¹ N niib gbiintl n tuntl ! Caant man tubl k gbiint n mɔb ni maan. ² N yaat n mɔb yin baljok k piak sian-yuo balkpeli. ³ Linba k t gbat, taa ban linba, t baa ba nba ŋanm paak tinm linba. ⁴ T kan kpann b waas k ŋanm paak b yaabuona nba waa kagbennu donta nan u panŋ nan baktnaɔnŋ tuona nba k u tun. ⁵ U jii Jacb k tien siala, k senn sonnu Islael duo ni, k wann t baa nba bin wann t waas. ⁶ A b yaabuona nba waa n bann senni manŋ, b saa mal bonjai k bin set k bia wann b waas. ⁷ B sii duu Yennu paak, b kan tanm Yennu tuona po. B sii cɔli u senni. ⁸ B tan ki tie nan b baa nba na, k tie kangbata nan mɔyetdanm, B tan ki tie yaabuona nba ki duu Yennu paak k b dudukt k taa nan Yennu nba yaa linba. ⁹ Eflaim waas nba mɔk jatiat k bia kɔn nan talban , tan kan taaan b po kunkɔnn daal. ¹⁰ B tan ki dia Yennu lol, k bia tan ki cɔln Yennu senni. ¹¹ B saa tanm u tuongbanŋaa po nan u bakitnauɔnŋ tuona nba k u din tun k b la. ¹² B baa nba tuann u din tun bakitinauɔnŋ tuona. Ejipt duo ni nan digbanbis ni bɔkt. ¹³ U nyun k te k b puot, k te k nyun taan puon. ¹⁴ K Jii'b saa nanm k be b tuann k tie munyuut Yennu ni. K nyiɔk k u be b tuann k tie mupienu. ¹⁵ K ŋakt tampiit paanpieunŋ ni, k tul'b nyun k tɔ nyunkpanak b nyu. ¹⁶ U din te k nyun nyi tampiit ni k puub. K te k nun manŋ tie nan mɔka na. ¹⁷ ŋaan b bia din tuu tun biilɔ e, k mɔk mɔyetuk nan yenjaann paanpieeunŋ ni. ¹⁸ B din bikn Yennu b pala ni k boi jiet po baa luon bannu nba. ¹⁹ B din tuu paak k biil Yennu. B din yien a: Yennu saa fit k tul tinm jiet paanpieunŋ ni ii? ²⁰ ŋanne k u faa tampiiuk, k nyun nyiin, k nyunkpana yat puub . U saa fit tul u niib paanu ko nanti'ii? ²¹ K Yonmdaanɔ gbat k u wutuol do, k u juo muu nba saa di Jacob. K u wutuol do Islael paak. ²² K maan b din tien Yennu yada. K maan b din k duu u fielu paak. ²³ U din tul sanpaapo sanpagbana mɔb . K luot sanpaak tamɔi. ²⁴ K u te k maan baa k tie b jiet, k te yuo nba k b yaable k nyii saanpapo k baa. ²⁵ K sua kul dii Saakɔb kpanu kul. K u tul'b jiet k b gbuo. ²⁶ U te k wonŋ nyii puol k daa, u panŋ ninŋ k u te wonŋ nyii ganŋ po k baal. ²⁸ U te k nant nyii sanpaapo k baa nan tanbiini na, nan mɔka paak tanbiini na k nuani baa nan kobt . ²⁷ K u te k b baa b kani sunsuuk ni , k baa k lint b binbe buol. ²⁹ K b dii k gbuo. Yennu din baal nan baa luon linba k tul'b . ³⁰ L bia din k janŋ'b , jiet daa din be k mɔi ninŋe. ³¹ K Yennu wutuol nba din dob paak; yuo nba k u kpii binba din kaki. K kpii Islael naasinm,. ³² Nan l kul na, k b bia tuon biit, k k tien bakitnaɔnŋ tuona yada. ³³ K u din te k b kpo yann k b bina tie jaŋmani bina. ³⁴ Waas din tuu ya wun kpi'b yuo nba , b din kpaanɔ e, b din tuu tun jen e k kpaan Yennu. ³⁵ B din tuu tiat nan Yennu e tie b tanpiuk, nan yenjaanne tie fietua. ³⁶ ŋaan b din tuu luon b jii b maan e k kpannɔ; k pan tanpant k tienɔ. ³⁷ B din k duu u paak, b bia din k waa lol sennu. ³⁸ ŋua ŋanin nba mɔk suklu na, u din tuu nyiikt-cabt b biit e , k k buotl'b. ³⁹ U din tuu tiatl nan b tie gbanant e siek nba saa k k jient. ⁴⁰ L paak k b din tuu yien u maan paanpieunŋ ni. ⁴¹ K bia din tuu ŋmaat piin k biki Yennu , k kpaan Islael Yennu maan. ⁴² B din k tien u panŋ po, k boi daal nba k b din tuu nyinni'b b dataak nuu ni. ⁴³ K boi nyina nba ku din tien Ejipt duo ni. K boi baktnaɔnŋ tuona nba k Tsan muok ni. ⁴⁴ U din kpint b mɔkl nba tie nyun k l kpaant sɔn. K b k fit nyu l nyun. ⁴⁵ U din te k binba lebi nan juut'b nan pɔnta k bi kpi'b . ⁴⁶ U din te k Nasuut biil ba kuo linba , k lankpant ŋman baa baak k kuo linba. ⁴⁷ U din te b kpaant nba k yi fiiny na kuol, k bia te nuyuntana kpii b tiini nba k b yi sikomɔl na. ⁴⁸ U din te b sakaangbenŋa kpii b bonkobt, k saa tian bonkobt buolu buolu. ⁴⁹ U din donn u wutogbenŋil b paak nan ninmɔnn, nan waatuk nan pal biil b paak. ⁵⁰ U din te k u wutuol do, u din k te k kuun lɔkt b sei , u din te k nikuuk baa b paak. ⁵¹ U din te k ejipt wa sinsina kpo, Sam buolu ni ŋei. ⁵² U din te k niib yat nan bonkbt na e, u saan nan'm nan bonkobt na paanpieunŋ ni. ⁵³ U din ŋmaktl'b k guuib, k jaŋmaani k mɔk'b k nyun ŋmat piin b datai paak. ⁵⁴ U din jiib k saan nan'm doŋanu kpaal paak k saan nan'm jual nba k u niditu yent na po. ⁵⁵ U din bel digbana b tuann. K jii ŋmiiuk k biit tini. K te Islael tieb buolu buolu maa b ŋei b duo ni. ⁵⁶ ŋaan b bia biki yenjaann, k yet u maan , k yet u naan, k cɔln u senni. ⁵⁷ B din fɔkt nan Yennu, k ji kuat b lieb , nan b baa nba na. B ji din tie nan talbann nba k ŋan na e. ⁵⁸ B din dont Yennu wutuol baa mann pata jual paak na, b din te k Yennu wutuol do ciceli paak. ⁵⁹ K Yennu gbat k u wutuol duo.U yan din nyi Islael tieb ni k u yet'b . ⁶⁰ U din nyiik Siilo ŋaak ŋaak nba k ŋua nan niib din nbe na. ⁶¹ K u te k b suol niib u panŋ ni, k u niŋanm be datai nuu ni. ⁶² K te k b kpii u niib k u wutuol do, u wutuol din do u faal paak. ⁶³ Muu din di u naasinm. K u sapaanmuna k la dontl. ⁶⁴ B din kpii u manntieb na nan u jukbanjiak, k pakɔi din k mɔ. ⁶⁵ K yonmdaanɔ din fiil nan wun tuu guan na, nan pandanɔ nba tuu yib na. ⁶⁶ K faa u dayai tɔb k nyinni'b, k dinn'b fei nba kaagbennu. ⁶⁷ ŋaan pal biil din be Josef paak, u din k taan Eflaim buolu po. ⁶⁸ U din taan Juda buolu po e, k maan u din luon Siiɔn Jual. ⁶⁹ U din maa u yenjiant buol k l tie linba be paapo, k l tie nan tinŋ nba k u nan yuo nba kaagbennu na. ⁷⁰ U din gann Dafid k u tie u tuontunnɔ, u din nyinn'ɔ bonkob-kpaaluu nie. ⁷¹ U din jii'u k u nyik benaanmati e. A wun kpaal Jacob buolu nba tie u niib Islael k tie u faaal . ⁷² K Dafid kpaal'b nan palpienn, k kpaal'b k bia ŋmaktl'b faanua.