K ¹ Dafiid dian k tul yanyinna saakab . ² Tonu daanɔ yetuk maan be n pal ni, u k laat lin nba paak k u tiin Yennu. ³ K maan u kpann u mɔnŋ. K nak u biit, ŋaan luotl nanŋ sɔnu. ⁴ Maan nba nyi u mɔb ni tie ŋmabl nan faaɔk o. U k tuot dudukŋant nan bonŋann. ⁵ U duanu ni u duki ŋmabl po e, u tuak sɔnu nba k ŋan e, u k nyikt bonbiil. ⁶ Kaagbennu faa goli bonŋan bannu nba yab baal sanpaak a. K faa k lebt'l bannu nba yab k tuu sanpagbant a ⁷ Buut bunu nba tuonk bannu nba tie nan Yennu juat na e, k a buut tie nan buot sunsunŋ na. Kaagbennu a fie niib nan bonkobt. A guulu ŋan bonciann, Oo Yennu! Nisaali gul a kpinkpant maiu ninŋ e, ⁹ k b di kgbuot a ⁸ ŋaak ni, k a nyunt'b a palpienn kpenu ni . ¹⁰ K man a buol e k manfuol jatounŋ be; k a yentu paak k t laat yentu. ¹¹ Tant a guulŋanu bin nba mi'a paak, k a balmɔni ii be bin nba yaa pala tuok paak! ¹² A daa te k japadanɔ n baal'n, k tondaanɔ nuu daa te k n tiin! L buol k bin nba tuun bonbill baa, B caat baa e, k ji kan fit fiil .