² Tingbouŋ na niib kul n pak yennu. Kii yikin nan kpinkpammuk. ¹ Ki yin yaŋ k baakit u sann, k tulua dontil nan baakil. ³ K yet yennu a, toona nba k a tuun na tien bakitnaaŋ. A paŋ yab bonciann. K l te k a datai n gbaa a tuann nan jaŋmaanii. ⁴ Sua kul nba be tingbouŋ na ni saa gbaa k jiantila. B yiin yanii ki dontila. B yiin yanii k dontil a sann. ⁵ Baat man k tan got linba k yennu tun u tuun bakitnauŋ toona, nisaalik yaa paak. ⁶ U te ki muagbenŋil kpant tinkooŋ k te yiijamm sommtinŋ maŋ ni k poat. ŋannie k t ji kpaamm waa tun nne maŋ. ⁷ Yennu-e dia duninya nan u panŋ, k u ninbina golii digbana kuula, muoyedamm daa fit k tookitua. ⁸ Digbana niib kul n pak yennu man, ii ŋaan k niib n gbat i dontil fuul. ⁹ U te k t naalinŋ nuak maafuol ki guut k t taan k gbiatil baa. ¹⁰ Yennu, fine bikint na, a bikint nan saauk daanɔ nba tuu pul kut bianŋinba ne-e. ¹¹ A te k sik ciicaknni k bia nyakin jik kpiasil k nyaakin tii sienni. ¹² K te k niibiit doo ti yuula paak. K tii somm k gaal muu na nyunmɔna ni. Muatane a baal nant siamiba ki manu bewa. ¹³ N saa baal nan mujuonu piinii a ŋaak ni, n saa tula linba ki n senn mɔsonn nan n saa tula ne. ¹⁴ Maa bo be daamii ni k sat mɔb nan n saa tula piinii nba ne, see ki n tula. ¹⁵ N saa baal nan pei ki lin juo muu a malunŋ binbintl ne paak. N saa baal nan najai nan buunii k mann malunŋ, k lin munyuuku saa do sanpagbouŋ ni. ¹⁶ Baat man k gbiint yimm nba tiin yennu jaŋmaamii ne, ki n saa beti waa tun linba k tulin. ¹⁷ N nyinkin k bia fabin sommil po k duontilɔ nan yanii. ¹⁸ Mii buo k fiit n yambɔmm yennu buo kan gbiint n mialuo k tulmii. ¹⁹ Ŋan yennu gbat k tulima k bia gbiint n mialuowa. ²⁰ Yennu sann n la duontil kimm u k yet n mialuo. U bia k yet wuntulin ŋaantii.