¹ N nalinŋ be yennu-me k ŋmin, k n faabu nyi u ni. ² Ŋɔɔe tie n fabu tanpiuk, nan n gutitua k n kanmikba. ³ II saa lek jua linwei ye waa ? ii kul kpaan'a yin kpiue ? Nan juonkpioŋ nba gbien a linba a na ? ⁴ B taan a bin tuti tuuwe wa sie nan paak k piak dontɔ ŋaan gbie nan nanŋ bi palani. ⁵ N nalinŋ, ŋminin yennu nintualini k maan ma gu linba nyi u boole. ⁶ Finne tie fatibɔ nan faabu tanpiuk, n kan mikba. ⁷ Faabu nanin yudant be yennu buole, tanpiuk nba tienin panŋ nan bunbɔiibuol be yennu nie. ⁸ Yennu buolu, tient ii mɔnŋ man u ni yokul, tuntlii palaa u binbenŋ ni ! yennu tie t bunbɔlibole. ⁹ Adanm waat tie manfol danme ! k nifosalik waat tie faɔk danm ! B sa kpien b kul ciluninŋ, k b fuki gaal wonŋ nba k b footil. ¹⁰ Da kɔant ii mɔnŋ binba sa mabinii ni, bia da waa dindann nba ka niini, Mɔkitukuu puki, a da waant a yant ninŋ. ¹¹ Yennu din pak yonme, k n gbat atalimun lie a: Panŋ na tie yennu yale. ¹² Fin ne tie ninbatinnɔ, yonmdanɔ !