¹ yennu, li ŋan k tin dont a sann, seelu salem dooninŋ t saa gbien t pooti. ² Fin, a gbiin t miati boona kul saa fit naakin a buol. ³ N biit mɔk panŋ k paalin, ŋaan fin, a nyik caabibe. ⁴ U be paal mann ninŋe, wunba ka lukitua, u saa fit kua a buol. ŋaakiniŋ mɔkin, kasi bona nba be jantidukniŋ tie t ŋante. ⁵ Yennu t tinntua, a gbin t miati, a yaalutuk tuonŋananinŋ. Niib nba be tingbɔnŋ na paak, nan binba be mokgbenŋaa puotil, ban-fuakaa na du a paake ⁶ Pine biil juajaana nan a panŋ k wann a ya bint panŋ nba tie bian ŋinba . ⁷ Mɔka nyun pana nba fi biaŋinba, ŋaan fine tie ki li baŋŋit, ki fit so nyunpana fuur . Niib i sie jat paak, fine fit sikint bi wutua. ⁸ Durinya niib kul mɔk jaŋmaanii, tuangbenŋa nba k a tun na paak, k tuona nba k a tun na tie parpienn be tingbouŋ na kut po. ⁹ A gorii tinŋ fanu, ki te saak baa, A te k l ŋan, ki kpai. Ki a gbien bi kpennii nyun k te tiŋ na naan jiet. ¹⁰ A te saak baa yuo kul kpaant ninŋ k nyun borikit tinŋ na. A te sam mmiiuk baa ki maant tinŋ ki te bonbuburit kul pia. ¹¹ K a te jiet naan binn kul ninŋ, k tii saan siaminba kul, ki jiet be li kul po. ¹² K bonkobit kpinkpaaar buol gbie nan bonkobit. K kunkona na gbie nan palpienn. ¹³ K bonkob-kpaaŋ na gbie nan pei k baat na mun gbie nan jiet k bona kul kpamm k yiin yanii nan palpienn.