¹ Dafit yanni nba tiatl lin ba gal po. ² Kaagbennu, daal tubl li tie k n biil a, daa wantn ninmɔnn l i tie k a wutuol duo. ³ K man a pieni baa n paak, k a nuu faa'n. ⁴ Sial k b n gbanant ni k k mɔk danŋ a wutuol paak, manu kaa n kpaba ni k maan n biit paak. ⁵ K maan n biit k naan n biit kpekl fɔk'n, Daal kul l tie jik-kpiatle n paak. ⁶ N fiat puak e, k nubl, k maan n waatuk paak. ⁷ N bua k di fala k l gal'n a, daal kul n sonm palbiil ninŋ e; ⁸ K maan n siak mɔnn k gal a, sial k be n gbanant ninŋ k k mɔk danŋ. ⁹ N ji be e k kaa panŋ, k kɔnn g benn a; n kuli k maan n yan nba ŋmat na paak. ¹⁰ N yonmdaanɔ n lonm kul be a tuann e. K n k bɔl a n dudukt. ¹¹ N yan put e, k n ji k mɔ kpanŋ, k ninbina ji k nyuan. ¹² N gua nba nan n tɔk nan lieb ji k naki'n n ninbonŋ na ni. N nataani ji k nak'n. ¹³ Binba luon b kpi'n piin balte, k bin nba luon n biit suki'n. ¹⁴ K min, n tie nan tuukpal na, k k gbia n tie nan muuk na e, k k pak. ¹⁵ N tie nan nilɔ nba k gbia na, k tie nan nilɔ nba k majiinkan kaa u mɔb ni na. ¹⁶ Fin, kaagbennu, n guu fin e, fin e saa jiin, n yonmdaanɔ yennu. ¹⁷ K maan n yaa, a daa te k b pala man n binbenŋ paak k b daa fi k kɔn nan'n l i tie taa jekl. ¹⁸ K maan n ji k fɔk nan baak ! k n yialu be n tuann. ¹⁹ K maan n bann n biit a, n be yanputuk ninŋ n biit paak e. ²⁰ K n datai mɔk manfuol k bia mɔk panŋ, k bin nba waan kaat yab bonciann. ²¹ K bin nba jiit n ŋanm k jiint'n biit kɔn nan'n k maan n luon b ŋanm e. Kaagbennu daa nyikt'n ! n yennu, daa fɔktl nan'n ! ²² Baat yian k tan sonm'n, n yonmdaanɔ n fielu daanɔ