ATCHAMADO_BEN-wci_neh_text

Ta 13

¹ Le gamameá, wo xle le Mose bé wómá me le ɖukɔ́á ɖome gblɔ bé Amonitɔ́ gbaku Maabitɔ́ ɖékpé méɖó láyi mawu bé há me o, ² ɖóá wómécɔ núɖuɖu gbaku cinunu vá né Izraɛl víwó o, ɖóá wó yɔ balam éyé wó tufe nɛ be ne ba ƒofido Izraɛl víwó, vɔa míábé Mawu trɔ fiƒoɖéá bezu yayrá. ³ Éyime wó se séa be xexlea, wó ɖe amedjrówó kpata tó le Izraɛl viwó dome. ⁴ Do ŋkɔ né émá, míá Mawu be xɔwó bé nunɔtɔ́ Eliasib Tobia be djilá. Djra xɔ gãɖó ɖó né Tobia, ⁵ xɔyime wó dana adjɔwó lifiwó agbãwó, ebli, ami wũ be núwóliá ɖó ne Lewi viwo, hadjitɔ́wó, agbónúdjɔtɔwó gbaku vɔsátɔ́wó (ŋkɔnɔtɔ́wó) bé núdjɔdjɔ. ⁶ Gayime númáwó kpáta djɔa nye me le Yerusalem o, ɖóa me trɔ́ djó yi efiɔa gbɔ́ le Babilone be fiɔ Artaxarxas be ƒe gbã vɔ eve gɔ̃á me. ⁷ Le ƒea bé nuwúwúá efiɔa ɖemɔ́ ném bé mátrɔ́ gbɔrá Yerusalem éyé éyi megbɔvá, mekpɔ núbaɖa yiké Eliasib wɔa, yi nyi bé édji xɔ né Tobiya le Mawu bé aƒéa be xɔxɔ́nú. ⁸ Évé dɔme ném ŋ́tɔ́ éyé meɖe Tobiya bé núwó kpátá dro le xɔa me; ⁹ Meɖegbe né wó bé wóakɔ xɔawó ŋ́ti, éyé metrɔ́ lɔ́ Mawu bé aƒéme bé agbãwó, adjɔwó, kulifiwó kɔ xɔa me. ¹⁰ Me se bé wómé má lewiviwó be gómekpɔ́kpɔ́á né wó o, éyé Lewiviwó, ku hadjitɔ́ yiwó wɔna subɔsúbɔɖɔ́á, wóá dome amesiáme sidjóyi yíbé agbleme. ¹¹ Me gbenya né amegãwó gblɔ be: núkaŋ'ti mi gble Mawu bé aƒéá daɖíi? Éyé mebɔ Lewiviwó ku hadjitɔ́wó éyé metrɔ́ cɔ́wó da wóbé dɔwótepé. ¹² Eye Yuda dukɔ́a kpátá cɔ bli, weĩ ku ami le núwóliawó vá ɖa núwláƒexɔwó me. ¹³ Me cɔ nuwláƒexɔwó djikpɔ́kpɔ́á ɖe así né nunɔla ɖe asi né nunɔla selmya ku wómáŋlɔtɔ́ Zadok gbaku Peɖaya, Lewiviwó dometɔ ɖeká, éyé me cɔ Matanya bé vi Zakur bé vi xanan kpe le wóŋtí, ɖóá núteƒéwɔtɔ́wó wónyi. Wó de dɔ asi néwó bé wóánɔ nú máŋ́ né wó nɔviwó. ¹⁴ Óo Mawu nye, le númá ŋ́tíá ɖo ŋkú djinye éyé ŋgba ŋlɔ bé lɔlɔ̃dɔ yiwo me wɔ le Mawu nye be aƒéame ku núyiwó wóá lebena o. ¹⁵ Le gamámea, me kpɔ Yudatɔ́wó le weĩ fiɔ̃ŋ, wó lɔ lubábláwó yi aféme, wó cɔ weĩ, weĩcécé ku gbotícécé gbaku nú vovowó do agba ne te gjíwó cɔ́wó yi Yeruzalem le Sabat bé ŋkeke dji. ¹⁶ Tirotɔ́ yiwó cã le Yeruzalem dua mea cã cɔ tɔmelã ku adjɔnú vovowó éyé wó le wósam ne Yudaviwó le Yeruzalɛm dua me le Sabat be ŋkeke dji. ¹⁷ Me gbé égbɔ́ ne Yuda be amegãwó gblɔ bé: Núkaé nyiémá wɔŋ́ mile le vlódóŋ́ Sabat be ŋkekea? ¹⁸ Mé nyi miatɔtɔ́wó bé agbenɔnɔ máwoé nabé míá Mawu hẽ djɔgbevɔ̃wó vá mí ku duya dji o oa? Eye mia wó cã migbale Mawu bé djikú heŋ́ vá Izraɛl dji, éyi mile vlódóŋ Sabat be ŋkekea. ¹⁹ Éyé me ɖegbe bé né vivici ɖóá wó nè tú Yeruzalem bé vɔtrúwó cáƒéé Sabat bé ŋkékea né vá, éyé né Sabat be ŋkekea váyi vɔa, wóné trɔ́ vu wó. Éyé me cɔ dɔcɔ́vi nye ɖéwó ɖe vɔtrúáwó nu bé né wóa xemɔ́ né agbawó bé xɔame ɖóɖó. ²⁰ Asisatɔwó ku nú vovovo satɔ́wó ci Yerusalem góɖó zã ɖeká aló eve. ²¹ Me ná wó tóklã be: núkaŋti mile kpá ŋkɔ cim le dɔdɔ́m? Né mi gbawɔɛ kea me le mia légbé. Co gamáme djia, wómé gbavá ciná gémá dɔna le Sabat ŋkeke dji ó. ²² Meɖóné Lewiviwo bé wóakɔ wóɖokoéwó ŋti éyé wónévá nɔ agbóáwó nú djɔŋ bé ne wóá wɔ Sabat ŋkekea kɔkɔɛ. Óo Mawu nye, le émá ŋtíá ɖoŋkú djinye éyé ná kpɔ tánye le núbláyĩ kpɔ́kpɔ́ gã wɔa nu. ²³ Le gaƒaƒomá ké mea mekpɔ yuɖatɔ́ yiwó ɖe asɖoɖi nyɔ́núwó, amon nyɔ́núwó, moabi nyɔ́núwó. ²⁴ Wó bé viwó bé mámáme ɖóná asɖoɖ-gbe ku gbe búwó vɔa wómése Yuda-gbe o. ²⁵ Me gbe nya gbɔ́ néwó, me ƒofide wó, me ƒo ameɖéwó, me nyɔ ɖa né wó éyé me ná bé wó tanú le mawu be nyíkɔ́ me gblɔ be: Mi me gbale miabé vinyɔ́núviwó cɔ́gbe áná wóbé viŋtuviwó wóáɖe o éyé mi mele wóbé vínyɔ́núvíwó ɖe gbé né miabé viŋútúwó aló né mia wóŋtɔ́ o. ²⁶ Mé nyi núvɔ̃ má yé Izrael fiɔ Salomon wɔ oa? Le dukɔ́ sugbɔ mea efiɔ ɖékpé méle sigbe salomon ené ó. Mawu lɔ yibé nyagbɔ́ éyé be ɖoé fiɔ le Israel dua kpátá dji, gakéá duta nyɔ́núwó kplɔɛ dje núvɔ̃ me. ²⁷ Ɖéé wóáse co mia ŋti fifia bé miawó cã mile hlɔ̃nú gã má wɔŋ, le dutanyɔ́nuwo ɖeŋ, le agɔdjeŋ le mia Mawu djia? ²⁸ Eliasib, vɔsátɔ́ gã bé vi Yoyada bé viwó dometɔ ɖeká nyi Horoniatɔ́ sanbalat be tó me nyaɛ djóɖá le gbɔnye. ²⁹ Óo Mawu nye, ɖoŋkú wó dji, ɖóa wó ƒoɖi nunɔlányínyia ku vɔsátɔ́wó ku Lewiviwó bé nubáblá. ³⁰ Me ɖe amedjrówó kpátá ɖá le wódome éyé me trɔ́ ɖo vɔsáláwo ku lewiviwó bé ɖoɖó yi dji wóázɔ ³¹ le wóbé dɔ́á me anyi gbaku éyi ne kã nákéé náná ku núgbãtɔwo náná le wóbé game dji. Óo Mawu nye, ɖoŋku djinye núbláyĩ kpɔ́kpɔ́tɔe.