¹ Dafiit yan yinaa sakua bayani, kagbenu a fiitilen k mi maa tie bianŋnba. ² A mi linba kul kin tum, fii lekii be banfɔkila ŋaan a ban n dudukit. ³ Maa sɔnmii, maa duanii, ŋaan a ban n dudukit. ⁴ N tuu tan piak ne k sua ka mi maa saa pak limba. ⁵ A kaan k lintin k maan nuu n paak. ⁶ Faa mii linba l sumii bonciann kin kan fit k baal. ⁷ N saa saan le ka kan lami ? N saa tɔkin le ka kan bann n nanŋi ? ⁸ Mi duo sanpagbɔnŋ ni ŋanikɔ ni sik kpietinŋ ni a ponŋ be lenŋ. ⁹ Mi yukil k saan yendo po ŋanika k saan k b mɔkl kpinŋ, ¹⁰ A nuu si ŋmakitilen ka gaal n tuonn ki sommii. ¹² N b saa yet bunbɔnn k wun bɔlin ŋaan nyiɔk saa kpant yinyiem k lintin. ¹¹ Bunbɔnn k bɔn a buol k nyiɔk yien nan yennu ne. ¹³ Fin ne nan n gbanant kul, k bia tien n gbanant n nae puol ni. ¹⁴ N dont a k maan faa namin biaŋinba, a tuona mɔk yaalituk k tie bonsann kin ban l kula n pal ni. ¹⁵ N gbanant din k bol a buol yuonba kin be n naa puol ni sian nba kin bɔl k kpaatil. ¹⁶ A din la me waa k b malin. A dien k biil a gbɔnŋ ni daa nba kin saa baal tingbɔnŋ ne ni. ¹⁷ Yennu, n la nan a dudukit yab k bia ŋan bonciann k tulin. ¹⁸ Mi kanm l sii yab k gal tanbiini. Mi fiil guan ni n bia be a buol. ¹⁹ Yennu a kaan kpi biitdan ne. N suman k nikpiila ne yaat n buola. ²⁰ B piak biit k jiin a po, k biil a sann ²¹ kagbennu n k luon binba k luona ni k bia bien bal binba kɔn nana ne. ²² N namm nanmɔnŋ, k b tie n datai. ²³ Yennu fiitilen k bann n yan ni, Gotlin k bann n dudukit nba tie. ²⁴ Gotil k laan n be biit sɔnuu ni, k fin ŋmakitin kagbenu sɔnuu ni.