¹ Yaŋ nyiiɔ sakuo nba dia tuotutiat k l somintua. ² Yennu baanu be Juda yent-ni k u sann la dontil Islael. ³ K a ŋaak be Salem , k u binbebuol be sion. ⁴ N yennu nyiintin nuanbiit damm nuu ni k bia nyinnin nituont na tuobiil damm paŋ ni. ⁵ Kimaan a nie k n muat dindann, kimongbennu n yuomdaanɔ, k tiena yada, taa nyii n niipaanŋ ni waa. ⁶ Laa nyii n naa puol niŋa ni be a paake, fine nyinnin n maalu ni, n sii tun piak a sanne. ⁷ N manfuol tie nyinne ki tul niib bonciann. Kimaan a guun fanu. ⁸ N sii dontila daa kul ki muatil a yaanbint. ⁹ A daa yeenin muatane ki yaa a n kpeta. ¹⁰ Kimaan n datai luon bin kpinme, bin luolin a bin biilime. ¹¹ Ki yien a yennu nyikuawa, ŋaant k tin weiɔ ki suoluo, kimaan sua ji kaa k saa fatua. O yennu a daa fuokitil nanimi yennu baat yian k tan sommin. ¹² A te k bin kpankin fei ni, ninba luon bin biilin na n di fei k buont.