1 Kaagbennu lekn bin nba tuu lekn na. Kɔn k nyann bin nba kɔn nan'n . 2 Jiin naagbankɔnŋa bonbit nan bonsaaka k fiil sonm'n . 3 ŋak kpann nan pajamɔliemi bin nba waan paak ! yet n siek a: a fielu tie mine ! 4 K n fei n suol k bia ŋmat bin nba luon k bin kpin ! k bin nba duki n ninbɔnŋ po, n ŋmat nan wutuol ! 5 ki bii tie nan wounŋ nba tuu jii muat nba na.K Yennu malaka bel'b. 6 K b sɔni n gbie nan bunbɔnn nan ŋalnt, k Yennu malaka waa kii biel'b! 7 K maan b jii b janlaant k tien buotuk paak k dɔkn'n. B gbiil a bin kpi'n k i ka paak. 8 ŋmatl n baal'b k daa mi baa jii b janlaant, k dɔkn buotit nba paak, bin baa l ninŋ, kii be ŋmatl ninŋ. 9 k n siek ii be palpienn ninŋ, kaagbennu ninŋ, k u pal ii man u fielu paak . 10 K n kpaba kul saa ŋmat a: kaagbennu, ŋmee saa fit ! nan fin, a fiel yubɔndaanɔ panŋ daanɔ nuu ni. K fiel yubɔndaanɔ nan talatdaanɔ fat-tua nuu ni i? 11 Faak-siala-danm fiil : k boi'n lin nba paak k n mi bi po. 12 K jii bonbiil k pa bonŋann paak. N siek ji be u kua e . 13 ŋaan n datai nba tuu yia, n lia gbatuok, k sikn n siek mɔlolu nin k mei Yennu k k nak. 14 N tuu tie nan b tie n yuak kuo n ninja na e, k b palbiil ni nan n naa e kpo na, k tiib nan pa biil. 15 ŋaan l i tie k n yaan nba a, ŋanm tuu mɔk palpienn k tikl lint'n, b tuu tikl lint'n k n k mi, k kɔn nan'n. 16 ŋaan nan l buol nibiit nan bin nba laa niib k dont wutuol k ŋman nyana nan'n. 17 Yonmdanɔ, l i tie k a goli nna ? Kɔn n siek paak k guuI'n, k guul n manfuol yanbɔlbiit buol ni ! 18 N saa dont a sann tintaancaɔnŋ ni, n saa dont'a nibuolu bonciann sunsuuk ni. 19 K n datai, bin nba kul be biit sɔnu ni daa mɔk palpienn n binbenŋ paak. K bin nba kul nan'n daa suuki l i tie k b la'n . 20 K maan b k pak manu maan, b duki tanpant dudukt e k jiin bin nba be manu ni paaK. 21 B tuu yaat b mɔi k laa'n e a : Ah! Ah! Ah! Kaagbennu a nyuan, a daa ŋmin kaa! 22 kaagbennu la foktl na'n, 23 fiit guan ni fiit k kɔn yiikuot pak, N yonmdanɔ Yennu kɔn n paak . 24 Jiin a balmɔni buut bunu k bu n buut, k b daa mɔk palpiennn paak! 25 K b daa yien b pala ni a: Ah ! taa tuu luon lin nba e na ; k b daa yien a b nak'n. 26 K b kul n di fei, k lin ŋmatib, binba kul fil n paak! 27 Bin nba kul mɔk palpienn Yennu buut bunu paak, bi yikn palpienn wuyikni k b pala ni man! k bii yien yuo kula: kaagbennu sann n do ŋua nba luon tuontunɔ paak . 28 K n mɔb sii piak a buut bunu po, k piak a donta daal kul.