¹ Ii dont yennu man ! ŋan k bia tuok nan tin yin dontl yanii k pakɔ. K maan u ŋan. ² Yennu ŋanmt jelusaleme, u jent nan b'nba k datai din suolb k yaat nanm nae. ³ U tien binba palaa biil nae laafia, k lol'n b fial. ⁴ U mi ŋmabila kul kann, k yi ŋmabil kul nan u sann. ⁵ T yonmdaanɔ tie yenjaanne, k mɔk panŋ nan yiiko, k u yanfuon k mɔk bikinu. ⁶ Yennu dont binba tie sikinin-mɔnŋ danm nae, ŋaan sikint tondanm na . ⁷ Yinin dontl yanŋ k tul yennu, ii faa biɔk k dont yennu man. ⁸ Ŋuae te k sanpagbounŋ duak sanpaapo, ŋuae te bk saak baa tinŋ ni, k te k muat pia juat paak. ⁹ Ŋuae tien bonkobit jiet k b di, k bia tint kinkaliba yuo nba k b yikin kon. ¹⁰ U pal k be tanpalii ni kaa, kuo u pal k mei kunkɔnkɔnna nba mɔk pal paak kaa, ¹¹ Ŋaan u luon binba baaktɔ k bia tien yadaa nan u lonciɔnŋ nae. ¹² Jelusalem, pakin yennu, Syonn duo pakin a yennu. ¹³ K maan ŋuae te k a tanmɔkuaka wakii k tien yetŋanin a waat paak. ¹⁴ Ŋuae te k a tinŋ be liyamani, k te k a jikit jiet k l gbuonta. ¹⁵ U tuo tul u mɔbe tingbounŋ na ni, k linba k u yet na n tun yiama. ¹⁶ U tuo te k wunn n baa nan gbent nae, k bia yat malin nan tanwunn na. ¹⁷ K te k sakaana n baa nan tansakina na, k sua kaa k sa fit tuok waat nba k u tuo tun na. ¹⁸ Ŋaan wuu pak mɔ maan, l nyuntana kul tuo buonte, u tuo tun wounŋo k nyun puub. ¹⁹ U jii u mɔ-maanme k tul u niib, k tul Islaael tieb u wannu nan u sennii. ²⁰ U k tun n na kaa, k tul digban lia niib na, b k mi u sennii . Pakin man.