔ sɛxwetɔn wuo. ²⁰ Na damasitɔ yé gbɔ xwé kplɛndo Jéruzalɛmu le judea totɛtɛ mɛn kɔdo maxɔsetɔ yé mɛ uŋlɔ lɛvɔjɔ xo kɔdo ya ze ye ɖe na Mawu kɔdo lɛvɔjɔ be nu wiwa kena jɛ ye. ²¹ Enu kena wutu jwuifu ɖɔ lɔ xo ji le ɛɖɛ xo xɔmɛn yɛ xɛn bo do wa titɛn kpɔn be ya do huŋ. ²² Vɔ do zɔn Mawu be ɛmɛ nuvivɛ lɔ do mɛ wɛ ŋkpɔtɔ le ɛgbɛ kado jɛ égbé do le kunu ɖe nu le viyɛ ye kɔdo ɛmɛ hɔn yé be ɔŋkusimɛ le emɔn matran le exo kena exolɔdo awantɔ yé kɔdo mɔsé lɔ be eɖo a bà ji. ²³ Le nyin nyɔn mɛn be kristi a ba ɖu aya ewɛ be a nyi ɛmɛn tantɛn kena afɔn le ɛmɛkuku ye domɛ a jra ɛmɛ kena nyi zogbɛ kiklɛn na étovi yé kɔdo étoɔtɛtɛ. ²⁴ Kéna e kpɔtɔ le exo lɔnwɔn do le hwlɛn nú gán fɛtusi do awa lɔ bé Pɔlu tagbɔ gblé nɔn wɛ ɔjɛha wɛ we enu nyi nyɔn gbo kéna ɔɖo le hɛn nu tagbɔ glé nɔn wɛ. ²⁵ Mɔn jɛ hao Fɛtusi bubu jɛnatɔ wɛ pɔlu lɔ bo huŋ xonugbo xo yé wɛ bo le emɔn nywɛn ji wɛ uŋlɔ. ²⁶ Etɔ xɔlu ɖo nɔn jɛmɛn do enu xɛntɔ ye tɛtɛ wu ewɛ uŋvo do le lɔnu nɛn ɖo le kanɖo ejimɛ e ŋdokpo éɖé ma nyɔn le émɛo ɖo uŋ nyi bibɛ bibɛ mɛn wɛ ejɔ le o. ²⁷ Ɔxɔse na éxolɔdo awan tɔ ye ɔxɔlu Agripa uŋ nywɛn be ɔ xɔ se nɛn. ²⁸ Ewɛ Agripa lɔ na Pɔlu le Zanɖe aba dɔn uŋ be ma nyi kristi tɔn. ²⁹ Pɔlu ɖo ewu na anyi zanɖé alo na le diɖɛn mɛn le Mawu be jromɛn ɔyɔ lokponɔ̀n mɛ anyio vɔ ɛmɛ tɛtɛ kena le ɔto ɖo uŋ ye can le égbé mɛn miá ba ci ɖi kɛn naɖé uŋle dɔgbe ekan bla ɛmɛ xe tɔ ye uŋ le mɛ o. ³⁰ Ɔxɔlu etoga bérénise kɔɖo ɛmɛ tɛtɛ kena lé awansinɔnxwe kɔdo yé sité. ³¹ Ewɛ le ye kɔlilɛ mɛ ye lɔ na ye ɖé bé da hxwé xɛn uŋwa énuŋti kénan jɛ na eku o alo gan kpa o . ³² Ewe Agripa lɔ na Fɛtusi be ye tɛn jo dahwé xɛn tɔ do na uŋdo nɔn yɔ kojo le sézarudé.