¹ Yennu, nyuntin n datai nuu niŋ gɔɔt datai nba fiir n paak na. ² Nyintin toobiit damm boor, ki tinnin nikpiira nuu niŋ. ³ Gotir baa dɔɔ ki guu bianŋinba, a bin kpin. ⁴ Toobiit damm tikii a bin biirin. Li ki tie a n tun yanbɔmm koo ki biir siarkaa. ⁵ Yabint daanua yennu, wunba tie Israel tieb yennu, fiit ki dat binba ki jiantir na tuba, a daa tiin toonbiit damm nin bauk. ⁶ Bi tuu tan ŋmat ki jen daajoouk, ki kua dooniŋ; ki ŋmuut nan bɔi nae kilin. ⁷ Gbiintir sukit nan mabiit nba nyi bi mɔi niŋ ki bi jerima tee nan ju k benjai na ki nyibi mɔini, ki bi dukii nan bɔɔ ki gbi baa yeen linba na. ⁸ Yennu, fin ŋarin laabe, ki sarikit binba ki jiantira maŋ. ⁹ Yennu, n mɔk parcheenn a paŋ niŋe, fine tee n gungur-boor. ¹⁰ Yennu, a daa kpibi li i tee ki a kpiib n niib saa tamm bi tub clata na poe. ¹¹ A yatib nana paŋ ki bii lin, ki fan nyannib fin yennu nba tie ti guutua. ¹² yanbomm be bi para niŋ, ki bi mɔmaan kul tie biit, ŋaant ki bi mɔi n did; kimaan bi sat mɔtont, ki bia fa fauk. ¹³ A boontib nan a wutoor, ki boontib faɔfaɔ, ki sɔɔ kur n bann tingbouŋ na kur po, nan fin yennu e dia israel tieb, kia paŋ bia yat be tingbouŋ na kur po. ¹⁴ N elatai tuu tan jen daajoouk ki kua dooniŋ, ki ŋmmut nan bɔi nae ki lin. ¹⁵ Nan bɔi nba tuu lin ki kpaan jeet biaŋinba na; ki mɔ li i tie ki bi ki dii jaŋi. ¹⁶ N saa yin yaŋ ki jiin a paŋ pe sanyiɔk niŋ kur, n saa yin yaŋ sanpaapo ki jiin a lomm nba kaa gbennu na po kimaan fine tio n gungur boor; ki tie n bunbɔrboor, yoo nba ki n be daamii niŋ. ¹⁷ N saa yin yaŋ ki dont a sann, n paŋ nyi a boore, yennu e tie n gungur boor ki tie yennu nba loonin.