¹ Pɔlu zɔn emɔn kakaba Dɛrbe gɔdo Listra. Nukpavi kena ye nɔn ylɔ be Timote le eflin enɔn nyi Jufu nyɔnu kena yi Yesu se ɔ̀, etɔ nyi Greki ye. ² Nɔnvi le Krisimɛn kena le Listra gɔdo ikonu ye kunnu zantan do Timoté u. ³ Pɔlu jlobe yea ɖɔnɛn do ɔu egbo ahuan ni ɖo Jufu ken le eflɛn ye utu, ɖo ye mɛntɛtɛ nyɔ be etɔ ɔ̀, Grɛki yewɛ. ⁴ Nan ye le zɔnnu etoxo yemɛn ɔ̀n yenɔn lo tito kenaji emɛn zinzɔn na ye gɔdo ɔgun mɛnxo ye ɖo ekpɛne ji be Jeluzalɛm na emɛn ye. ⁵ Ɔgunye gɔle xinnɔ nu awan le enu diɖimɛn, bogɔle sunu do éji egbesɔ-egbesɔ. ⁶ Gbigbɔ kinkɔn un ɖe emɔ na pɔlu gɔdo Silasibe yeasɔn do Mawu ewɛn le Azi ó, eyɔ utu ye zɔn emɔn dozɔn frigi gɔdo Galati eakpa ji. ⁷ Yeba jɛ Misi e ɔlixo yeji ye tɛnkpɔ be yea sɔn Bitini vɔ, Yesu egbigbɔ un ɖe emɔn na ye o. ⁸ Ye bozɔn Misi, doba Troa. ⁹ Le azan mɛn ɔ̀n Pɔlu kpɔn ɔzin mɛnnu Maseduani ŋusu ɖe ye tɔndo eji ŋusun ɔn nɔnte le ɖeŋu ku ku nibe: we ehwɛjɔ, ba Maseduani, na aba domi ɔlɔ. ¹⁰ Kena Pɔlu kpɔn Ɔzinmɛnnu ɔn jɔhuɛn ɔ̀, mi jlo bemi jɛ emɔn zɔnlokpoe, a do sɔn Maseduani, do eze na mi be Mawuwɛ yɔmi na mi ado sɔn do ewɛn zantán na eto xiɔn tɔ ye mɛntɔye. ¹¹ Mido etɔjihun le troa mido abada ɖoxwlan Samotrak, kena awangbaǹ, mi sɔn Neapoli. ¹² Mi lɛle eflin sɔn Filipu kena nyi eto gbole Maseduani e akpaji ɔ̀, ebonyi Rɔmatɔ ye eto ɔ. Minɔ eto xiɔn mɛn na awangbigban ɖe ye. ¹³ Gbɔjuɛ zangbé ɔ̀, mitɔn le eto ɔmɛn sɔn etɔto, le efi kena mibube mia kpɔn eɖɛxo tɛnxwe le ɔ̀ mixinɔn awan, mi bolɔ exona nyɔnu kena babɔye. ¹⁴ Emɛn lokpo le nyɔnu yemɛn nɔnnyilidia, elɛ le tiatira enɔn sa lesivɔ ɔhogbotɔn ye Enɔnvɔn Mawu, tɔho hun esusu be eni wli ɔto do exo kena Pɔlu le lelɔnu ɔ̀ u. ¹⁵ Kena yelɛ Mawu sininna eyɔ gɔdo ɔxu edo jɔhuɛnɔ̀ eɖe kuku na mivivɛ ɖe be na mi kpɔn be ŋu yitɔ honɔse xonugbo ɔ, mi baba zeɛ xo xuemɛn. Ezin miji mibo yigbe bo sɔn exuemɛn. ¹⁶ Kena miba lesɔnnu eɖɛ xoxue gbelokpo a ɔ̀, mikpe nyɔnu kanu mɔn ɖekena gbigbɔvwɛn le lanmɛn na ebo nɔn lɔ lɔcɛ emɛn ye exiɔn nɔn hɛn ɔhosusu doba na exuetɔ ye. ¹⁷ Nyɔnuvi xiɔn jɛmi gbɔn, ele lɔnu gɔdo abobobe: emɛn xiɔ tɔye wɛnyi Mawu kena le ɔjihwle bo oɔeɖevi ye. Ye le donu hwlɛngan emɔn ewɛ na mi. ¹⁸ Kesin wɛ ejɛ migbɔn, a zan susu, eyɔwɛ ɔdɔmɛn bavɛ Pɔlu gbelokpo, ebolilɛkpaŋu kɔn gbi gbɔ kena le nyɔnu ɔ̀ mɛn be: Le Yesu Klisi enyikɔmɛn, ɔn ŋuɖe egbenɔn, tɔn le nyɔnuvi xi ɔmɛn pɛpɛ. ¹⁹ Kena nyɔnuvi ɔ exue tɔkpɔnbe ungɔle hɛnnu ɔhotido e banu na yé ɔ, ye wli Pɔlu gɔdo silasi, ye kplan ye dosɔn kojo ɖoxue le mɛxo ye de. ²⁰ Ye yi exodo kɔna ye be emɛn xiɔtɔye le hɛnnu tagba dole banu Rɔmato xoɔmɛn. Jufuwɛ yenyin. ²¹ Yele kplanumi esu kena mie sɛn gbɛ. Miye Rɔmatɔye, mi ŋukpeji ayi ye o. Miŋu kpejiawa do ye jio. ²² Emɛn yetɛtɛ zɔn do Pɔlu gɔdo Silasi ji, kojoɖotɔ yenagbe be yeni vun au le Pɔlu gɔdo Silasi u, yebo xoyetaŋu. ²³ Kena ye xo ye jɔhuɛn ɔ̀, ye kplan Yesu do egan yebolɔna egankpacɔtɔ be nɛn wli ɔkusin do yeu nyɔɛnɖe. ²⁴ Kena esekesiɔ̀, ekplan Yesɔn su ɖo exɔɖe yemɛn le egan kpa ecɛncɛnmɛn ejan yefɔdo ɔtinkpo emɔn mɛn, ebosu ehɔn do ye. ²⁵ Le azandomɛn kesinɔn Pɔlu gɔdo Silasi le xonu eɖɛ, bole jinu ehan, le kafunu Mawu, emɛn kena le ganmɛn ye le ɔto nuye. ²⁶ Tlolokpoŋu ɔ̀ awazan hunhun gangande, kakaegankpa edodoe ye canhunhun tlolo kpoŋu ye tɛtɛ wɛn le u jɛ awan. ²⁷ Egankpaji kpɔtɔ fɔn le ɔŋu lɔn mɛn kena ekpɔn be ehɔn ye tɛtɛ le hun-hun ɔn, ebonabe eganmɛn nɔntɔ ye siwɛke, eɖe jivitɔn le akpa mɛn, ka hu eɖe. ²⁸ Vɔ, Pɔlu do abobo gan ganɖe be: awa enu vivɛti gɔdo weɖe o! Mi emɛn tɛtɛ mi le efi. ²⁹ Egankpa jikpɔntɔ ɔ̀ bi ɔbe yea nɔnyi ezogbin doba na ye, ebo ɖebla biɛ exɔmɛn. Ɔvivɔn jɛ eji, ebo le hunhun nutiti, ejɛ Pɔlu gɔdo Silasi ɔkɔnmɛn. ³⁰ Egankpaji kpɔntɔ̀ kplan yetɔ, ekan yese be: mɛnxoye nyikɔ mawa ma dogan? ³¹ Pɔlu gɔdo Silasi ɖo eunibe: Yi Yesuklisi se na ɔyɔgɔdo xuedo miagan. ³² Yelɔ tɔhonɔn exona eyɔgɔdo emɛn kena le exuemɛn ye. ³³ Kesinwɛ le azan egan xixo xiɔn mɛn ɔn, egankpa jikpɔntɔ̀ kplan ye, esɔn klɔbi ye na ye, yebo lɛ Mawusin na eyɔ gɔdo exuemɛn tɔyetɛtɛ, zɔnlokpe. ³⁴ Ekplan Pɔlu gɔdo silasi dosɔn exuemɛn, enaye enu, yeɖu, ejijɔ eyɔ gɔdo exuemɛntɔ ye ŋutɔ, be: yeyi Mawu se. ³⁵ Kena awangbanɔn kojo ɖotɔye zɔn sɔja ye ɖoxwlan, boɖe egbenaye be nɔn yea jo emɛn xiɔn ye dona ye yea sɔn. ³⁶ Kesin wɛ egankpaji kpɔntɔ̀ lɔna Pɔlu be: Kojoɖotɔye lɔɖo xwlan be: yea jo mi do, na mia sɔn, mi sɔn sibɛ lefifamɛn. ³⁷ Vɔ, Pɔlu lɔna Sɔja ye be: ye un ɖokojo na mi o, vɔ, ye xomi le ɔgun mɛn, yebo-domi egan, vɔ Rɔma etovi wɛmi nyi nyikɔ utu ye jlo sibɛ be yea jomido le bɛmɛn ɖo ò? gbeɖe, ye ye untɔ kpo aba ɖe mitɔn! ³⁸ Sɔja ye sɔn lɔ exoxiɔna kojo dotɔ ye, vɔ kena ye se be Rɔma etovi Pɔlu gɔdo Silasi nyi ɔn, ɔvivɔn jɛ yeji. ³⁹ Yesɔn ɖe kuku naye yekplan ye dotɔn, yebo lɔna yebe yenitɔn le eto ɔmɛn. ⁴⁰ Kena Pɔlu gɔdo Silasi tɔn le egankamɛn ɔ̀n ye ba yisɔn Lidia e ɔxuemɛn, yekpɔnnɔnvi le klisimɛn ye le efliŋ, ye bodo jijɔɛnaye bo lɛ.