¹ Daffiit e yin yanŋ nan k tul yan-yinna saakua . ² yennu ii fiit u daatai tuu yat , k u daatai n cial yaat. ³ Nan nunyuut nba tuu yant bannu nba na , a tuu yant'b nnae , nan kpan nba tuu nan'n mmu paak bann nba, tondanm tuu bot nna a tuann . ⁴ ŋaan niŋann ŋannin tuu be palpienn ninŋ e , k mɔk nyunnu yennu tuann , k mɔk kpinkpanmuk . ⁵ Iii yiin yani man kii dont yennu , ii dont u sann man ! buat man sanu , k tul wun nba baat , baat man sonu baat ni , k tul'ɔ . ⁶ ŋua e tie kpiebi baa , ŋua e kɔn pakɔi paak , ŋua e tie yennu u ŋaŋanŋ ninŋ , ⁷ Bin nba k b lub na , yennu tien 'm ŋai u luotl dansali , k tien'm palpienn kangbate kua e be sian nba paal . ⁸ O yennu ! faa din nyii a niib tuam yuo nba k a din sonm paanpiennŋ ni . ⁹ K a te k saak baa , o yennu ! a saa tul a faal nba biil na panŋ . ¹⁰ A niib saa maa duo nba nio , K a manu ni , k na din bɔbŋ k guun talat danm , o yennu ! ¹¹ Yonmdaanɔ , tuu maat maan e , k labamann muant tieb tie sojanm nba yaab . ¹² k kpanbaala tiin k tiin k din nba bial ŋaak ni nna bɔktl faal ni na . ¹³ Yuo nba k i kal naakuuk sinsiik ni na,ŋmann kpinkpant paak Mikli tien k u kobt nan salma na ¹⁴ yuo nba k yiikuo kul daanɔ yat kpanbala b doi ni , tinŋ ji penn nan tsalmɔn nyuntana na . ¹⁵ yennu jua , baasan jual nba mɔk kunkona nba yab Basan jual . ¹⁶ Bia paak e , juaa nba kunkona yab na , k i nan jual nba k yennu luon k lii tie u ŋaak i ? Yonmdaanɔ kan tien u ŋaak nba kaagbennu waa . ¹⁷ Kaagbennu tab loa yab bonciann , k kann , tuta piinlele tasa bonciann , k yonmdaanɔ be b sinsuuk ni , Sinai jual tie yennu binbebuol e . ¹⁸ a duo sanpaapo , sanpaapo , k kangbata mun sii bia sii kpia nan kaagbennu yennu e . ¹⁹ Yet ŋanm ii be yonmdaanɔ paak daal kul . Li tie k b mab tinm , yenmi nyint tinm l ninŋ . ²⁰ Tinm yaa buol ni , yennu tie yennu nba nyint tinm l ninŋ e . k kaagbennu yonmdaanɔ saa kɔn t paak buol . ²¹ mɔni , yennu saa mat u datai yula n, k mat , binba kul be biit na yula . ²² Yonmdaan,o yet a : n saa nyinn b Baasan , k jen nan'm , n saa nyinn'b mɔkl ninŋ k jen nan'm . ²³ A , a taal n set sɔn ni , k a bɔi n lenn a daatai sɔn . ²⁴ B nyuan a sonml , o yennu ! b nyuann n yennu sonml . N yonmdaanɔ sonml u ŋaak ni . ²⁵ K yan yinna lii , k bonmumudanm waa , bonpoi nba faa ginpana sinsuuk ni . ²⁶ Dont man yennu sann , i tintaana ni . Islael yaabuona, dont yonmdaanɔ . ²⁷ L buol e, k binsaamin nba juont na be , k mɔk yiikuo b paak . suuda kpanbala nan b niib . Saabulɔn kpanbala , nan Neftaati kpanbala . ²⁸ A yennu yaa fii mɔk panŋ, o yennu te k faa tien linba tul't, nii mɔk paanŋ ? ²⁹ A kal a ŋasaakak ninŋ , ŋaan dia Selusaalem . kpanbal baat nan b piini k tien a . ³⁰ A te , muuk ni bonkobuk n tin a jaŋmani . Naajai nan niib naabit , nan likli nba k b aia jiantl na , yatl niib nba kɔn nan 'a na . ³¹ Nigbenŋa nyi Ejipt duoni , k etiopi tieb tiin ii yennu . ³² Tingbounŋ duo kul ii yiin yennu yani , k dont man yonmdaanɔ . Ii yin man yani kii dont wun nba nyi sanpaapo k baat . ³³ U be sanpaak nba kaagbennu na ni , k te , k t gbia u kunkɔl , u kunkɔl nba mɔk panŋ . ³⁴ Dont man yennu . u yudant be Islael paak , k u panŋ be saapaapo . ³⁵ O yennu ! a kal a ŋaak ni e waa , ŋaan mɔk panŋ . Islael yennu tien u niib panŋ nan yiikuo , yennu sanm n baal dont'l .