¹ N pak a, n saa di mintil e nan tuonna nba kin tuun e. Ki suol n jelinn nan ma yuonna paku. N kan pak mɔbonsial yuo nba ki n kpia nan nuanbiit damm. ² N ki pak siali, n ŋmine suo nna k lek k pak nan mɔbonŋan na , ŋaan ki n fala na ŋammi yabitila. ³ N pal biil ni, n ki mii dukin nan lin ŋamm pukin ni. ⁴ Ki n ki fit nyik buboit a, Yennu n manfɔl sii fɔk nlee, n saa kpo nlee yuo e, ŋannt man bann n manfuol fɔkit. ⁵ A te ki nmanfuol ki fɔk. N manfuol fɔkint ki tie sial a buol, nisaalik manfuol ki fɔki. ⁶ Nisaalik nan yinyunŋ tie, yomm e, wa tiee linba kul tie yanne. U kpaan mɔkint kul, baan ki mi daanɔ tan saa yentil. ⁷ N mɔk dindann a ni, Yennu n jie luon bee? ⁸ Sommitin, ki min nyik yenbɔntuonna. ⁹ N ŋmine n kan pak mɔbonsiali ki man n falaa na nyii a buole e. ¹⁰ A ji daa ŋmani n tubili, n yaa man kpo nan nikula nba ka faa nee. ¹¹ Niisalik tubil nba ka daal, u biit paak na tie kpaaniie. Ki a biil linba ku luon nan dundula na balmɔni e, nisaalik tie nan wamaasin nae. ¹² Yennu gbatil n mialu ki gbat n fabinii: Mii yikin fan baal ki tan sommin. N tie samɔ e ki be a buol, nan n yejamm nba din tie na, n kan wei .(nan kuumi) . ¹³ ŋantin k n si mɔk palpienn, nan maa tan saa siet ki ji sii kaa na.