¹ Suolu nba jiin ninif po.Gbonŋ na tie naawum nba nyiinelkos doo ni na yaan la dɔktu nbae. ² Kaagbennuk tie yennu nba mɔkpun-ponne, u gbie nan wutuole k kɔn u mɔnŋpaak, kaagbennuk kɔn nan bin nba kɔn nanŋ, u k nyikt cabt u dataii. ³ kaagbennuk wutuol k do yian, u panŋ ninŋe k u yab, uk nyikt tubdatu. U somm wonŋ ninŋe,gbelinsapinninŋ; sapagbanttie u taa tanwuntuko. ⁴ U mabint mɔkl , k l kuot, k te k nyun fuat bunii ninn, k baasan nan kaamel ji k mɔk panŋ, k te liiban tipuuk kpint. ⁵ Juaat jekle u nunŋpo, k kunkonaa nanii, k tinŋ fiint tingbonŋ nan niib nba kual ni kul u nunŋ po. ⁶ Ŋmee sa fit set u wutucionŋ na niŋ? ŋmee sa fit set k tol u wutuol nba tie muu na? u wutuol yat nan muu nae, k tanfiat yaktil baa u nunŋ po. ⁷ kaagbennuk ŋan, u tie t bunbɔl buol dabiil daal,u ban bin nba jii b mɔnŋ tien u ninŋ. ⁸ Ŋaan nan nyunpanaa nba dok gaal na u saa biil duo na, k waan u dataii kakaa nan bunbɔnn ni. ⁹ Ii malii a yin kon nan kaagbennuk bee paake? wuɔ i tu biil. K dabii kan baal taalmunle ka. ¹⁰ Baa taan tie nan kunkonii na, k tie nan dagbolaa na paak, b saa di muu nan muat nba tu kuol nae fas. ¹¹ A ninŋe k wunba malii bonbiil nan kaagbennuk na nyii, wunba mɔk maal biit u ninŋ. ¹² Nan b yabint kul, b saa jaam k bin yat.N saa dinaa feii k ji kan ban laa feii.... ¹³ N saa yakt u jik kpiat l nba ku jii, k bia biil a naataann... ¹⁴ Gotl kaagbennuk yaan bobin linba a paak: a ji kan la yaabuonaa k bin dia a sann; n saa nyinn ban ninnant nan bon kpielkaa nba be a yenbik ŋaak ni na; n saa bobin a kaaok, k maan a fukii bonciann. ¹⁵ Gotl wunba muant laafia na taa jual paak! sudaa, ii di a jaam nba , kgbiien a piotii! k maan nitonŋ na bot caiin waa, u ji kan ban gal a buol.