¹ Pɔlu gɔdo si lasi zɔn emɔn ye zɔn Amfipoli gɔdo Apoloni, yeba jɛtɛsa lonika, efikena Jufu ye ebibɔxue ɖe le ɔ̀. ² Pɔlu biɛ bi bɔxué ɔ́, ɖikɛn kena enɔn aɖo éji ɔ̀ dɔgbe ɔ ejlo Mawu xo ɔmɛn kpɔn gɔdo emɛn kena le bibɔ xue ɔ ye gbɔjuɛ zan ɔtɔn. ³ Eɖe exosusumɛn na ye, eɖe xlɛ yebe klisi ɖoaɖuaya kaka aku, Mawu a bogɔfɔn le emɛn kuku ye mɛn, ɖikɛn kena wlan dowena Mawu tɔn mɛn ɖo dɔgbe. Eyí exobe: Yesu emen kena ewɛnye le donu ɔwɛ nyi Mɛsia. ⁴ Exo ɔjɔ ɔŋu mɛn na ye emɛn ɖeye, yeyise, ye jɛ Pɔlu gɔdo Silasi gbɔn kesin kewɛ Glɛki Yesu su kena nɔn sɛnMawu ye gɔdo nyɔnu ɖinyi susujɛ ye gbɔn. ⁵ Vɔ Jufu ye huan ɔu susu, yebacan etomɛnvi fuflu, enugbi gblewatɔ kena nɔn danzɔn emɔnji, yebɔ, na yea hɛn lagba doba togun ɔnmɛn ye na ɔzin tɔ le etɔ le eto ɔmɛn ye xajasɔn e ɔxue ɔ̀, le kannu Pɔlu gɔdo Silasi be yea kplan ye dosɔn emɛn ye ecɛncɛn me. ⁶ Kena yeŋukpɔn ye oa; ye dɔn Jasɔn gɔdo nɔnvi le klisimɛn, ye ɖeye dosɔn etoji kpɔntɔ yede, bole donu abobo be: emɛnxiɔtɔ yewɛzɔn ɔzin do tɔ le egbɛɔ tɛtɛmɛn ye ba miye eawan zanji i. ⁷ Jasɔn eyɔ yiye do ɔxuemɛn, yewɛ nyi emɛn kena le gbanu esɛn kena Roma ega do ɔ̀, ye le lɔnu be ega bu le nyi Yesu. ⁸ Exiɔ kpaca emɛn susu gɔdo etojikpɔntɔ ye ecaka susu na ye. ⁹ Vɔ kena yeyi ɔho le Jasɔn gɔdo emɛn kpɔtuɛ yésiɔ̀ ye jo yedo. ¹⁰ Le gaxiɔnmɛn eazanmɛn ɔ̀n, nɔvile risimɛn ɖo Pɔlugɔdo Silasi ɖoxwlan Berea zɔnlɔkpoe kena ye jɛ eflinɔ̀n, ye sɔn Jufu ye ebibɔxué ɔ. ¹¹ Jufu kena le eto ɔmɛn ye se enugbɔn mɛn hugan kena le Tɛsalonika ye ye yi Mawu xo ɔ gɔdo ejlo zantan. Egbesɔ-egbesɔ yenɔn jlo Mawu xo ɔ mɛn kpɔn. ¹² Emɛn susu le yemɛn boyi Yesu se kesin kewɛ Glɛki nyɔnu ɖinyi susu gɔdo ŋusun susu yi Yesu se. ¹³ Vɔ, kena Jufu kena le tɛsalonika ye sebe Pɔlu le donu Mawu ewɛn le Berea cán, ye bado hunya hunyan emɛn yemɛn, ye hɛm tagba doba eto ɔmɛn. ¹⁴ Nɔvi le klisi mɛn ye ɖebla ɖo Pɔlu ɖoxwlan exuto, Silasi gɔdo Timote eyoci eto ɔmɛn le eflin. ¹⁵ Emɛn kena kasɔn, ɖo Pɔlu ɔ, kplankaka jɛ Atɛni, yebo lekɔ. Pɔlu do ewɛn ye be yea do na Silasi gɔdo Timote, b yea ɖebla ba gbo ye bleŋ. ¹⁶ Ganmɛn na Pɔlule Atɛni le emɔn kpɔn nu na Silasi gɔdo Timoté ɔ̀, ecaka le eɖemɛn, ɖo ekpɔn ekɔkpebi bɔ Yesu le eto ɔmɛn. ¹⁷ Enɔ sɔn bibɔ xueɔ, nɔ jlo exo ɔ mɛn gɔdo Jufu ye, gɔdo emɛn kenanɔ sɛn Mawuye gasiagamɛ, enɔ son etoɔ ebibɔ xue bonɔ lɔxo na emɛn xiɔn ye ca. ¹⁸ Aɖaŋu nunyɔtɔ ye egbɛ kena ye no ylɔbe Epikuratɔ ye gɔdo Stoikamɛ tɔye can ba jɛ exo lɔji gɔdoe emɛn ɖe le Yemɛn kanse uibe exo nɔwewɛ exo gbigble lɔtɔ xi ɔleka lɔtoŋu ó? emɛnbube mɛjloye esisɛn lɔoawan lɔtɔwɛ anɔnyi le xonugbomɛnɔ̀ Yesu gɔdo fifɔ le eku exowɛ Pɔlu le lɔnu. ¹⁹ Ye kplan Pɔlu dosɔn esɛn doxue kena yenɔ ylɔ be Areopago, eyɔwɛ esɛn wasitɔ ye kanseui be: enu kpikpla yɔyɔ nɔwe wɛ ɔhɛndoba o? Ɔkpeji atin emɛn nami? ²⁰ Ɖo exo kena ɔ le lɔnu ɔ̀n, miŋu se eɖe kpɔno, mijlo be miasee gbɔnmɛn. ²¹ Le xonugbomɛ ɔ, Atɛnitɔ ye gɔdo mɛnjlo kena le eto ɔmɛn ye un nɔguyé eganmɛn na enuɖe hú yea lɔ exo yɔyɔ kena yese ye, alo yea ɖo ɔto exo yɔyɔ kena yeŋu nyɔ hɔnɖe ɔ. ²² Pɔlu tɔte le esɛn wasixue ɔ ecicɛnmɛn, elɔna yebe: Atɛnitɔye, ŋukpɔn lɔe minɔ sɛn yɔhwe untɔ́. ²³ Ɖo kena ŋuzɔn mie etomɛn ɔ̀ŋu kpɔn yɔhwe xɔ susu, ŋuba kedo ɔvɔsakpe ɖe ye u ye wlan do eu be: yɔhwe jena emɛnti ŋunyɔ tɔn vɛ exiɔ nyi. Enu kena miŋunyɔ o, vɔ mile sɛn nuiɔn e wɛn wɛ ŋu bale donunami? ²⁴ Mawu kena ɖo egbɛɔ gɔdo enu kena le emɛn, wɛnyi ɔjihwle gɔdo awanzan etɔhonɔn. Mawu xiɔn ŋunɔ nɔ exɔ kena gbɛtɔtu ɔmɛn. ²⁵ Ŋu nɔ kan be gbɛtɔni yi ɔlɔ dowa enu buɖe ado sɛn ye o, ɖikin enuɖewɛ dɛn ye dɔgbe o. Eyɔ wɛnɔnna emɛn tɛtɛ egbɛ, egbigbɔ gɔdo enu kpɔtue ye. ²⁶ Ena gbɛtɔ ekunkan jɔ le ɔdɔ lokpomɛn, eboman ye do awanzantɛtɛji eɖo ganmɛn ye boɖo ɔlixɔ yena togun yee nɔxue lokpo lokpo. ²⁷ Mawu wasi eni ye kesin, na gbɛtɔ ye nikan Mawu, na yea le kannui kaka, taŋun yɔ oà yetɛn ŋuba kpɔnɛn, co Mawu ŋu bo ɖɛn lemie mɛnti de ò. ²⁸ Ɖo eyɔwɛ nami do le egbɛ, mido le hwan ya nu, midole ɖikɛn kena mie ehan xowlantɔ ye lɔɛɖo be: ɖo ejijimɛnvi ye wɛmi ye can mi nyi. ²⁹ Kena enyibe Mawu éjijimɛnvi ye ni nyi ɔ̀n ŋu lebe, mia bube Mawu le ɖikɛn sikaalo klosalo, alo ekpɛn xɔ ɔhokɛn gbɛtɔ yi adaŋu dowasi gɔdɔ ɔlɔ o. ³⁰ Enu manyɔ egbɛ kena gbɛtɔ zaan le ganmɛn na gbɛtɔ nɔ man nyɛn mɛn san, Mawu cɔn ɔkusín yeji vɔsibɛɔ̀, eba le biɔnu sɔn gbɛtɔyesi, le efi ɖekpekpe kena ye le ɔ be yea lu ɔ eɖɛn. ³¹ Eyi a zan lokpo yi ɖoawan eyɔwɛle azan xiɔntɔ gbe ɔ, eka ɖokojona gbɛtɔ yetɛtɛ, le zantan wiwamɛn, ɖozɔn emɛn kena eyɔ ŋutɔ ɖedovo ɔji. Efɔnɛn le eku, do ɖe enu xiɔnyi xlɛ emɛn tɛtɛ. ³² Kena emɛn yese fifɔn le eku exo ɔ, emɛn ɖe ye kopɔ lu nɛnɖe ye lɔbe mian gɔsewe xo azanbu gbe do exo xiɔ utu. ³³ Pɔlu lɛ le ye cɛncɛnmɛn. ³⁴ Ele kesin co, emɛn ɖeye jɛ egbɔn, yeyise, ye domɛntɔ ɖe ye wɛnyi Deni, emɛn kena nyi esɛn wasitɔ ye edomɛntɔ lokpo gɔdo nyɔnu kena yenɔ ylɔbe Damaris. Ɔgɔdo emɛn buye san.