¹ Yinin yanpaanŋ k tu kaagbennu! K l maa u tun yaalituk tuonna. U diitu nuu nba tie ŋant nuu na baal nan sonmil. ² Kaagbennu fiit u tinnu k wann u yiiko niib nunm ni. ³ U dia u mɔsonn nba kla din senn k tul Islael tieb na nan u mɔmɔn nan u laonciɔnŋ nba k u tulib Nisaali nba be sial kul po la yennu nyannu nawa. ⁴ Yinin palmann yanŋ k tul kagbennu, i kul nba tie tingbounŋ na niib: luotl i palmann kii yiin. ⁵ Yini dontil yanii k tul kaagbennu faan kɔnn k yin yanŋ k tulua. ⁶ Pebin naatuna nan yina k huot nan kpinkpanmuk k tul kaagbennu ŋuae e tie kpanbal. ⁷ Mɔk gbenŋa nan linba be lenŋ kul, ii fuu man tingbounŋ nan linba be lenŋ kul ii yiin man. ⁸ Mɔka, ii poi niipuot yinm kunkona, ii taan kii yiin palmaasil yanii kaagbennu tuann. ⁹ Kaagbennu tuann k maan u baate a wun bu niib buut u saa bu dulnya nan mɔmɔnm nan ŋante.