¹ Palmann tie bin ba tuak ŋant sanjok, k bia sonm nan yennu sennu nba pak na yale! ² Palmann k tul bin ba blin wu senni b palani k bia luoonua nan b pala kul, ³ K kl tuun biit, ŋaan sonm wu senni sanjot ni! ⁴ A wann a senni na, a tin fit k cɔlin nan balmɔnie. ⁵ K lin fit man dia ayiikoo nba na, k n taasonma fit k sont fanu! ⁶ N nae k n kii be tuutun paak, nan a senni na kul ni. ⁷ N si donta n pal nie, ŋaan banŋ a balmɔni yiikoo nba. ⁸ N luuon man dia a senni nae: a da nyiktin! ⁹ Naasimua satien n lee k wu binbenŋii yiienni? L tie wun nakin k gaal a momaan me. ¹⁰ N luuona nan n pal kulewa: a da nyiktin k n buuol k fɔktl nan a sennii na ! ¹¹ N dia a momaan na n pal ni, a lin te k n da tuun biit k tiennae. ¹² Dontl tie a yale, ô kaagbennu! A tuntin a senni na! ¹³ Nann mogba nae k n piak a mobona. ¹⁴ N pal meï a senni weiu paak, nan n mɔk mɔkint kul nae. ¹⁵ N tuntin monŋ a sennii nae, k fit k laat a sajot. ¹⁶ N pal man a senni na paak, n kan tanm a mobona. ¹⁷ Tient ŋank k tul a tuontunua, k lin te k mi mɔk manfuol k cɔlin a mobona! ¹⁸ Luuotln ninbina, k man fit la a yiiko baktnonŋ tuuona! ¹⁹ N tie saamuae tingbonŋ paak: a da bɔliin a senni na! ²⁰ N siek mɔk nuonŋ nan wunani a yiikoo nba na. ²¹ A sinkint dontin monŋ danm nae, ŋanm n ba k mopola be b paak na, k buuol k fɔktl nan a senni na. ²² Nyintin b sukt nan b salkin ni! K maan n cɔlin a senni nba na. ²³ Duo diala tun cet k lol lolbiit k jiin n poe, a tuuontunnua ŋannin si tunt wu monŋa senniie. ²⁴ A mobona tien nin palpienne, l tien n kpaamiie. ²⁵ N sie k lol nan tante: tulin min man fuol nan a mobana nba pak na! ²⁶ N pak k wann a n tuona, k a tulin jiinu: a tuntin a senni na! ²⁷ A te k man gbat a senni na niin ni, k duki a baktnonŋ tuoma na pa! ²⁸ N siek mɔk fabin: ŋmatl k fiinnin nan a mobona nba pak na! ²⁹ A fɔkt nannin faok sanjok, ŋaan tulin salya k mii sonm a yiiko na paak! ³⁰ Nyann a balmɔni sanjoko, n goli a yiikoo nba nae. ³¹ N jiin monŋ k lol nan a senni nae: kaagbennu, a da te k n be ŋmatl ni! ³² N tiin a sennii nba na sanjok sunsuuknie, k maan a te k n pal laat yabint. ³³ Kaagbennu, a tuntin, a sennii nba na sanjok, k man fit kütien nl kaka nan juuontu! ³⁴ Tulmin yenfuuon, k man fit k dia a yiiko na k bia ki cɔlnl nan n pal kul! ³⁵ Tɔkintin a sennii sanjok ni! K maan n luuonnl. ³⁶ Tulmin nionŋ a sennü na po, ŋaan da tie nyuu at po ka. ³⁷ A da te k n fiin bon yannu po, A te k mii fo a sennii na ni! ³⁸ Gbiient a puuonino k tul a tuuon tunnua, puuani manŋ tie bin ba tiinna jaaɔmami yalee! ³⁹ Fɔktl nannin sukt nba k n tiin na ni! kmaan a buut na gbie nan ŋante. ⁴⁰ Gotl, n luuon mii tuuna Dante: a te k mi fo a balmɔni na ni! ⁴¹ Kaagbennu, a nunbaatin na nbaalin paak, k a faab u na mun n baal nan a puuonii nba pak na! ⁴² K man fit k jiin daansua nba sicaknin, k maan n jii n monŋ k cab a momaanme. ⁴³ A daa nyint balmɔ ni n mobnii! K maan n dindann be a buut na nie e. ⁴⁴ N sii dia a yiikoo na e yu oo kul, nan yaayuoo kul. ⁴⁵ N sonm n yannie, k maan, k maan n tu fiit k kpaan a sennii nba nae. ⁴⁶ N saa muuant kpanbala a se sennii na, k kan tin jaŋmaami. ⁴⁷ N pal mann nyi a sennii nie. N luuon l sennii maan. ⁴⁸ N dont n nii k toknt a wannii nba k n niien napoe, k nluuon man duki a sennii na paak. ⁴⁹ Tiatl a puuonii na po k tula tuontunnua, k maan a tulin l nyinawa! ⁵⁰ Ŋanne tien n palcienn yennii nba k n be n kpinkpinn ni, k maan a puunii na e tiennin manfuol. ⁵¹ Dont in monŋ danm na laam e; ŋaan n kan ban k cat nan yiiko na. ⁵² N duki a buut nba din be yaayuo po na e! k ciien n pal. ⁵³ Mii la tondanm na k b nyikt a yiiko na, l tuu donn n wutuole. ⁵⁴ A sennii nae tienn yan mani, ŋaak nba ni k n tie saamua na. ⁵⁵ Nyiiɔk n tuu tiat a sann poe, ô kaagbennu! Ŋaan dia a yiiko na n pal ni. ⁵⁶ Lenŋee yiien k tulin; k maan n cɔlin a senniie. ⁵⁷ Ô kaagbennu, n piaak k ya, l tie mii dia a mobonae. ⁵⁸ N mela nan n palnule: a fiimɔk ninbatinu n, paak, nan a sennii nba pak na! ⁵⁹ N tuu duki n taasonma poe, ŋaan tɔkin n taa a sennii na po. ⁶⁰ N kaktl, k bia kant tanntl nan a sennii na cɔlunŋ. ⁶¹ Tondanm na balt lintin ma; ŋaan n kan bank tanm a yiiko napo. ⁶² Tansuuni n tul filk dont a sanne, a balmɔni buut na paak. ⁶³ N tie binba kul tiina jaŋmaami na yuuake, nan binba kul dia a wannii na. ⁶⁴ Ô kaagbennu! Tinŋ gbie nan a ya ŋante; a tuntn a sennu na. ⁶⁵ A tie ŋant k tien a tuuontunnuae, ô kaagbennu! nan a puuonii na. ⁶⁶ Tulmin banm nan yanfuuon! k maan n du a wannii na po. ⁶⁷ Maa ji sikin n monŋ na, ŋaan n din tu sonm taaban kpita nie; mɔtana n ji cɔlin a mobona nae. ⁶⁸ A ŋanne k bia tuun; a tuntin a sennii nba na! ⁶⁹ Japaat donm na duki duduk biit k jiin n poe; ŋaan min ŋannin dia a sennii na nam n paalkule. ⁷⁰ Biyan k dua nan kpapala na; ŋaan min duki a yiiko poe. ⁷¹ L ŋan k tulin nan man siknin monŋ, k fit banŋ a sennii nba na. ⁷² A mobni yiiko nae sɔ npo k cie bonna nba nyili na, t utl nan likli. ⁷³ A niie takin, k bia namin; a tulin yen fuuon, k n fit banŋ a wannii na! ⁷⁴ Binba ŋmaama tulank b pala manne, kimaan n daan a puuoni na ni. ⁷⁵ O kaagbennu! Nban nan a buut na tie mɔnie: tekim nie k a te kn sikin n monŋ. ⁷⁶ A ŋant ii tien n palpaann, nan faa puuon a tuuontunnua na. ⁷⁷ A nunbaatin na n paalin paak, k man fit ki fo! K maan a yiiko nba na tie n lonme. ⁷⁸ Dontin monŋ danm, nba biilin klk mɔk niin ni na n la baak! N Duki a wanni na paak. ⁷⁹ Ŋaant k binba tiinna jaŋmaami, nan binba ban a sennii na n ŋmat jen n buuol! ⁸⁰ N pal i tuuak nan a sennii na nanbal mɔni ni, k man fit k daa di fei! ⁸¹ N siiek fabin a faabu na puuol poe; ŋaan n du apuuonii na po. ⁸² N nunbina ji nuul a puunii na puuol poe; k ji piak a: nlee yooe k a sa maan n pali? ⁸³ K maann tie nan yann nae munyuuk sunsuuk ni; n kan ban k tanm a sennii na. ⁸⁴ A tuuontunua daa tie ŋanŋaae? biayuuoe k a sa bu binba biilin na? ⁸⁵ Japaat danm na gbii buuotit n nunm nie; b k tuun nana yiiko nba ya na. ⁸⁶ A wanniinu kul tieeke; b mabn ŋaan kl kapaak: sonmtin! ⁸⁷ B bo ya bin siknin me k gbenn n maan; ŋaan mun, kan tanm a sennii po. ⁸⁸ Tulmin manfuuol, nan a ŋant n ba tie na, k man fit k dia a sennii mobona! ⁸⁹ Yuuo kul, ô kaagbennu! A mobona tun k bee sanpaapo. ⁹⁰ A teknm na be niib paabu paabu kul ni yuuo kule; k a nan tingbonŋ, k u dia kan kan. ⁹¹ A yaa yikoo nba na paake k bonsial kul be dinna nba na, k maan fnne dia bont kul. ⁹² A yiiko na boii ki sonmin, nbo kpo n fala ni wa man. ⁹³ N kan ban k tanm a sennii na po, k maan l tɔkin l nie k a tienin manfuuol. ⁹⁴ N tie a yue: nyintin daami ni! k maan n luuon a wannii na e. ⁹⁵ Tondanm na suun a bin bianin me; ŋaan k n mun cenŋ a sennii nae. ⁹⁶ N laat linba kul ŋan nae kpa paak: ŋaan a wannii na nannin k mɔk paak. ⁹⁷ Munŋaae k n luuona yiiko na! L tie bont nba k daal kul k n tie maalin l paake. ⁹⁸ A wanniina ŋami tiennin yenfuuonk cie n datai na, k maan n mɔkl daal kuln buuol. ⁹⁹ N ŋanm k la tunta k cie n tuntieb, k maan a sennii na tie linba k n duki l paake. ¹⁰⁰ N yul fo k cienikpela, k maan n cɔlin a senniie. ¹⁰¹ N so n taale a lin fɔkt nan sanjobiit kul, k fit kn dia a mobona. ¹⁰² N k fɔktl nan a sennii nba na, k maan fine tuntin. ¹⁰³ Amomaan man k tulin, k cie siat n mobni! ¹⁰⁴ K tɔkin a wannii po, n ji tie wunba k wu yul foe, k bia k tɔki faauk sanjok. ¹⁰⁵ A momaan tie ftle n taa ni, k biatie yinyiionŋ n sanjok ni. ¹⁰⁶ N pol k set nan, n sa diak biacɔlin a balmɔni yiikoo nba na wa. ¹⁰⁷ N sikin n monŋ fanuwa: kaagbennu, a te k n binbenŋ ii tuuak nan a moaan na! A gaal, ô kaagbennu! ¹⁰⁸ N mob un lanbona nba k npak, na ŋaan tuntin a yiikoo nba! ¹⁰⁹ Ninanfuɔl be danŋ nie yuokul, ŋaan n k tanm a yiiko. ¹¹⁰ Tondanm na balminbalte, ŋaan n k buuol k fɔktl nan a wannii na. ¹¹¹ A sennii tie mɔkinte k tulin yuo kul, k maan l tiennin palmanne. ¹¹² Nsuol nan n pal n n dia a senniina, yuuo kul kaaka nan juuontu. ¹¹³ N kiuuon niib nba k mɔk dudukt na maan, ŋaan n niien a yiiko nae. ¹¹⁴ A tien suutuae nan n fatuae; n daan a sennii na nie. ¹¹⁵ Fɔktl man nannin, yinm tondanm, k man fit k cɔlin n yennu wannii na! ¹¹⁶ Sonmtin nan a puuonii nba ya na, k man fit ki mɔk manfuuol, k daa te k n be ŋmatln n dindann ni! ¹¹⁷ Ii tie n sonmtua, k man fit k la fatu, ki dia a sennii na k a daa nyikt in! ¹¹⁸ A k luuon binba kul kpiatl nan a senniina maan, k maan b bontuk na k mɔk niin ni. ¹¹⁹ A nyint nan punposuuk nae tingbonŋ paak tondanmna kul; l paake k n nien a sennin nba. ¹²⁰ A paake k jaŋmaami nan waat suuolin, n tiin a buut na. ¹²¹ N cɔlin a yiiko nan balmɔniie: a daa nyiktin nan binba wa k bielin! ¹²² Ii du tuontunnu ŋant paak, a da nyiktk japaat danm na caknin! ¹²³ N daak bak a faabu, nan a balmɔni puuonii na powa. ¹²⁴ A tun k jiin a tuontunnua po nan a ŋant nba ya na, ŋaan tuntin nan a sennii nba yabienŋ n ba na. ¹²⁵ N tie a tuontunnuae: tulmin yenfuuon, k man fit k bann a sennii nba na! ¹²⁶ Yuo baal nan kaagbennun tun wu tuuon a: b k tuuak a yiiko na ni. ¹²⁷ L paak e kn niien a sennii nba, k cie likmɔna nan likyon na; ¹²⁸ Ŋanne te k n gat k la ka wannii na tie balmɔniie, k n k luuon faauk kul sanjok. ¹²⁹ Asennii tie bon golikalae: k n siek mun bia cɔlinnl. ¹³⁰ A momaan dɔktu yentle, l tiien yenfuuon binba k dont b monŋ na. ¹³¹ N yaat mobo k fuont k sikin na kmaan n ŋakt a wannii na paake. ¹³² Ŋmantl a nunm k jiin npo, kii mɔk ninbaatin n po nan a boktl nba ya biienŋinba k jiin binba luuon a sann na po! ¹³³ A te mii sie lii paal a momaan ni, k daa te k bisiiat yentlin mi! ¹³⁴ Nyintin niib nba waa k diinnin na ni, k man fit k dia sennii nba na! ¹³⁵ A yent a nunŋ a tuuontunnua paak, ŋaan tuntin a sennii nba! ¹³⁶ N nyunnyuut puub nan nyun nyii juual k siik nae, k maan b k cɔlin a yiikoo nbana. ¹³⁷ A tie mɔni daanuae, ô kaagbennu! k abuut na tie yenmo; ¹³⁸ A tu yii a balmɔnii nan a tekin ciionŋ paake k senn a sennii nba na. ¹³⁹ N pal di muue nan wutuuol, k maan n datai na tanm a momaan ma. ¹⁴⁰ A momaan tie balmɔniie, k a tuuontunua luuon l mamaan. ¹⁴¹ N tie bike, k b yismin; ŋaann k ban tanm a wanniina. ¹⁴² A balmɔnii na tie balmɔnii nba kaagbennue, k a yiiko nun tie mɔniie. ¹⁴³ Daaminan palbiil baatinme: ŋaan a wannii nae tiennin palmaatl. ¹⁴⁴ A sennii na tie mɔniie yuuo kul: tulmin yanfuuon, k man fit kii fo! ¹⁴⁵ N yia nann pal kule: tulmin jiinu, kaagbennu, k man fit k dia a sennii! ¹⁴⁶ N yia: nyintin daami ni, k man fit k dia a sennii nba! ¹⁴⁷ N yiina k yendu daak duo; n daan a puuoni ni. ¹⁴⁸ N k guuant nyiiɔk, ŋaan nyoi, a man duki a maan paake. ¹⁴⁹ Ii gbiin n kunkɔl nan a ŋant nba tie na! A te k mii fo nan a balmɔnii nba ya na! ¹⁵⁰ B naki, binba wa kukpinu na, b fɔktl nana yiikooe. ¹⁵¹ A ii k fɔk, ô kaagbennu! k a wannii kultie balmɔniie. ¹⁵² L wai bonciaan, k n ban k jiin a sennii na po, nan a din sennl a lii ba yuoo kule. ¹⁵³ Gotlin fala, k nyinninlni! k maan n kan tanma yiiko. ¹⁵⁴ A konn paak, k ŋmat k daan; tulmin manfuuol nan a puuonii nba ya na! ¹⁵⁵ Faabu fɔk nan tondanm, k maan b k kpaan a senii. ¹⁵⁶ Aninbatinu yab bonciann, ô kaagbennu! A tulin manfuuol nan a balmɔni na ni! ¹⁵⁷ Binba caknnin nan binba tie n dataï na yab; n kan bank k fɔkt nan a sennii, ¹⁵⁸ N goli binba nyint ŋasiil na k bia k dia mɔmaan na nan wutuole. ¹⁵⁹ A cɔlin nan, n luuon a wannii: kaagbennu, a te k n binbenŋ ii tie nan a ŋant na! ¹⁶⁰ A momaan fiakl tie balmɔniie k balmɔnii yiikoo nba na, kaagbennu. ¹⁶¹ Kpanbal waas caknin me kl kaaniin; ŋaan n pal jekl k jiin a momaan poe. ¹⁶² N palman a momaan paak, nan wunbatu la mɔkint kl yab nae. ¹⁶³ N k luuon, faauk, nbia nuntle, ŋaan luuon a yiiko na. ¹⁶⁴ N yabtl daal nuakni taal munlole e a sann, a balmɔnii yiikoo nba na paak. ¹⁶⁵ Palmann binbenŋ yab k tul binba luuon a yiiko na, k siial yaa yubonn kan baalib. ¹⁶⁶ N daan a faabu poe, k cɔlin a wanniina, ô kaagbennu! ¹⁶⁷ N siiek cɔlin a sennii na, k bia luuon n l bonciann. ¹⁶⁸ N dia a wannii na nan a sennii na, k maan n sɔnii kul be a nunŋ poe. ¹⁶⁹ N kunkɔln do k baal a buuol, ô kaagbennu! tulmin yenfuuon nan a puuonii nba ya na! ¹⁷⁰ N finfabniin baal a buuol! nyintin daami ni, nan a puuonii nba la buuol! nyintin daami ni, nan a puuonii nba na! ¹⁷¹ N mob si yiin k dontae! k maan a tuntin a senniie. ¹⁷² N jelnn ii yien a mabona! k maan a wannii kul tie mɔniie. ¹⁷³ Anuuii sonmtin! K maan n gann a senniie. ¹⁷⁴ N ŋakt a faabu na poe, ô kaagbennu! k yiiko na tie n yenbua lonmo. ¹⁷⁵ N sieiek ii fo ŋaan ki donta! ka bal mɔni na ii dian! ¹⁷⁶ N tie bonyinyekle nan pebot kak na; lomin a tuontunua, k maan n kan ban tanmm a wannii na.