¹ Dafit mial yomdanɔ yani ni k tie yanyinna kpanbala. ² Yuo nba k tɔb baal sili tieb paak mesopotami duomi ŋan soba tieb paak k sɔb jen k tan kpii Edom sajem tu sa piik nan ŋanle. ³ N yennu a te k t yat-yata, a wutuol duo wa. ŋaan a ŋann k tul t fielu. ⁴ A te k tinŋ jeka k paat : ŋanmit u fiat manŋ k maan u ji k be fanu. ⁵ A te k a niib dii fala boncian, a te k t nyuu damunŋ nba yib. ⁶ A tien niib nba baakita na kpaani, a bin tan duo b balmoni paak. ⁷ K lin te binnba k a luom na n la woluku nyintit nan a nuu diitu, k bia gaal t ⁸ Yennu nba tie ŋant danua yet a, n saa jii nyannu k bɔkit sisem, k janɔ sukot baauk na. ⁹ Galaat nan manase yent tie n yale Eflaim yent tie n yul fokilik, k Juda yen tie n danmil ¹⁰ N saa jii moab duo k li tie tatilaak nba kin sii wuul lenŋ, k sii yikim palma wuyikini nan ma nyann filisti yent na paak. ¹¹ ŋmec saa jiin k saan nanin Edom duo ni? ŋmec saa jiin k saan nanin digbangbu ŋa na ni? ¹² Fin kaa, n yennu a set yetite? A ji k be nan t kunkɔnkɔnna.