¹ Dafid bayani: k jin yenyina sakaab po. ² Kaagbennu fatilin biit danm nu ni, A nyinnin jaat danm buol ni. ³ K bin nyunt maa biit b pala ni, k be k guun tɔab fannu yuo kul . ⁴ B labii ton nan walabili: nyuana ne k b maan ton nan waajiɔŋ lobib na. ⁵ K aagbennu i gunn k da baa tondanm nu ni. A nyinin jatdanm nii ni, b loon bin lun. ⁶ Kalinbaandanm pii baluko k guunin , b pii tanbae k bilin janb ant sɔnjok ni a bin suolin. ⁷ N yet kaagbennu a fine tie n Yennu , kaagbennu gbiintil mɔni nba kin mɔ k luon somil na. ⁸ Kaagbennu n yonmdaanɔ nba tie n fat-tua na, fine nyinnin tɔb ni. ⁹ K aagbennu a da tien biit danm nba lon linba, a da te k b laat nyannu b lolinbiit ni. ¹⁰ A da te k datai na laat nyannu , a da te k b lolinbiit nba k b lolin n paak ne n ŋmat ba b yula paak. ¹¹ ŋaant k musankɔuana n baa b paak, ŋaant k b wolb muu ni. binba buotuk ni k da mi do. ¹² Daa te k danm nba fa faak ne laat nyannu, a te k b lolinbiit n baa b paak. ¹³ N mii nan kaagbennu o, taant talii po, k sommi binba be cicakin ninŋ N mi nan balmɔni danm na saa donta waa, b sii be a buol e.