¹ Mikpɔ ameyio me dasi se yi Nehemia, yi dukplɔla yi nyi xaxalya me vi. ² Seraya, Azarya, Yeremya, ³ Paxur, Amarya, Malkiya, ⁴ Xatus, Sebanya, Malux, ⁵ Xarim, Meremot, Obadya, ⁶ Daniel, Gineton, Barux, ⁷ Mesulam, Abiya, Miyamin, ⁸ Maazya, Bilgai ku Semaya, woawoe nyi nunɔlawo. ⁹ Levi viwo: Yesua Azanya vi, Binui yi co Xenaɖaɖ viŋucuwo dome ku Kadmiel, ¹⁰ Wo toto bubuwoe nyi: Sebanya, Holiya, Kelita, Pelaya, Xanan, ¹¹ Mixa, Reob, Xasabya, ¹² Sekur, Serebya, Sebanya, ¹³ Hodiya, Beni ku Beninu, ¹⁴ Dukɔa me Tatɔwo: Pereos, Paxat-Moab, Elam, Zatu, Bani. ¹⁵ Buni, Azgad, Bebai, ¹⁶ Adoniya, Bigevai, Adin, ¹⁷ Ater, Xizkiya, Azur, ¹⁸ Xodiya, Xasum, Bezai, ¹⁹ Xarif, Anatot, Nebai, ²⁰ Magpios, Mesulam, Xezir, ²¹ Mesezabeel, Zadok, Yaɖua, ²² Pelatya, Xanan, Anaya, ²³ Hosea, Xananya, Xasub, ²⁴ Xaloxes, Pilxa, Sobek, ²⁵ Rexum, Xasalna, Maaseya, ²⁶ Axiya, Xanan, Anan, ²⁷ Malux, Xarim ku Baana. ²⁸ Dukɔmetɔ kpɔtoewo, nunɔlawo, Levi viwo, agbonudzɔlawo, hadzilawo, gbedoxɔ me dɔwɔlawo ku ame yiwo kpata ɖe wo ɖokui ɖa co dukɔ bubuwo me tɔ yiwo va le miame anyigba dzi dome le Mawu me sea dzi, miawo ŋutɔ, mia srɔ̃wo ku mia vi ŋutu gbaku mia vi nyɔnu yiwo ne ci ate ŋu ase nu yi gblɔm mile gɔme ko. ²⁹ Mikpe le mia nɔvi dukɔa me bubumewo ŋu eye mile atam kam be miazɔ le Mawu be se yi wòɖo to yime ɖola Mose dzi la nu, be mialé Aƒetɔ, mia Aƒetɔ me sewo kpata, kɔnuwo ku ɖoɖowo me le asi, eye miawɔ wo dzi. Ne mitu atam ya, fiƒaɖe neva mia dzi. ³⁰ Miacɔ mia vi nyɔnuwo ana anyigbaa dzi tɔwo vi ŋutuwo woaɖe o eye miaɖe wo vi nyɔnuwo na mia viŋutuwo o. ³¹ Ne anyigbaa dzi tɔwo cɔ wome adzɔnuwo alo agblemenukuwo va le azan ŋkeke dzi alo ŋkeke kɔkɔe ɖe dzi be yewoa sɛɛ, miaƒle wo o. Le ƒe adrelia ya me ƒe adrelia mea, miade agble o, eye ne miabe ƒe le ame ɖe ŋutia, miacɔe akee. ³² Micɔ ɖo mia ɖokui dzi ca be ƒea, mia dome, ame sia ame ladzɔ sika gam atɔ̃ be woacɔ ga yi miakpɔ to nudzɔdzɔ yamea mia cɔ nɔ wɔ nu yiwo la hiã na mia be subɔsubɔwo le Mawu be aƒeme. ³³ Nuyawo be ɖewoe nyi: vɔsabolo, gbe sia gbe nuɖuɖuvɔsa, gbe sia gbe numemevɔsa, dzidzɔgbewo, dzinu yeye vɔsawo, nu kɔkɔewo ku vɔsa hena Israel be nuvɔ̃wo ɖeɖeɖa gbaku mia be Mawu be afea ŋudɔwo kpataa. ³⁴ Nenema ke mia nunɔlawo, levi viwo ku dukɔ hahaa midzidzi nu le nakenana dzi be Israel be to vovovowo nanɔ ecɔcɔ va mia be Mawu be aƒea me ɖɔlim le wo nɔewo dome ƒe sia ƒe. Woanɔ ecɔ va le gaƒoƒo yiwo wo ɖoɖi dzi be woacɔe anɔ dzo dom le Aƒetɔ, mia Mawu ƒe vɔsam lekpui dzi sigbe leke woŋlɔe ɖi le sea me nene. ³⁵ Micɔe ɖo mia ɖokui dzi cɔ̃ be ƒe sia ƒea, miacɔ miabe agbleme nuku gbãtɔwo ku miabe atikucécé gbãtɔwo ava Aƒetɔ be aƒea me. ³⁶ Miacɔ mia vi ŋutu ŋkɔgbeviwo ku miabe aƒe melãwo: nyiwo, alẽwo ku gbɔ̃wo be vi gbãtɔwo ava na nunɔla yiwo le subɔsubɔdɔ wɔm le mia me Mawu be aƒea me sigbe leke woŋlɔe le sea me nene. ³⁷ Nenema ke miacɔ amɔwɔ gbãtɔwo, miabe nudzɔdzɔ gbãtɔ, miabe atikucece ɖe sia ɖe be cece gbãtɔ, miabe aha ku miabe ami gbãtɔwo ava na nunɔlawo le mia me Mawu be aƒea me. Miadzɔ miabe agbleme nukuwo be akpa ewolia na Levi viwo, ame yiwo dzɔna nuwo be akpa ewolia le miabe agbeɖeduwo mea. ³⁸ Ne Lewi viwo le nu ewolia dzɔma, edzebe nunɔla ɖe yi nyi Aron be dzidzimevia nenɔ wo ŋuti. Lewi viwo acɔ nu ewolia yiwo wodzɔa be ƒuƒoƒo be akpa ewolia ayi nudzraɖoƒexɔwo me le mia Mawu be aƒea me. ³⁹ Xɔ yiawo mee Israel dukɔmeviwo ku Lewi viwo acɔ nuku, aha ku ami yiwo wodzɔa ayii xɔ yiawo mee gbeɖoxɔa me tikunu ku agba vovovoawo nɔna. Teƒema kee nunɔla yiwo le subɔsubɔdɔ wɔm ku agbonudzɔlawo gaku hadzilawo cã nɔna. Nuawo ne yi leka be mima gblɛ̃ mia be Mawu be aƒea ɖi xe aɖekeyi o.