1 Yubann be duo nba mɔ son, k gbienan faaɔk, nan kpikpuluuk, k bia fiaal niib bonnaa na paak! 2 Ii gbiaa kpaktil fuot, nan fiaa fuot, nan taa nii kak tin, nan b tolit fuot man. 3 K taajaklaa tien siil, k juk pekin, k kpann nyilii.. k niib tutban janm! k nikpii-naa dua k kaa kann! k b baa nikpiinaa paak 4 Cinconn na cinconmcionŋ paak, nan fant nba k u diaa k daal niib, k diaa u cincom na k kuat digbanaa, nan niib na nan u fant 5 K kaagbennuk yet a, n nanmaa biit na paak, n saa don a biit manŋ k bil a nunŋni, n saa te k duo niib nba a niiyann, k dinaa feii digbanaa kul ni. 6 N saa jii jɔkint k lu a paak k biil a fant, k senna nibul sinsiik ni. 7 k binnba kul tuu laa, saa ciaal, k fokt a buol k nua kul tu saa yeta: niinif biilaa! ŋmee saa tinŋ ninbaɔku? A saa la binnba saa maan a pal lia? 8 A cii no-amon nba din kal nyun sinsiuk ni, k nyunpanaa kaak lint k nyun na tie gunpaalil nba kaak k guu nae? 9 Etiopia nan Esipt tieb din tiinŋ panŋ, k puut nan liibia tieb siiek taantɔ. 10 Ŋaan b bo tan jiu k saan nanɔ digbangann ni, k u saan k be daab- s ninŋ, k b kpi b waas sonjot ni k lunn, k baan b saakab na nan jalit. 11 A mun tan saa gboo daame, a saa bɔlaa; a mun tan saa kpaan a fin bɔl k a dataii daa laataa. 12 A ŋajaanaa na kul tie nan kinkanii nba tu dɔnŋ biele; k bii nik yoo nba, l baa wun nba kul luon wun di mɔb ninŋ 13 gotil, a buolu kul tie piobe k be a buol; a duo tanmoii luot yaae k te a dataii; k muu n di kut laannaa n ba puan a tanmɔkɔɔkaa ni na. 14 Luont nyun, k sik tanbuok ni , k ŋmaa yɔk tant, k maa bilkpulikii! k ŋam pukin a ŋaak na fiakl panŋ. 15 Lenŋe k muu saa diia, k bin kpiaa nan juk, k buotaa nan naasuut nba tuu taan bianŋ nba na. Tikt a mɔŋ k taan nan naasuut na! 16 K a kpinkpentaa nba tu yab nan ŋmaabilaa nba be san paapo na,k b ji tie nan naasuut nba tu yat kpinkpanaa k yuuk na. 17 K a wasaakab nan kunkɔn konnaa saakab tie nan naasuut nba tu tikl k pɔl yenn buol wat yoo,ŋaan yennuu i tanŋii put yoo nba b kul n yukl yat k sua kan bann baa be sian nba na. 18 Aasiili kpanbal, a kpatiieb na gɔant, k a nijaannaa na dua foii, k a niib na yat juaal paak, k sua kaa k saa tiklib. 19 A fiiɔk na k mɔk tebuk, l tie kuun fiiɔko. Niib nba kul gbat k b pak a po sii kpam k poii niipuote, k maan ŋmee k a tonnuuu na k baalɔ?