¹ Daafiit yannii , yuo nba k u din be sudaa tinkuonŋ ninŋ na . ² O Yennu , a tee n yennu e , n kpaan nae ; n siek mɔk a niɔŋ , k n gbanant banŋ a paak , tinŋ nba kuol , k ynun kaa lenŋ na ninŋ . ³ N nae k n saa dont aa sann a ŋaak nin , k laa panŋ nan yudant na . ⁴ N sii yiin a dont l yanii k tienna : k l maan a ŋant yab k gal manfuo la . ⁵ N manfuol kul ninŋ , n sii dont n nii e k dontl a sann . ⁶ N siek saa di jiŋant k gbuo , k n mob sa yin palmann yanii k dont a sann . ⁷ Nyiɔk kul mii dua n duonu paak , n tuu tiat apoe k piak a sann . ⁸ N tuu be palmann ninŋ e k maan a tie u guut u ɔe , k n be a kpinkpant ninŋ . ⁹ A nuudiit u tuu diame k n siek gaa nann aa . ¹⁰ nan niib nba luon bin nyin n miaal na , b saa sik tinpuol ninŋe ;B saa kpib tɔb ninŋ e , k kinkataa saa jiib tien b jiet . ¹¹ K kpanbal sii kpan yennu tuann , k binba puol moii u sann nin saa dontɔ ; k binba fa faɔk na saa pɔbin b moii kii ŋmin