¹ Yomdaanɔ yennu nba jiin yet linba e na: n tun n tontii a wun luot sonu k tul'n. Yomdaanɔ nba k t luonua na saa baal mɔtaana u yenjiontu ŋaak ni. Tonti nba k i guu na saa sennu mɔsonn nani ŋuae baat na. ² Sua be k sii mɔk manfuol waa saa baal yuo nbaa ? Sua saafit ki sie u taapaak waa saa dɔkt yuonba a? u sii tie nan muu nba tuu leni kut nae, k tie nan bonpent tua cieb na e. ³ U saa kal e k nann likli kut k nŋinn jɔknt nan baa tuu wuul salma na. U saa wuul lefit yaabuonaa k nŋinn jɔknt kul b paak. B saa wann yomdaanɔ b piini nan semi nba wann bianŋ nba na. ⁴ Yomdaanɔ saa gaal Juuda nan Jelusalem niib piini nan waa tuu gaan bianŋ nba bina nba gal na. ⁵ Tingbonŋ kul yomdaanɔ wann nan monii, n saa baal i sunsuuk ni k bu buut n saa taal bin nba tunn baktinɔnŋ tuonaa, k tuun cuncon tuona k fa faak, k mŋab tuontunna likli, k mab pakɔi nan kpiebi, k tien saam but, k k mi nan n be. ⁶ N tie kaagbennu e k k mɔk lebtuu i bia sii tun tie Jaacob yaabuona e. ⁷ I yejanm yuo k sua k i daa lin kaa i lin k gbiintl n mann i bia k gbintl sial. I jen n buol, k n mun saa jen i buol min yomdaanɔ n piak i balmoni e ŋaan k i piak a t saa tien n lee k jen a buol i? ⁸ ŋaan n saaboiik laan l ŋan nan yin kpann yennu u ? ŋaan k i kpann n i boin nlee? bonaa piik ni bonyenn nan piini. ⁹ i be mɔpol ciɔnŋ ni k maan i mɔk kpinpanni. ¹⁰ ŋaan i baal nan i mɔknt bonaa piik ni bon yenn n jiantu ŋaakni k jiet i be yuo kul i saa fit bikin min yomdaanɔ k jiin l po. Saa la nan n saa luot sapagbonŋ k tien bonŋann k tul'i. ¹¹ N saa t k bonyuyukt laa biil i jiet, k t kfiinŋ nba luon luona min e bieli. ¹² Digbana kul saa bet'i nan i be fanuu k maan i sii tie digban ŋann e. Yennu maan ni. ¹³ Yennu yet a i maan sii waki k tuln, k i saa yet a t pak be k biil a ni? ¹⁴ Yaa yet lin nba na mɔnie na, ŋan nan tii tuun yennu tuonaa. t cɔln u maan k saa kumalunŋ a tien gaal t yomdaanɔ ninbatinu ŋaan t k la nŋɔsiat. ¹⁵ Mɔtaana t dukin nan japadanme be biyani ni. tondanm paakit k tuu bikin yennu k bia nŋi lenŋ. ¹⁶ Bin nba tiin yennu jamŋaani piak nan b lieb, k yennu tie suon n na k gbiin k b dian gbonŋ u numm ni baa tiin yennu jamaŋaani k bia cɔlin'ɔ. ¹⁷ K yennu yet b sii tie n yab e. n sii yenm nan daal nba k n saa bobin. n sii mɔk ninbatinu namm nan nilua nba tuu tiin u binimɔnŋ nibaaut na. ¹⁸ K l puolpo i saa la bɔktuu nimonm na tondanm sunsuuk ni, bin nba waa yennu nan bin nba k waa yennu sunsuuk ni.