¹ Kaagbenu (yennu) e tie kpanbal: tinŋi mɔk palpienn, mɔkgbeŋaa nba kul be i kpanm man! ² Sanpagbent nan bunbociɔn lint'ɔ waa, balmɔni nan binbeŋanŋe dia u naan yent. ³ Mupiennu sonm u tuonn po, k dii u datai nba lintl'ɔ na. ⁴ U sanyikinti tuu yent tingbonŋ kul po, k tinŋ n la k jekl; ⁵ Juafɔt tuu nanne nan kpan na, kaagbennu nba tie tinŋ na kul yonmdaanɔ na tuan. ⁶ Sanpaak mɔntl u ŋant, k tingbonŋ niib kul laat u yiikuo nba tie bian nba. ⁷ Bin nba jiatl tingbana nan pata k dont b mɔnŋ tuu tan di feie, k b yenbis manŋ kul gbaan yennu tuann k jiantɔ. ⁸ Siɔn niib gbat k mɔk palpienn, suuda bonpoii mɔk kpinkpanmuk, k maan a buut pak, oo kaagbennu! ⁹ K maan fin yennu, a tie yenjaanne, a yuudant gal yenbis kul. ¹⁰ Yinm nba luon kaagbennu na, i yiisinman bonbil na! K maan yennu guu u niŋanm na sei; k bia nyint'b nitont na nii ni. ¹¹ Yentu tuu yent niŋanm na pake, k palmaasl be danm nba pala tok na pak. ¹² Niŋanm kuli kpanm man kaagbennu tuann, kii dotl'ɔ nan yani u ŋant pa!