¹ Biiltuo baat a win lekaa. taant a panŋ kul! k sikinŋ gbann siaak ni! k guul a diŋannaa! kiigolii sonnuu fanuu! ² K maan kaagbennuk ŋam fiien saakɔb nan Islael yuudante, k maan fatitieb bo baal k biil l kulaa ³ U panŋ dam na naagbenkɔnŋaa tie bon mŋnnaae, k tob faalaa na liaa tamɔn nyinyilaa, k taantolit na kutaa nyilii k nyokt,k guu daal nba k b senn k saa kon kunkonn na, k kpannaa jekil. ⁴ K taantolit yat kua duo ni, k kakii saa b tintaan buol; k a ii lab k ba naan mikpanaa, ktiien nan san yinktii na . ⁵ U tiaat u kun konnaa saakob na poe, ŋaan k b som k jalib; k kakii k saa guanaa po, k sua bobint a wun guulɔ. ⁶ K mɔkl tanmoii luot, k naan ŋaak lunn! ⁷ K l tiien nna: k u ji siie yann, k b jiiu saan nanɔ, k u ŋaatuotunnaa faa palbiil, k mɔ nan lanjela na. ⁸ Niniif bo tie nan nyunbual nba gbie nan nyun nae. ŋaan ji gotilib ŋaanm ii ji tiien na ..K b yib a setil! setil! ŋaan sua k jiantl. ⁹ Saatl nyinn liklii, nan lik mɔnaa! faal, nan bonnaa nba mɔk mɔkint buolu-buolu be leŋ. ¹⁰ B bakil b bonnaa, k biil duo na, k b palaa bonn, k dunaa jekl, k siaati ni yiaal, k b num po penn. ¹¹ Yanbɔlaa bunbɔl buol, nan b bonbit dindi buol, sian nba k yanbɔl jal nan bonnaan, nan bonbit tuu be k mann b yamaa ni na, siaan nba k nua kan baal k mabim na, l buol ji tan tie bee? ¹² yanbɔljal tuu kɔte k tul u bon naann, k pat-pat k tul bonbit, k bin gbiien bi fiaat na jiiet. ¹³ Kaagbennuk yet a got l, n namaae, n saa te k a taantolt na n kpant munyuot, k juk banjiak n kɔt a yanbɔl bit, n saa gaal faa fat linba k jii tien a yal na kul, k sua ji kan ban gbat a tuumii nba na kunkɔlaa.