¹ Dont kaagbennu k maan u ŋan k u lonm kaagbennu. ² ŋaant k Islael tien n yet'a u lonm kaagbennu. ³ K Alon ŋaatieb n yet'a, k maan u lonm kaagbennu. ⁴ ŋaant k binba jiantlɔ kul n nyet'a "lonm kaagbennu". ⁵ N daa mii ni e k n yin kaagbennu. K u tulin gatu k nyinin daa mii manŋ ni. ⁶ Kaagbennu be nanin, k n kii jie sia, nilɔ saa fit tienin bee? ⁷ Kaagbennu e sonmitin k n nyant n datai. ⁸ L ŋaan fin tien kaagbennu yada k cie fii maa nisaalik paak. ⁹ L ŋaan fin tien kaagbennu yada k cie fii maa tuaann danm paak. ¹⁰ D atai bonciann lintin me l kul po. ŋaan k n jii kaagbennu panŋ k biil b kul. ¹¹ B daan ŋaa lintinme l kul po, ŋaan k n jii kaagbennu panŋ biil b kul. ¹² Bi danm waas gbangban nan sai na, ŋaan k jii Yennu panŋ k kpiib, k b buot nan nan muu nba tuu di namual na. ¹³ B daan wolin nan nimmɔnne a bin nyannin. ŋaan k kaagbennu sommin. ¹⁴ Kaagbennu tulin panŋ nan yiikoo ŋua e tinnin. ¹⁵ Gbiintil palpienn huoti nba nyi kaagbennu niib binbe buol k jiin nyannu po na: Kaagbennu yabint yiikuo te k l tun . ¹⁶ U yiiko tult e nyannu , u jii u pancianŋo k kɔn tɔb ninŋ. ¹⁷ N kan kpo, n sii foe k muantil linba k kaagbennu tun. ¹⁸ kaagbennu dat n tubl bonciann, ŋaan nyik kin kpo. ¹⁹ Luotl kaagbennu ŋaasakak tanmoi na k tulin. N saa kua lenŋ k dont kaagbennu. ²⁰ Kaagbennu tanmoi na, anme kua e saa kua lenŋ. ²¹ N donta k l maan a gbia n fabini, k maan a tulin nyannu wa. ²² Tann nba k tanmaala yetil na, ŋanne tan tie lɔtik ni tanŋann. ²³ L nyi kaagbennu bulo e, l paak l tient bakitnaunŋ ²⁴ Daal nba na e tie kaagbennu daal ŋaant k tii mɔk palpienn kii kpanm man. ²⁵ O! kaagbennu, a tinnit, o! kaagbennu a tulb a nyannu. ²⁶ Piisin be wun nba baat kaagbennu sann ni na paak. ²⁷ T be kaagbennu tie n yinmdaanua k yentilin ii lol biit daanua k donn paanua maalunŋ binbintil paak. ²⁸ F ine tie Yennu; kin saa donta, n yennu ! k n saa muant a yaabint. ²⁹ Ii dont Yennu k l maa u ŋan k maan u lonm k mɔk gbennu.